18.12.2020 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

17 դեկտեմբերի 2020 թվականի N 2095-Ա

ԳՆՄԱՆ ՊԱՅՄԱՆԱԳՐԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով Հայաստանի Հանրապետության կառավարության 2017 թվականի մայիսի 4-ի N 526-Ն որոշմամբ հաստատված կարգի 3-րդ և 57-րդ կետերը` Հայաստանի Հանրապետության կառավարությունը որոշում է.

1. Թույլատրել Հայաստանի Հանրապետության տարածքային կառավարման և ենթակառուցվածքների նախարարությանը սույն որոշման հավելվածի 1-ին և 2-րդ կետերում ընդգրկված Հայաստանի Հանրապետության ընդհանուր օգտագործման միջպետական նշանակության ավտոմոբիլային ճանապարհների միջին նորոգման աշխատանքների կատարման գնման պայմանագրերում կատարել փոփոխություններ՝ աշխատանքների կատարման վերջնաժամկետ սահմանելով 2020 թվականի դեկտեմբերի 22-ը:

(1-ին կետը փոփ. 15.04.21 N 596-Ա)

1.1. Թույլատրել Հայաստանի Հանրապետության տարածքային կառավարման և ենթակառուցվածքների նախարարությանը սույն որոշման հավելվածի 3-րդ կետում ընդգրկված՝ Հայաստանի Հանրապետության ընդհանուր օգտագործման միջպետական նշանակության ավտոմոբիլային ճանապարհների միջին նորոգման աշխատանքների կատարման գնման պայմանագրում կատարել փոփոխություն՝ աշխատանքների կատարման վերջնաժամկետ սահմանելով 2021 թվականի ապրիլի 30-ը:

(1.1-ին կետը լրաց. 15.04.21 N 596-Ա)

2. Սահմանել, որ սույն որոշման հավելվածում ներառված պայմանագրերում փոփոխություններ կատարելիս չի կիրառվում Հայաստանի Հանրապետության կառավարության 2017 թվականի մայիսի 4-ի N 526-Ն որոշմամբ հաստատված կարգի 56-րդ կետի 4-րդ ենթակետի պահանջները:

2.1. Սահմանել, որ սույն որոշման հավելվածի 3-րդ կետում նշված պայմանագրում փոփոխություններ կատարելիս չեն կիրառվում նույն պայմանագրի կնքման օրվա դրությամբ գործող Հայաստանի Հանրապետության կառավարության 2017 թվականի մայիսի 4-ի N 526-Ն որոշմամբ հաստատված կարգի 32-րդ կետի 10-րդ ենթակետի պահանջները, իսկ բանկային երաշխիքի ձևով պայմանագրի ապահովման փոխարեն կապալառուն ներկայացնում է պայմանագրի ապահովում՝ միակողմանի հաստատված հայտարարության` տուժանքի ձևով:

(2.1-ին կետը լրաց. 15.04.21 N 596-Ա)

3. Սույն որոշման պահանջները տարածվում են մինչև սույն որոշումն ուժի մեջ մտնելը ծագած հարաբերությունների վրա:

Հայաստանի Հանրապետության վարչապետ

Ն. Փաշինյան

18.12.2020 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ կառավարության 2020 թվականի դեկտեմբերի 17-ի N 2095-Ա որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԸՆԴՀԱՆՈՒՐ ՕԳՏԱԳՈՐԾՄԱՆ ՄԻՋՊԵՏԱԿԱՆ ՆՇԱՆԱԿՈՒԹՅԱՆ ԱՎՏՈՄՈԲԻԼԱՅԻՆ ՃԱՆԱՊԱՐՀՆԵՐԻ ՄԻՋԻՆ ՆՈՐՈԳՄԱՆ ԱՇԽԱՏԱՆՔՆԵՐԻ ԿԱՏԱՐՄԱՆ ԳՆՄԱՆ ՊԱՅՄԱՆԱԳՐԵՐԻ

NN ը/կ	Կապալառուի անվանումը	Պետական գնման պայմանագրի համարը	Պետական գնման պայմանագրի կնքման ամսաթիվը
1.	«ԱՎԱ-2000» ՍՊԸ	ՏԿՏՏՆ-ՀԲՄԱՇՁԲ-2019/4Շ-6	04.07.2019 թ.
2.	«Արգիշտի 1» ՍՊԸ	ՏԿԵՆ-ՀԲՄԱՇՁԲ-2019/17Շ-2	16.08.2019 թ.
3.	«Արհովշին» ՍՊԸ	ՏԿՆ-ՀԲՄԱՇՁԲ-2018/20Շ-5	30.10.2018 թ.

Հայաստանի Հանրապետության վարչապետի աշխատակազմի ղեկավար

Է. Աղաջանյան