1.

Ծրագրի նպատակները

Օգնել ֆինանսական դժվար կացության մեջ հայտնված ընտանիքների երեխաներին, նրանց շրջանում վերացնել մուրացկանությունը, աջակցել աղքատ ընտանիքներին

2.

Ծրագրի բարեգործական որակման նպատակը

ՀՀ հարկերի, տուրքերի, պարտադիր վճարների գծով օրենքով սահմանված արտոնություններից օգտվելը

3.

Բարեգործը (բարեգործները)

Միավորված ազգերի կազմակերպության հայաստանյան գրասենյակ (ՄԱԿ), ԱՄՆ-ում «Օրրան» բարեգործական հասարակական կազմակերպություն, Հովհաննիսյանների ընտանիք, Գրիգորյան բարեգործական հիմնադրամ (Անգլիա), Սերժ Թանկյան (ԱՄՆ), Ակիյան ընտանիք

4.

Ծրագրի կատարողը

«Օրրան» բարեգործական հասարակական կազմակերպություն
ՀՎՀՀ՝ 02552842
Հասցե՝ Առաջին Եկմալյան 6
Երևան, Հայաստանի Հանրապետություն
Հեռ.՝ 53-51-67

5.

Ծրագրի իրականացման վայրը (վայրերը), բնագավառը

Հայաստանի Հանրապետություն, Վանաձոր
Սոցիալական բնագավառ

6.

Ծրագրի բյուջեն

Ծրագրի բյուջեն կազմում է 87,903,440 (ութսունյոթ միլիոն ինը հարյուր երեք հազար չորս հարյուր քառասուն) ՀՀ դրամ:

7.

Բարեգործություն ստացողը

● 6-16 տարեկան 130 երեխաներ, որոնք ապրում են սոցիալական ծայրահեղ դժվարություններ ունեցող, մուրացկանության շեմին գտնվող ընտանիքներում: Մի շարք երեխաներ աշխատում և մուրում են փողոցում: Երեխաների մեծ մասը միակողմանի ծնողազուրկ է, հաշմանդամ, բաժանված կամ ազատազրկված ծնողներ ունի:

● 30 թոշակառուներ` 60 և ավելի բարձր տարիքի կանայք ու տղամարդիկ, որոնք անտուն են և մուրում են փողոցում, միայնակ են, ամուսնացած են և անժառանգ, I, II, III խմբերի հաշմանդամ են, ունեն ժառանգներ, սակայն լրացուցիչ աջակցության խիստ կարիք ունեն:

Շահառուների ընտրությունը կատարում է սոցիալական աշխատողը՝ նախապես մշակված չափանիշներով: Յուրաքանչյուր դեպք քննարկվում է Օրրանի մասնագիտական խմբում, որի մեջ մտնում են Օրրանի սոցիալական աշխատողը, մանկավարժները, հոգեբանը, բժիշկը և գործադիր տնօրենը: Շահառուների ընտրության հարցում Օրրանը համագործակցում է ՀՀ աշխատանքի և սոցիալական հարցերի նախարարության Լոռու մարզի Վանաձորի քաղաքապետարանի սոցիալական բաժնի, սոցիալական ոլորտում գործող հասարակական կազմակերպությունների, ինչպես նաև ՀՀ ոստիկանության քրեական հետախուզության գլխավոր վարչության անչափահասների գործերով և ընտանիքում բռնության կանխարգելման վարչություն հետ։

8.

Ծրագրի իրականացման տևողությունը

Սույն ծրագիրը նախատեսված է 2020 թ. հունվարի 11-ից մինչև 2020 թ. դեկտեմբերի 31-ն ընկած ժամանակահատվածի համար, և այն շարունակական է: Այն կգործի այնքան ժամանակ, որքան կազմակերպությունը հնարավորություն կունենա իրագործել իր առաքելությունը և այդ նպատակով կունենա ֆինանսական միջոցներ:

9.

Միջոցառումների (ըստ փուլերի, եթե այդպիսիք հնարավոր է առանձնացնել) նկարագրությունը և ժամկետները անհրաժեշտ ֆինանսական միջոցների ծավալը

«Օրրան» ԲՀԿ-ն Վանաձորի Տիգրան Մեծ 4ա հասցեում գտնվող կենտրոնում մուրացիկ, թափառաշրջիկ և ծայրահեղ կարիքավոր ընտանիքների 130 երեխայի շաբաթը 6 օր մատուցում է տաք ճաշ և իրականացնում սոցիալական, կրթական, մշակութային, հոգեբանական և բժշկական ծառայություն: Շաբաթը 6 օր Օրրանը տաք նախաճաշ է մատուցում 30 միայնակ, կարիքավոր ծերերի և հաշմանդամների:

● 130 երեխայի և 30 թոշակառուի՝ ամենօրյա սնունդ, նաև՝ խոհանոցային սարքավորումներ և պարագաներ, տարեկան կազմում է 38,683,332 դրամ (մթերքի ձեռքբերում՝ 32,600,000 դրամ, խոհանոցային սարքավորումներ և պարագաներ՝ 2,000,000 դրամ, վարձատրություն խոհանոցի աշխատողներին (համաձայն քաղաքացիաիրավական պայմանագրերի) 4,083,332 դրամ),

● առաջին անհրաժեշտական բժշկական և հոգեբանական ծառայություններ՝ տարեկան 1,216,663 դրամ (բժշկական-սանիտարական առաջին անհրաժեշտության պարագաների ձեռքբերում՝ 300,000 դրամ, բուժքրոջ վարձատրություն (համաձայն քաղաքացիաիրավական պայմանագրերի՝ 916,663 դրամ),

● սոցիալական ծառայություն, հագուստ և կոշիկ՝ տարեկան 4,450,000 դրամ (ձմեռային կոշիկի և հագուստի ձեռքբերում՝ 3,250,000 դրամ, սոցաշխատողի վարձատրություն (համաձայն քաղաքացիաիրավական պայմանագրերի՝ 1,200,000 դրամ),

● մշակութային միջոցառումներ՝ տարեկան 3,116,662 դրամ (մշակութային աշխատողների վարձատրություն (համաձայն քաղաքացիաիրավական պայմանագրերի՝ 1,116,662 դրամ, մշակութային

● միջոցառումներ՝ թատրոն, կինո, պիկնիկ՝ 2,000,000 դրամ),

● դպրոցահասակ երեխաների տնային պարապմունքների կազմակերպում դպրոցից հետո. շաբաթական 6 օր 130 երեխայի համար, գրենական պիտույքների, ուսումնական նյութերի, պայուսակների ապահովում, տարեկան՝ 8,124,683 դրամ (գրենական պիտույքների, ուսումնական նյութերի, պայուսակների ձեռքբերում՝ 1,200,000 դրամ, վարձատրություն ուսուցիչներին (համաձայն քաղաքացիաիրավական պայմանագրերի՝ 6,924,683 դրամ), ձեռարվեստի խմբակներ` մաքրամե, փայտամշակում, կավագործություն՝ տարեկան 3,716,660 դրամ (նյութեր՝ ձեռարվեստական կենտրոնի համար՝ 800,000 դրամ, վարձատրություն ուսուցիչներին (համաձայն քաղաքացիաիրավական պայմանագրերի՝ 2,916,660 դրամ),

● արտասահմանից բեռների ներմուծում (բարերարների ցանկությամբ ուղարկված նվերներ, գրենական պիտույքներ, խաղալիք), տարեկան՝ 2,000,000 դրամ,

● նվիրատվություն.

- ծայրաստիճան կարիքավոր 11 ընտանիքների էլեկտրաէներգիայի, գազի, բնակարանի վարձի վճարում համար, տարեկան՝ 6,300,000 դրամ,

- 130 երեխաների և 30 թոշակառուի ամենօրյա երթևեկության ծախսեր, տարեկան՝ 6,240,000 դրամ:
Ընդամենը՝ 73,848,000 (յոթանասուներեք միլիոն ութ հարյուր քառասունութ հազար) ՀՀ դրամ։

Կազմակերպական ծախսերը՝ 14,055,440 դրամ, ընդամենը ծրագրի բյուջեն՝ 87,903,440 դրամ:

10.

Ձեռք բերվելիք (ներմուծվող) ապրանքների, ծառայությունների և աշխատանքների համառոտ նկարագիրը, ծավալները, նախատեսվող գինը

Նախատեսվում է՝
1. գազի մատակարարում-3,200,000 ՀՀ դրամ
2. խմելու ջրի մատակարարում-200,000ՀՀ դրամ
3. էլեկտրաէներգիայի մատակարարում-1,700,000 ՀՀ դրամ
4. հեռախոսային կապի մատակարարում-600000 ՀՀ դրամ
5. սննդամթերքի ձեռքբերում-28,000,000 ՀՀ դրամ
6. հացի ձեռքբերում-2,200,000 ՀՀ դրամ
7. միս և մսամթերք-2,400,000 ՀՀ դրամ (ավելացված արժեքի հարկից ազատումն ակնկալվում է 1,800,000 դրամի մասով)
8. գազի սարքավորումների տեխնիկական սպասարկման ծառայության ձեռքբերում-106555 ՀՀ դրամ
9. գազի կաթսայի տեխնիկական զննման ծառայության ձեռքբերում-68184 ՀՀ դրամ
10. բենզինի ձեռքբերում-200,000 ՀՀ դրամ
11. կոշիկի, հագուստի ձեռքբերում-3,250,000 ՀՀ դրամ
12. գրենական պիտույքների, դպրոցական պայուսակների ձեռքբերում-1,200,000 ՀՀ դրամ
13. ձեռարվեստական կենտրոնների համար նյութերի ձեռքբերում-800,000 ՀՀ դրամ
14. գրասենյակային ծախսեր-435000 ՀՀ դրամ
15. խոհանոցային սարքավորումների, պարագաների և նյութերի ձեռքբերում-2,000,000 ՀՀ դրամ
16. բժշկական-սանիտարական առաջին անհրաժեշտության պարագաների ձեռքբերում-300,000 ՀՀ դրամ
17. երեխաների հանգիստ և մշակութային միջոցառումներ, նյութերի ձեռքբերում (թատրոն, կինո, պիկնիկ)-2,000,000 ՀՀ դրամ
18. արտասահմանից բեռների ներմուծում (բարերարների կողմից ուղարկվող նվերներ)-2,000,000 ՀՀ դրամ

Ընդամենը-50,659,739 ՀՀ դրամ

11.

Ծրագրի իրականացման հետ կապված կազմակերպական ծախսեր

● ջուր` 200,000 դրամ,

● էլեկտրաէներգիա` 1,700,000 դրամ,

● հեռախոս, ինտերնետ՝ 600,000 դրամ,

● գազ՝ 3,200,000 դրամ,

● գրասենյակային ծախսեր՝ 435,000 դրամ,

● բենզին՝ 200,000 դրամ,

● գազի սարքավորումների տեխնիկական սպասարկում՝ 106,555 դրամ,

● գազի կաթսայի տեխնիկական զննում՝ 68,184 դրամ,

● աշխատավարձ վարչական աշխատողներին (ադմինիստրատոր, ֆոնդերի հայթայթող)՝ 7,545,701 դրամ:
Ընդամենը՝ 14,055,440 (տասնչորս միլիոն հիսունհինգ հազար չորս հարյուր քառասուն) ՀՀ դրամ

12.

Համագործակցությունը պետական կառավարման, տեղական ինքնակառավարման մարմինների և այլ կազմակերպությունների հետ

1. ՀՀ աշխատանքի և սոցիալական հարցերի նախարարություն
2. ՀՀ առողջապահության նախարարություն
3. Լոռու մարզի Վանաձորի քաղաքապետարանի սոցիալական վարչություններ
4. Տեղական ու միջազգային ՀԿ-ներ, որոնք աշխատում են ռիսկի խմբի երեխաների հետ
5. ՀՀ ոստիկանության քրեական հետախուզության գլխավոր վարչության անչափահասների գործերով և ընտանիքում բռնության կանխարգելման վարչության հետ:
«Օրրան» ԲՀԿ-ն համագործակցում է նաև սոցիալական ոլորտում գործող հասարակական կազմակերպությունների, ԶԼՄ-ների հետ:

13.

Ծրագրի արդյունավետության նկատմամբ վերահսկողության մեխանիզմների նկարագրությունը

● ՀՀ կառավարություն 2003 թ. հունվարի 16 N 66-Ն որոշմամբ հաստատված՝ բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով հաշվետվություններ են ներկայացվում լիազորված մարմնին:

● Ամսական և եռամսյակային աշխատանքային ու ֆինանսական հաշվետվություններ են ներկայացվում «Օրրան» ԲՀԿ-ի տնօրենների խորհրդին:

● Գույքագրումը և բաշխումն իրականացվում են «Օրրան» ԲՀԿ-ի գործադիր տնօրենի, հաշվապահի և սոցիալական աշխատողի, ինչպես նաև շահառուների ստորագրություններով ու անձնագրային տվյալներով:

● Ամսական հաշվետվություններ են ներկայացվում ՀՀ կառավարությանն առընթեր պետական հարկային ծառայություններին:

● Ֆինանսական աուդիտն իրականացվում է «Գրանթ Թորնթոն» ՓԲԸ-ի կողմից: