ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
23 ապրիլի 2020 թվականի N 628-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2019 ԹՎԱԿԱՆԻ ԴԵԿՏԵՄԲԵՐԻ 26-Ի N 1919-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ԵՎ ԳՅՈՒՄՐՈՒ ՏՈՒՆ-ԻՆՏԵՐՆԱՏՈՒՄ ՏԱՐԵՑՆԵՐԻ ԽՆԱՄՔԻ ԾԱՌԱՅՈՒԹՅՈՒՆՆԵՐԻ ՄԱՏՈՒՑՄԱՆ ԳՈՐԾԸՆԹԱՑԸ ԿԱԶՄԱԿԵՐՊԵԼՈՒ ՄԱՍԻՆ
Հիմք ընդունելով «Հայաստանի Հանրապետության 2020 թվականի պետական բյուջեի մասին» Հայաստանի Հանրապետության օրենքի 7-րդ հոդվածի 17-րդ մասը՝ Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2019 թվականի դեկտեմբերի 26-ի «Հայաստանի Հանրապետության 2020 թվականի պետական բյուջեի կատարումն ապահովող միջոցառումների մասին» N 1919-Ն որոշման N 5 հավելվածի N 7 աղյուսակում կատարել փոփոխություն՝ համաձայն հավելվածի:
2. Հայաստանի Հանրապետության աշխատանքի և սոցիալական հարցերի նախարարին՝ սույն որոշումն ուժի մեջ մտնելուց հետո 5-օրյա ժամկետում Հայկական Կարմիր Խաչի ընկերության հետ կնքել պետության կողմից դրամաշնորհի ձևով տրամադրվող ֆինանսական աջակցության պայմանագիր՝ լուծարման գործընթացում գտնվող «Գյումրու տուն-ինտերնատ» պետական ոչ առևտրային կազմակերպության կողմից զբաղեցրած շենքային տարածքներում բնակվող տարեցների շուրջօրյա խնամքի և սպասարկման ծառայությունների մատուցման նպատակով՝ ծառայությունների մատուցման սկիզբ սահմանելով 2020 թվականի մայիսի 1-ը:
3. Հայաստանի Հանրապետության կառավարության 2019 թվականի դեկտեմբերի 12-ի N 1786-Ա որոշման 4-րդ կետի 1-ին ենթակետով Հայաստանի Հանրապետության աշխատանքի և սոցիալական հարցերի նախարարությանն ամրացված շարժական գույքը հետ վերցնել և անհատույց օգտագործման իրավունքով հատկացնել Հայկական Կարմիր Խաչի ընկերությանը, իսկ լուծարման գործընթացում գտնվող «Գյումրու տուն-ինտերնատ» պետական ոչ առևտրային կազմակերպությունում 2020 թվականի մայիսի 1-ի դրությամբ մնացորդ պաշարները (սննդամթերք, դեղորայք, սանիտարահիգիենիկ պարագաներ, արագամաշ և փոքրարժեք առարկաներ և այլն) նվիրաբերության կարգով տրամադրել Հայկական Կարմիր Խաչի ընկերությանը:
4. Հայաստանի Հանրապետության աշխատանքի և սոցիալական հարցերի նախարարությանը` Հայկական Կարմիր Խաչի ընկերության հետ կնքել սույն որոշումից բխող համապատասխան պայմանագրեր:
5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
|
Հայաստանի Հանրապետության |
Ն. Փաշինյան |
|
2020 թ. ապրիլի 28 Երևան |
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|