ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է Ազգային ժողովի կողմից
2 դեկտեմբերի 1996 թ.

«ԱԿՑԻԶԱՅԻՆ ՀԱՐԿԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Ակցիզային հարկի մասին» Հայաստանի Հանրապետության օրենքի 2 հոդվածից հանել «մարդատար ավտոմեքենաների անվադողեր» և «ձեռագործ գորգեր» բառերը:

Հոդված 2. Օրենքի 3 հոդվածը շարադրել հետևյալ խմբագրությամբ.

«Հոդված 3. Ակցիզային հարկ վճարվում է հարկման ենթակա ապրանքների իրացման հասույթից:

Ակցիզային հարկով հարկման ենթակա` Հայաստանի Հանրապետությունում արտադրված ապրանքների համար հարկման օբյեկտ է հանդիսանում դրանց իրացման շրջանառությունը` բացթողման գներով (առանց ակցիզային հարկի և ավելացված արժեքի հարկի):

Ակցիզային հարկով հարկման ենթակա` Հայաստանի Հանրապետություն ներմուծվող ապրանքների համար հարկման օբյեկտ է հանդիսանում այդ ապրանքների ներմուծման արժեքը (առանց ավելացված արժեքի հարկի)»:

Հոդված 3. Օրենքի 5 հոդվածը շարադրել հետևյալ խմբագրությամբ.

«Հոդված 5. Սահմանել ակցիզային հարկի հետևյալ դրույքաչափերը`

Արտադրանքի ծածկագիրն ըստ ԱՏԳ ապրանքային անվանացանկի	Ապրանքախմբի անվանումը	Դրույքաչափը
22.07   22.08	գինի-օղու արտադրանք	125
22.03	գարեջուր	75
22.04   22.05	խաղողի գինիներ, գինենյութ	50
16.04   30100	ձկան խավիար	200
24.02	ծխախոտի արտադրանք այդ թվում`	100
	սիգարետներ ֆիլտրով	100
	սիգարետներ առանց ֆիլտրի	50
71.13   71.14   71.15 71.16   71.17	ոսկերչական իրեր, զարդեղեն (բիժուտերիա)	30
43.42.03	մորթի, մորթեղեն (բացի ոչխարի մորթուց կարված բանվորական և զինվորական կիսավերարկուներից), բնական կաշվից հագուստ	25
87.03	մարդատար ավտոմեքենաներ	15
69.11   70.13.31	բյուրեղապակյա և ճենապակյա արտադրանք	25
27.10   00200	բենզին	25»:

Հոդված 4. Սույն օրենքը կիրարկել 1997 թվականի հունվարի 1-ից:

Հայաստանի Հանրապետության Նախագահ	Լ. Տեր-Պետրոսյան
Երևան 18 դեկտեմբերի 1996 թ. ՀՕ-88