ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

Ո Ր Ո Շ ՈՒ Մ

18 ապրիլի 2018 թվականի

թիվ 33

քաղ. Մոսկվա

ԵՎՐԱՍԻԱԿԱՆ ՏՆՏԵՍԱԿԱՆ ԲԱՐՁՐԱԳՈՒՅՆ ԽՈՐՀՐԴԻ «ԾԱՌԱՅՈՒԹՅՈՒՆՆԵՐԻ ԱՅՆ ՈԼՈՐՏՆԵՐԻ (ԵՆԹԱՈԼՈՐՏՆԵՐԻ) ՑԱՆԿՈՒՄ, ՈՐՈՆՑՈՒՄ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ՇՐՋԱՆԱԿՆԵՐՈՒՄ ԳՈՐԾՈՒՄ Է ԾԱՌԱՅՈՒԹՅՈՒՆՆԵՐԻ ՄԻԱՍՆԱԿԱՆ ՇՈՒԿԱ, ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ» ՈՐՈՇՄԱՆ ՆԱԽԱԳԾԻ ՎԵՐԱԲԵՐՅԱԼ

«Ծառայությունների առևտրի, հիմնադրման, գործունեության և ներդրումների իրականացման մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 16 հավելված) 40-րդ կետին համապատասխան, Եվրասիական տնտեսական բարձրագույն խորհրդի 2016 թվականի դեկտեմբերի 26-ի թիվ 23 որոշմամբ հաստատված՝ առանց օպերատորի՝ զբոսանավերի վարձակալության և լիզինգի հետ կապված ծառայությունների ոլորտի ազատականացման ծրագրի 26-րդ կետն ու գովազդի բնագավառում ծառայությունների ոլորտի ազատականացման ծրագրի 26-րդ կետն իրագործելու նպատակով և հաշվի առնելով Եվրասիական տնտեսական հանձնաժողովի կոլեգիայի [տրամադրած] տեղեկատվությունը՝ Եվրասիական տնտեսական հանձնաժողովի խորհուրդը որոշեց.

1. Հավանություն տալ Եվրասիական տնտեսական բարձրագույն խորհրդի «Ծառայությունների այն ոլորտների (ենթաոլորտների) ցանկում, որոնցում Եվրասիական տնտեսական միության շրջանակներում գործում է ծառայությունների միասնական շուկա, փոփոխություն կատարելու մասին» որոշման նախագծին (կցվում է) և այն ներկայացնել Եվրասիական տնտեսական բարձրագույն խորհրդի քննարկմանը:

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո:

Եվրասիական տնտեսական հանձնաժողովի խորհրդի անդամներ՝

Հայաստանի Հանրապետությունից`	Բելառուսի Հանրապետությունից՝	Ղազախստանի Հանրապետությունից՝	Ղրղզստանի Հանրապետությունից`	Ռուսաստանի Դաշնությունից՝
Վ. Գաբրիելյան	Վ. Մատյուշևսկի	Ա. Մամին	Ս. Մուկանբետով	Ի. Շուվալով

ԵՎՐԱՍԻԱԿԱՆ ՏՆՏԵՍԱԿԱՆ ԲԱՐՁՐԱԳՈՒՅՆ ԽՈՐՀՈՒՐԴ

Ո Ր Ո Շ ՈՒ Մ

« » ի 20 թվականի

թիվ

քաղ.

Ծառայությունների այն ոլորտների (ենթաոլորտների) ցանկում, որոնցում Եվրասիական տնտեսական միության շրջանակներում գործում է ծառայությունների միասնական շուկա, փոփոխություններ կատարելու մասին

«Ծառայությունների առևտրի, հիմնադրման, գործունեության և ներդրումների իրականացման մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 16 հավելված) 40-րդ կետին համապատասխան, Եվրասիական տնտեսական բարձրագույն խորհրդի 2016 թվականի դեկտեմբերի 26-ի թիվ 23 որոշմամբ հաստատված՝ առանց օպերատորի՝ զբոսանավերի վարձակալության և լիզինգի հետ կապված ծառայությունների ոլորտի ազատականացման ծրագրի 26-րդ կետն ու գովազդի բնագավառում ծառայությունների ոլորտի ազատականացման ծրագրի 26-րդ կետն իրագործելու նպատակով և հաշվի առնելով Եվրասիական տնտեսական հանձնաժողովի [տրամադրած] տեղեկատվությունը՝ Եվրասիական տնտեսական բարձրագույն խորհուրդը որոշեց.

Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 110 որոշմամբ հաստատված՝ ծառայությունների այն ոլորտների (ենթաոլորտների) ցանկում, որոնցում Եվրասիական տնտեսական միության շրջանակներում գործում է ծառայությունների միասնական շուկա, կատարել հետևյալ փոփոխությունները՝

լրացնել հետևյալ բովանդակությամբ 47-րդ և 48-րդ կետերով՝

«47. Առանց օպերատորի (անձնակազմի)՝ զբոսանավերի վարձակալության և լիզինգի հետ կապված ծառայություններ՝ բացառությամբ ֆինանսական այն ծառայությունների, որոնք նախատեսված են «Եվրասիական տնտեսական միության մասին» 2014 թվականի մայիսի 29-ի պայմանագրի XVI բաժնով (ՀԱԴ-ից՝ 73240)7։

48. Ծառայություններ՝ գովազդի բնագավառում (ՀԱԴ-ից՝ 83610, 83620, 83631 և 83690) 8, մասնավորապես՝

1) գովազդային արշավների պլանավորում, կազմակերպում և իրականացում, գովազդային ֆիլմերի համար սցենարի նախապատրաստում, գովազդային օբյեկտների կամ ֆիլմերի պլանավորում (առանց արտադրության).

2) փոստային գովազդ.

3) գովազդային տեղերի վաճառք՝ ներառյալ գրքերը, բրոշյուրները և բուկլետները.

4) հրատարակչի կողմից գովազդային տեղերի վաճառք թերթերում, ամսագրերում և պարբերական հրատարակություններում.

5) հրատարակչի կողմից տրամադրվող բացիկների, կարգացուցակների, ձևաթղթերի, ցուցապաստառների և տպագիր այլ նյութերի վրա գովազդի համար տեղերի վաճառք.

6) օդային գովազդ.

7) նմուշների և գովազդային այլ արտադրանքի առաքում.

8) վաճառքի վայրում ցուցադրումներ և շնորհանդեսներ.

9) ներկայացուցիչների կողմից անմիջապես հաճախորդներին այդպիսի ծառայությունների մատուցում՝ տեղեկատվության և (կամ) ապրանքների նմուշների տրամադրմամբ.

10) ապրանքների և ծառայությունների իրացման խթանում:».

լրացնել հետևյալ բովանդակությամբ 8-րդ ծանոթագրությամբ՝

«8 Հայաստանի Հանրապետության, Ղազախստանի Հանրապետության, Ղրղզստանի Հանրապետության և Ռուսաստանի Դաշնության համար գործում է Եվրասիական տնտեսական բարձրագույն խորհրդի 2018 թվականի թիվ որոշումն ուժի մեջ մտնելու օրվանից, Բելառուսի Հանրապետության համար՝ 2020 թվականի հունվարի 1-ից։»։

Եվրասիական տնտեսական բարձրագույն խորհրդի անդամներ՝

Հայաստանի Հանրապետությունից`

Բելառուսի Հանրապետությունից՝

Ղազախստանի Հանրապետությունից՝

Ղրղզստանի Հանրապետությունից`

Ռուսաստանի Դաշնությունից՝

Պաշտոնական հրապարակման օրը՝ 22 հունիսի 2022 թվական: