ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Օ Ր Ե Ն Ք Ը
Ընդունված է 2001 թվականի մարտի 20-ին
«ԳՈՒՅՔԻ ՆԿԱՏՄԱՄԲ ԻՐԱՎՈՒՆՔՆԵՐԻ ՊԵՏԱԿԱՆ ԳՐԱՆՑՄԱՆ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ 41-ՐԴ ՀՈԴՎԱԾՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հոդված 1. «Գույքի նկատմամբ իրավունքների պետական գրանցման մասին» Հայաստանի Հանրապետության օրենքի 41-րդ հոդվածում`
ա) վերնագիրը «որոնք» բառից հետո լրացնել «ծագում են օրենքի հիման վրա և» բառերով.
բ) ավելացնել առաջին մաս հետևյալ բովանդակությամբ`
«Էլեկտրաէներգիա բաշխող ընկերություններն ունեն սեփականատերերին պատկանող հողամասերի սահմանափակ օգտագործման իրավունք (սերվիտուտ)` էլեկտրահաղորդակցության ենթակայանների, բաշխիչ սարքվածքների, հոսանքատարների, այլ օբյեկտների, ինչպես նաև էլեկտրահաղորդման օդային գծերի և սահմանված անվտանգության գոտիների սպասարկման, պահպանման կամ շահագործման համար:».
գ) այդ կապակցությամբ հոդվածի առաջին մասը համարել երկրորդ մաս և այն լրացնել հետևյալ բովանդակությամբ «դ» կետով`
«դ) մինչև Հայաստանի Հանրապետության օրենսդրությամբ սահմանված կարգով գրանցումը` էլեկտրաէներգիա բաշխող ընկերությունների օգտին սույն օրենքով սահմանված սերվիտուտը:»:
Հոդված 2. Սույն օրենքն ուժի մեջ է մտնում պաշտոնական հրապարակման պահից:
|
Հայաստանի Հանրապետության |
Ռ. Քոչարյան |
|
|