ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Օ Ր Ե Ն Ք Ը
Ընդունված է 2002 թվականի փետրվարի 6-ին
«ՀԱՅՐԵՆԱԿԱՆ ՄԵԾ ՊԱՏԵՐԱԶՄԻ ՎԵՏԵՐԱՆՆԵՐԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հոդված 1.
«Հայրենական մեծ պատերազմի վետերանների մասին» Հայաստանի Հանրապետության օրենքի 1-ին հոդվածի 1-ին նախադասության «ովքեր մասնակցել են Հայրենական մեծ պատերազմին» բառերից հետո լրացնել «, ինչպես նաև պատերազմի տարիներին Լենինգրադի բլոկադայի մասնակիցները և ֆաշիստական համակենտրոնացման ճամբարների նախկին անչափահաս գերիները:»:
Հոդված 2.
Օրենքի 4-րդ հոդվածում`ա) երկրորդ մասը շարադրել հետևյալ խմբագրությամբ.
«Վետերաններն իրավունք ունեն պետական պատվերի շրջանակներում ստանալ անվճար բժշկական օգնություն և բժշկական սպասարկում:».
բ) ավելացնել հետևյալ բովանդակությամբ նոր` երրորդ մաս.
«Վետերաններին էլեկտրաէներգիայից և տրանսպորտից օգտվելու նպատակով տրվում է դրամական փոխհատուցում ամսական 2000 դրամի, իսկ հաշմանդամ վետերաններին` 2500 դրամի չափով: Այն վետերանները, ովքեր օգտվում են ուղևորատար տրանսպորտի միջոցներով անվճար երթևեկելու իրավունքից, վերը նշված դրամական փոխհատուցումը չեն ստանում:»:
Հոդված 3.
Օրենքի 6-րդ հոդվածը շարադրել հետևյալ խմբագրությամբ.«Վետերանների կարգավիճակը հաստատող միասնական նմուշի փաստաթուղթը տալիս է լիազորված մարմինը` համաձայն Հայաստանի Հանրապետության կառավարության հաստատած ցուցակի և սահմանած կարգի:»:
Հոդված 4.
Սույն օրենքն ուժի մեջ է մտնում 2002 թվականի հոկտեմբերի 1-ից:
|
Հայաստանի Հանրապետության |
Ռ. Քոչարյան |
|
|