ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

17 նոյեմբերի 2020 թվականի N 1244-Ա

ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ԵՎ ԴՐԱ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 16-րդ մասը՝

1. 2020 թվականի սեպտեմբերի 27-ին ադրբեջանաթուրքաահաբեկչական ագրեսիայի և սանձազերծած պատերազմի հետևանքով Արցախում առաջացած հումանիտար աղետի հակազդման, քաղաքացիական ենթակառուցվածքների, Արցախի բնականոն կենսագործունեության վերականգնման և տեղահանվածների ապահով ու արժանապատիվ վերադարձի նպատակով ստեղծել աշխատանքային խումբ։

2. Հաստատել աշխատանքային խմբի անհատական կազմը՝ համաձայն N 1 հավելվածի:

3. Սահմանել, որ աշխատանքային խմբի գործունեության ոլորտները հետևյալն են`

1) սոցիալական ոլորտ.

2) կրթության ոլորտ.

3) առողջապահության ոլորտ.

4) ձեռնարկատիրական ոլորտ.

5) ենթակառուցվածքների ոլորտ:

4. Սահմանել, որ սույն աշխատանքային խմբի նիստերին մասնակցում են նաև Արցախի Հանրապետության կառավարության ներկայացուցիչներ՝ համաձայն N 2 հավելվածի:

5. Աշխատանքային խմբի ղեկավարին՝ 2-շաբաթյա ժամկետում Հայաստանի Հանրապետության վարչապետին ներկայացնել սույն որոշման 1-ին կետում նշված նպատակների իրագործման գործողությունների ծրագիր՝ ըստ սույն որոշման 3-րդ կետում նշված ոլորտների:

Հայաստանի Հանրապետության վարչապետ

Ն. Փաշինյան

18.11.2020 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված N 1 ՀՀ վարչապետի 2020 թ. նոյեմբերի 17-ի N 1244-Ա  որոշման

Ա Ն Հ Ա Տ Ա Կ Ա Ն  Կ Ա Զ Մ

ԱՇԽԱՏԱՆՔԱՅԻՆ ԽՄԲԻ

Մ. Գրիգորյան	- ՀՀ փոխվարչապետ (աշխատանքային խմբի ղեկավար)
Լ. Ղալթաղչյան	- ՀՀ վարչապետի աշխատակազմի ղեկավարի տեղակալ
Ն. Սարգսյան	- ՀՀ վարչապետի օգնական
Ա. Ավանեսյան	- ՀՀ առողջապահության նախարարի առաջին տեղակալ
Ա. Ժամակոչյան	- ՀՀ աշխատանքի և սոցիալական հարցերի նախարարի տեղակալ
Ա. Փամբուխչյան	- ՀՀ արտակարգ իրավիճակների նախարարի տեղակալ
Ա. Ապիտոնյան	- ՀՀ արտաքին գործերի նախարարի տեղակալ
Վ. Սիմոնյան	- ՀՀ էկոնոմիկայի նախարարի տեղակալ
Ժ. Անդրեասյան	- ՀՀ կրթության, գիտության, մշակույթի և սպորտի նախարարի տեղակալ
Վ. Տերտերյան	- ՀՀ տարածքային կառավարման և ենթակառուցվածքների նախարարի տեղակալ
Ա. Ղուլարյան	- ՀՀ քաղաքաշինության կոմիտեի նախագահի պարտականությունները կատարող
Ա. Ղազարյան	- Միգրացիոն ծառայության պետ
Հ. Հովհաննիսյան	- ՀՀ Ազգային ժողովի պատգամավոր (համաձայնությամբ)
Մ. Գալստյան	- ՀՀ Ազգային ժողովի պատգամավոր (համաձայնությամբ)
Ծ. Վարդանյան	- ՀՀ Ազգային ժողովի պատգամավոր (համաձայնությամբ)
Ա. Ջուլհակյան	- ՀՀ Ազգային ժողովի պատգամավոր (համաձայնությամբ)
Ա. Բաբաջանյան	- ՀՀ Ազգային ժողովի պատգամավոր (համաձայնությամբ)

(հավելվածը լրաց. 19.11.20 N 1251-Ա)

Հայաստանի Հանրապետության վարչապետի աշխատակազմի ղեկավար

Է. Աղաջանյան

18.11.2020 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված N 2 ՀՀ վարչապետի 2020 թ. նոյեմբերի 17-ի N 1244-Ա  որոշման

Ց Ա Ն Կ

ԱՇԽԱՏԱՆՔԱՅԻՆ ԽՄԲԻ ՆԻՍՏԵՐԻՆ ՄԱՍՆԱԿՑՈՂ ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԵՐԿԱՅԱՑՈՒՑԻՉՆԵՐԻ

Գ. Մարտիրոսյան	- Արցախի Հանրապետության պետական նախարար (համաձայնությամբ)
Մ. Վիրաբյան	- Արցախի Հանրապետության աշխատանքի, սոցիալական և բնակարանային հարցերի նախարար (համաձայնությամբ)
Լ. Ղարախանյան	- Արցախի Հանրապետության կրթության, գիտության և մշակույթի նախարար (համաձայնությամբ)
Ա. Թովմասյան	- Արցախի Հանրապետության էկոնոմիկայի և արտադրական ենթակառուցվածքների նախարարի պաշտոնակատար (համաձայնությամբ)
Լ. Հակոբջանյան	- Արցախի Հանրապետության նախագահի խորհրդական առողջապահական հարցերի գծով (համաձայնությամբ)

Հայաստանի Հանրապետության վարչապետի աշխատակազմի ղեկավար

Է. Աղաջանյան