ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Օ Ր Ե Ն Ք Ը
Ընդունված է 2002 թվականի հոկտեմբերի 8-ին
«ՊԵՏԱԿԱՆ ԳՈՒՅՔԻ ՄԱՍՆԱՎՈՐԵՑՄԱՆ (ՍԵՓԱԿԱՆԱՇՆՈՐՀՄԱՆ) ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հոդված 1.
«Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի (13 հունվարի 1998 թվական, ՀՕ-188) 1-ին հոդվածի առաջին, երկրորդ և երրորդ մասերում «իրավահարաբերություններ» բառը փոխարինել «հարաբերություններ» բառով և ավելացնել հետևյալ բովանդակությամբ նոր մաս`«Հողի մասնավորեցումն իրականացվում է Հայաստանի Հանրապետության հողային օրենսգրքով սահմանված կարգով:»:
Հոդված 2.
Օրենքի 2-րդ հոդվածում`- առաջին մասում` «պետական ընկերությունների բաժնետոմսեր, պետական մասնակցությամբ ընկերությունների և ոչ պետական ընկերությունների պետական բաժնետոմսեր» բառերը փոխարինել «ընկերությունների` պետությանը պատկանող բաժնետոմսեր» բառերով.
- ուժը կորցրած ճանաչել վեցերորդ մասի «է» ենթակետը.
- ուժը կորցրած ճանաչել երրորդ և ութերորդ մասերը:
Հոդված 3.
Օրենքի 3-րդ հոդվածում`ա) 1-ին կետի առաջին մասը շարադրել հետևյալ խմբագրությամբ`
«1. Մասնավորեցումը պետական գույքի նկատմամբ սեփականության կամ պետությանը պատկանող այլ գույքային իրավունքների փոխանցումն է մասնավորեցման սուբյեկտներին:»,
- երկրորդ մասը «Պետական գույքի» բառերից հետո լրացնել «(բացառությամբ պետական հիմնարկներին ամրացված շարժական գույքի)» բառերով,
- ավելացնել երրորդ մաս հետևյալ բովանդակությամբ`
«Պետական հիմնարկներին ամրացված շարժական գույքի մասնավորեցումն իրականացվում է Հայաստանի Հանրապետության կառավարության սահմանած կարգով:».
բ) 2-րդ կետի «բ» ենթակետը շարադրել հետևյալ խմբագրությամբ`
«բ) պետության մասնակցությամբ ընկերության լուծարումից հետո պետությանն անցած գույքը.»,
- «գ» ենթակետը շարադրել հետևյալ խմբագրությամբ`
«գ) օգտագործման իրավունքով տրված պետական գույքը, այդ թվում` անշարժ գույքը.»,
- ուժը կորցրած ճանաչել «է» ենթակետը,
- «ը» ենթակետում «-տրամադրված են վարձակալության ոչ պետական տնտեսավարող սուբյեկտներին կամ քաղաքացիներին մինչև 1997 թվականի դեկտեմբերի 15-ը,» բառերը փոխարինել «-տրամադրված են վարձակալության իրավաբանական կամ ֆիզիկական անձանց,» բառերով,
- «զ» ենթակետը շարադրել հետևյալ խմբագրությամբ`
«զ) պետությանը պատկանող այլ գույքային իրավունքները.».
գ) 3-րդ կետում «Մասնավորեցում չի համարվում» բառերը փոխարինել «Սույն օրենքով չեն կարգավորվում» բառերով,
- «ա» ենթակետից հանել «բռնագանձելու,» բառը,
- ուժը կորցրած ճանաչել «ե», «զ» և «է» ենթակետերը,
- «ը» ենթակետը «հիմնարկներին» բառից հետո լրացնել «ամրացված» բառով և հանել «վարձակալությամբ տալը և» բառերը:
Հոդված 4.
Օրենքի 4-րդ հոդվածի 1-ին կետի «դ» ենթակետից հանել «` «փոքր» մասնավորեցման դեպքում» բառերը:
Հոդված 5.
Օրենքի 5-րդ հոդվածի 1-ին կետը «անդամները» բառից հետո լրացնել «, համայնքները» բառով:
Հոդված 6.
Օրենքի 6-րդ հոդվածում`ա) առաջին մասի «արտարժույթը» բառը փոխարինել «օտարերկրյա արժույթը» բառերով.
բ) երկրորդ մասում «հիմնադրամին» բառը փոխարինել «կապիտալին» բառով, հանել «(միջազգային մրցույթների մասով)» բառերը, իսկ «նախատեսված դեպքերի» բառերը փոխարինել «նախատեսված դեպքերում» բառերով:
Հոդված 7.
Օրենքի 12-րդ հոդվածի «դ» ենթակետի երկրորդ մասը «արտոնությունները» բառից հետո լրացնել «, մասնավորեցվող գույքի կազմում մասնավորեցման առաջարկվող հողամասերի մասին տեղեկությունները (գինը, օգտագործման տրամադրման պայմանները, սահմանափակումները և այլն)» բառերով:
Հոդված 8.
Օրենքի 13-րդ հոդվածում`- «գ» ենթակետից հանել «(սեփականության իրավունքի փոխանցում նոր սեփականատիրոջը)» բառերը, իսկ «վերահսկում է գործարքներ կատարելը և կիրառում գործարքներում նշված պատժամիջոցները» բառերը փոխարինել «վերահսկում է պայմանագրային պարտավորությունների կատարումը, դրանց չկատարման դեպքում ձեռնարկում է Հայաստանի Հանրապետության օրենսդրությամբ և մասնավորեցման պայմանագրով նախատեսված միջոցներ» բառերով,
- վերջին «ը» ենթակետը համարել «ժ» ենթակետ:
Հոդված 9.
Օրենքի 14-րդ հոդվածում`ա) 1-ին կետի «գ» ենթակետից հանել «(այդ թվում` միջազգային մրցույթ)» բառերը.
- «ը» ենթակետից հանել «պետական գույքի, ինչպես նաև» բառերը և ենթակետը լրացնել «` սույն օրենքով նախատեսված դեպքերում» բառերով.
բ) 2-րդ կետի երրորդ մասում «կատարվում է» բառերը փոխարինել «կարող է կատարվել» բառերով:
Հոդված 10.
Օրենքի 15-րդ հոդվածում`ա) 1-ին կետի առաջին մասը «ամբողջությամբ» բառից հետո լրացնել «կամ դրա մի մասի» բառերով,
- երկրորդ մասի «որոշումն ընդունելու» բառերը փոխարինել «գույքի գնահատման» բառերով.
բ) ուժը կորցրած ճանաչել 7-րդ կետը:
Հոդված 11.
Ուժը կորցրած ճանաչել օրենքի 16-րդ հոդվածի 5-րդ կետը:
Հոդված 12.
Օրենքի 17-րդ հոդվածում`ա) վերնագրից հանել «(միջազգային մրցույթով)» բառերը.
բ) երրորդ մասը լրացնել հետևյալ բովանդակությամբ «զ» ենթակետով`
«զ) այլ պայմաններ:».
գ) չորրորդ մասից հանել «կամ միջազգային մրցույթով» բառերը.
դ) ուժը կորցրած ճանաչել հինգերորդ մասը.
ե) յոթերորդ և ութերորդ մասերում «Միջազգային մրցույթի» բառերը փոխարինել «Մրցույթի» բառով.
զ) իններորդ մասից հանել «հայրենական և արտասահմանյան» բառերը.
է) վերջին մասից հանել «(միջազգային մրցույթը)» և «, և Հայաստանի Հանրապետության կառավարությունը 60 օրվա ընթացքում պետական բաժնեմասը մասնավորեցնելու մասին նոր որոշում է ընդունում» բառերը:
Հոդված 13.
Օրենքի 18-րդ հոդվածում`ա) 1-ին կետից հանել «եթե մասնավորեցման այլ ձևերի կիրառումն աննպատակահարմար է մասնավորեցման գործընթացի կազմակերպական ծախսերի առումով.» բառերը, իսկ «եթե տվյալ պետական գույքի հավանական գնորդը նախօրոք հայտնի է» բառերը փոխարինել «տվյալ գույքի հավանական գնորդին, եթե այն նախօրոք հայտնի է» բառերով.
բ) 2-րդ կետը լրացնել հետևյալ բովանդակությամբ նոր մասով`
«Մասնավորեցման ծրագրում ընդգրկված պետական գույքը տվյալ ընկերության աշխատավորական կոլեկտիվին ուղղակի վաճառքի ձևով մասնավորեցնելու հիմք կարող է հանդիսանալ կոլեկտիվի կողմից լիազորված պետական մարմին ներկայացված հայտը: Հայտի ձևը, ներկայացման, քննարկման և մերժման կարգն ու ժամկետները սահմանում է Հայաստանի Հանրապետության կառավարությունը:».
գ) 4-րդ կետից հանել «վարձակալության պայմանագիրը կնքել մինչև 1997 թվականի դեկտեմբերի 15-ը» բառերը.
դ) 5-րդ կետը շարադրել հետևյալ խմբագրությամբ`
«5. Պետական գույքը վարձակալներին մասնավորեցնելու հարցը քննարկելու համար հիմք է հանդիսանում լիազորված պետական մարմին ներկայացրած հայտը: Հայտի ձևը և ներկայացման կարգը սահմանում է Հայաստանի Հանրապետության կառավարությունը:».
ե) 7-րդ կետում «վարձակալից գնելու թույլտվության» բառերը փոխարինել «ուղղակի վաճառքի ձևով վարձակալին մասնավորեցնելու» բառերով.
զ) ուժը կորցրած ճանաչել 9-րդ կետը:
Հոդված 14.
Ուժը կորցրած ճանաչել օրենքի 19-րդ հոդվածի 3-րդ կետը:
Հոդված 15.
Օրենքը լրացնել հետևյալ բովանդակությամբ 191-րդ հոդվածով`
| «Հոդված 191. | ՊԵՏԱԿԱՆ ԳՈՒՅՔԻ ՄԱՍՆԱՎՈՐԵՑՈՒՄԸ ՄԱՍՆԱԳԻՏԱՑՎԱԾ ՇՈՒԿԱՆԵՐՈՒՄ |
Պետական գույքի մասնավորեցումը մասնագիտացված շուկաներում իրականացվում է Հայաստանի Հանրապետության կառավարության որոշմամբ` Հայաստանի Հանրապետության և (կամ) այլ երկրների ֆոնդային բորսաների միջոցով բաժնետոմսերի վաճառքի ձևով` բորսային առևտրի կանոններին համապատասխան:»:
Հոդված 16.
Օրենքի 21-րդ հոդվածում վերնագիրը շարադրել հետևյալ խմբագրությամբ` «Լուծարված ընկերությունների պետության բաժնեմաս համարվող գույքի մասնավորեցումը», իսկ տեքստում «պետական ընկերությունների» բառերը փոխարինել «ընկերությունների պետության բաժնեմաս համարվող» բառերով:
Հոդված 17.
Օրենքի 24-րդ հոդվածում`ա) 2-րդ կետի «բ» ենթակետում «վերագնահատումը» բառը փոխարինել «գնահատումը» բառով, նույն ենթակետից հանել «լիցենզավորվող գործունեության դեպքում` լիցենզիաների վերանայումը» բառերը.
բ) հոդվածը լրացնել հետևյալ բովանդակությամբ 3-րդ կետով`
«3. Նախապատրաստական աշխատանքների ընթացքում մասնավորեցվող գույքի վերաբերյալ հրապարակած տեղեկությունների, այդ թվում նաև` հայտարարագրերի (ազդագրերի), տվյալների համար պատասխանատվություն է կրում դրանք նախապատրաստող կազմակերպությունը:»:
Հոդված 18.
Օրենքը լրացնել հետևյալ բովանդակությամբ 241-րդ հոդվածով`
| «Հոդված 241. | ՊԵՏԱԿԱՆ ԳՈՒՅՔԻ ՄԱՍՆԱՎՈՐԵՑՈՒՄԸ |
1. Պետական գույքի մասնավորեցման մասին որոշումն ընդունում է Հայաստանի Հանրապետության կառավարությունը:
2. Պետական գույքի մասնավորեցումը չկայանալու դեպքում Հայաստանի Հանրապետության կառավարությունը 60 օրվա ընթացքում ընդունում է նոր որոշում` գույքը սույն օրենքով սահմանված կարգով մասնավորեցնելու կամ լուծարելու մասին:
3. Սույն օրենքի 14-րդ հոդվածի 1-ին կետի «ա», «բ» և «դ» ենթակետերով սահմանված ձևերով պետական գույքը չմասնավորեցվելու դեպքում, մինչև տվյալ գույքը մասնավորեցնելու մասին Հայաստանի Հանրապետության կառավարության նոր որոշման ընդունումը, մասնավորեցման սուբյեկտները կարող են դիմել լիազորված պետական մարմին` տվյալ գույքը մասնավորեցնելու մասին Հայաստանի Հանրապետության կառավարության վերջին որոշմամբ սահմանված պայմաններով այդ գույքը ձեռք բերելու համար:
4. Սույն օրենքի 14-րդ հոդվածի 1-ին կետի «գ» ենթակետով սահմանված ձևով պետական գույքը չմասնավորեցվելու դեպքում, մինչև տվյալ գույքը մասնավորեցնելու մասին Հայաստանի Հանրապետության կառավարության նոր որոշման ընդունումը, մասնավորեցման սուբյեկտները կարող են դիմել լիազորված պետական մարմին` տվյալ գույքը մասնավորեցնելու մասին Հայաստանի Հանրապետության կառավարության վերջին որոշմամբ սահմանված պայմաններով այդ գույքը ձեռք բերելու համար, եթե այդ որոշմամբ սահմանված բոլոր պայմաններն արտահայտված են թվային մեծություններով:
5. Մասնավորեցման սուբյեկտի դիմումն ստանալուց հետո լիազորված պետական մարմինը, Հայաստանի Հանրապետության կառավարության սահմանած կարգով, մեկամսյա ժամկետում պետական գույքն ուղղակի վաճառքի ձևով մասնավորեցնում է` հաշվի առնելով դրամի նկատմամբ ԱՄՆ մեկ դոլարի փոխարժեքի ինդեքսը:»:
Հոդված 19.
Օրենքի 25-րդ հոդվածի 3-րդ կետից հանել «օտարերկրյա» բառը:
Հոդված 20.
Օրենքի 26-րդ հոդվածում`ա) 2-րդ կետից հանել «տնտեսական ընկերակցություն կամ» բառերը, ուժը կորցրած ճանաչել նույն կետի երկրորդ մասը.
բ) 4-րդ կետը շարադրել հետևյալ խմբագրությամբ`
«4. Սույն հոդվածի 2-րդ և 3-րդ կետերով սահմանված պայմանները չկատարելու դեպքում աշխատավորական կոլեկտիվը զրկվում է նախապատվության իրավունքից:»:
Հոդված 21.
Օրենքի 28-րդ հոդվածի 2-րդ կետից հանել «մինչև 1997 թվականի դեկտեմբերի 15-ը վարձակալած ոչ պետական տնտեսավարող սուբյեկտներին կամ քաղաքացիներին» բառերը:
Հոդված 22.
Օրենքի 29-րդ հոդվածում`ա) առաջին մասը շարադրել հետևյալ խմբագրությամբ`
«Մասնավորեցման հետևանքով սեփականության իրավունքը փոխանցվում է Հայաստանի Հանրապետության կառավարության կողմից սահմանված կարգով լիազորված պետական մարմնի և գնորդի միջև կնքված պետական գույքի մասնավորեցման գրավոր գործարքով` օրենսդրությամբ սահմանված դեպքերում` պետական գրանցում ստանալուց հետո:».
բ) ավելացնել հետևյալ բովանդակությամբ նոր մաս`
«Մասնավորեցվող անշարժ գույքի նկատմամբ գնորդի սեփականության իրավունքը ծագում է մասնավորեցման գործարքի (պայմանագրի) պետական գրանցումից հետո:»:
Հոդված 23.
Օրենքի 32-րդ հոդվածի երկրորդ մասը «տարածելու» բառից հետո լրացնել «կամ մասնավորեցման պայմանագրով նախատեսված պատասխանատվության այլ միջոցներ կիրառելու» բառերով:
Հոդված 24.
Օրենքի 35-րդ հոդվածի 2-րդ կետը լրացնել հետևյալ բովանդակությամբ նոր մասով`«Օրենքի 32-րդ հոդվածի գործողությունը տարածվում է մինչև սույն օրենքն ուժի մեջ մտնելը կնքված պայմանագրերից ծագող հարաբերությունների վրա, բացառությամբ այն դեպքերի, երբ առկա է օրինական ուժի մեջ մտած դատարանի` սեփականաշնորհման պայմանագիրն անվավեր ճանաչելու կամ բռնագանձման մասին վճիռը:»:
Հոդված 25.
Սույն օրենքն ուժի մեջ է մտնում պաշտոնական հրապարակման հաջորդ օրվանից:
|
Հայաստանի Հանրապետության |
Ռ. Քոչարյան |
|
|
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|