ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

13 փետրվարի 2018 թվականի

թիվ 28

քաղ. Մոսկվա

ԱՆԱՍՆԱԲՈՒԺԱԿԱՆ ԱՅՆ ԴԵՂԱՄԻՋՈՑՆԵՐԻ (ԴԵՂԱԲԱՆՈՐԵՆ ԱԿՏԻՎ ՆՅՈՒԹԵՐԻ) ՄՆԱՑՈՐԴՆԵՐԻ ԱՌԱՎԵԼԱԳՈՒՅՆ ԹՈՒՅԼԱՏՐԵԼԻ ՄԱԿԱՐԴԱԿՆԵՐԻ ՄԱՍԻՆ, ՈՐՈՆՔ ԿԱՐՈՂ ԵՆ ՊԱՐՈՒՆԱԿՎԵԼ ԿԵՆԴԱՆԱԿԱՆ ԾԱԳՄԱՆ ՉՎԵՐԱՄՇԱԿՎԱԾ ՍՆՆԴԱՄԹԵՐՔԻ, ԱՅԴ ԹՎՈՒՄ՝ ՀՈՒՄՔԻ ՄԵՋ, ԵՎ ԴՐԱՆՑ ՈՐՈՇՄԱՆ ՄԵԹՈԴԻԿԱՆԵՐԻ ՄԱՍԻՆ

«Եվրասիական տնտեսական միության մասին» 2014 թվականի մայիսի 29-ի պայմանագրի 56-րդ հոդվածի 2-րդ ու 3-րդ կետերին և Մաքսային միության հանձնաժողովի 2011 թվականի դեկտեմբերի 9-ի թիվ 880 որոշմամբ ընդունված՝ Մաքսային միության «Սննդամթերքի անվտանգության մասին» տեխնիկական կանոնակարգի (ՄՄ ՏԿ 021/2011) 13-րդ հոդվածի 3-րդ մասին համապատասխան, ինչպես նաև ի գիտություն ընդունելով Եվրասիական տնտեսական միության (այսուհետ՝ Միություն) անդամ պետությունների լիազորված մարմինների կողմից՝ սանիտարական և անասնաբուժասանիտարական միջոցառումների կիրառման ոլորտում Միության մարմինների ակտերի կատարման մշտադիտարկման արդյունքների մասին տեղեկատվությունը, Եվրասիական տնտեսական հանձնաժողովի կոլեգիան որոշեց.

1. Հաստատել անասնաբուժական այն դեղամիջոցների (դեղաբանորեն ակտիվ նյութերի) ցանկը, որոնց մնացորդների առավելագույն թույլատրելի մակարդակները կարող են պարունակվել կենդանական ծագման չվերամշակված սննդամթերքի, այդ թվում՝ հումքի մեջ, և դրանց որոշման մեթոդիկաները (այսուհետ՝ ցանկ):

2. Սահմանել, որ ցանկում նշված անասնաբուժական դեղամիջոցների (դեղաբանորեն ակտիվ նյութերի) մնացորդների առավելագույն թույլատրելի մակարդակները կենդանական ծագման չվերամշակված սննդամթերքի, այդ թվում՝ հումքի մեջ, վերահսկվում են՝

կենդանական ծագման չվերամշակված սննդամթերքի, այդ թվում՝ հումքի արտադրողի (մատակարարի) կողմից՝ մթերատու կենդանիների համար անասնաբուժական դեղամիջոցներ կիրառելու դեպքում.

անասնաբուժական դեղամիջոցները կիրառելու մասին արտադրողի (մատակարարի) կողմից ներկայացվող տեղեկատվությանը համապատասխան վերամշակվող մթերային ձեռնարկություններում արտադրական հսկողությունն անցկացնելիս.

պետական հսկողություն (վերահսկողություն) իրականացնելիս:

Միության անդամ պետության օրենսդրությանը համապատասխան տրված՝ կենդանական ծագման չվերամշակված սննդամթերքի, այդ թվում՝ հումքի ուղեկցող փաստաթղթի մեջ նշվում են անասնաբուժական դեղամիջոցի անվանումը, մթերատու կենդանու համար այն վերջին անգամ կիրառելու ամսաթիվը և կենդանու օրգանիզմից այն դուրս բերվելու ժամկետների հաստատումը:

3. Միության անդամ պետությունների լիազորված մարմիններին՝ իրենց պետությունների օրենսդրությանը համապատասխան, ապահովել ցանկում նշված մեթոդիկաներին պետական իշխանության շահագրգիռ մարմինների, անդամ պետությունների իրավաբանական և ֆիզիկական անձանց ծանոթանալու հնարավորությունը:

4. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո՝ բացառությամբ 2-րդ կետի։

Սույն որոշման 2-րդ կետն ուժի մեջ է մտնում սույն որոշման պաշտոնական հրապարակման օրվանից սկսած 180 օրացուցային օրը լրանալուց հետո։

ՀԱՍՏԱՏՎԱԾ Է Եվրասիական տնտեսական հանձնաժողովի կոլեգիայի 2018 թվականի փետրվարի 13-ի թիվ 28 որոշմամբ

Պաշտոնական հրապարակման օրը՝ 22 հունիսի 2022 թվական: