քննարկելով Վրեժ Ռուդիկի Հախվերդյանի վերաբերյալ ՀՀ վճռաբեկ դատարանի` 2019 թվականի փետրվարի 7-ի որոշման մեջ առկա անհստակության հարցը,

Վճռաբեկ դատարանի` 2019 թվականի փետրվարի 7-ի որոշմամբ Վրեժ Ռուդիկի Հախվերդյանի վերաբերյալ ՀՀ քրեական օրենսգրքի 112-րդ հոդվածի 2-րդ մասի 14-րդ կետով ՀՀ վերաքննիչ քրեական դատարանի` 2018 թվականի փետրվարի 9-ի որոշումը բեկանվել է, և քրեական գործն ուղարկվել է նույն դատարան` նոր քննության։ Նշված որոշման պատճառաբանական մասում նշվել է, որ ամբաստանյալ Վ.Հախվերդյանի նկատմամբ որպես խափանման միջոց ընտրված կալանավորումը պետք է թողնել անփոփոխ, քանի որ չեն վերացել նրան կալանքի տակ պահելու հիմքերն ու պայմանները, ինչը, սակայն, չի արձանագրվել որոշման եզրափակիչ մասում։ Նման պայմաններում Վճռաբեկ դատարանը գտնում է, որ առկա է անհստակություն, որն անհրաժեշտ է լուծել:

ՀՀ քրեական դատավարության օրենսգրքի 430-րդ հոդվածի համաձայն. «Դատավճիռ կամ այլ դատական որոշում կայացրած դատարանն իրավունք ունի լուծել դրա ի կատար ածման ընթացքում ծագած կասկածները և անհստակությունները, մասնավորապես`

(…)

3) լուծել խափանման միջոցների, (…) հարցը, եթե այն լուծված չի եղել կամ լուծված է եղել ոչ հստակ. (…) »:

Ելնելով վերոգրյալից և ղեկավարվելով ՀՀ քրեական դատավարության օրենսգրքի 430-րդ հոդվածով` Վճռաբեկ դատարանը

Վրեժ Ռուդիկի Հախվերդյանի վերաբերյալ Վճռաբեկ դատարանի` 2019 թվականի փետրվարի 7-ի որոշման եզրափակիչ մասի 1-ին կետը լրացնել հետևյալ պարբերությամբ` «Ամբաստանյալ Վրեժ Ռուդիկի Հախվերդյանի նկատմամբ որպես խափանման միջոց ընտրված կալանավորումը թողնել անփոփոխ»:

Որոշումն օրինական ուժի մեջ է մտնում կայացման պահից, վերջնական է և ենթակա չէ բողոքարկման:

	Նախագահող`	Լ. Թադևոսյան
	Դատավորներ`	Հ. Ասատրյան
		Ս. ԱՎԵՏԻՍյան
		Ե. Դանիելյան
		ա. պողոսՅԱՆ
		Ս. Օհանյան