ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
Ո Ր Ո Շ ՈՒ Մ
|
18 հուլիսի 2017 թվականի |
թիվ 88 |
քաղ. Մոսկվա |
ՀԻԴՐԱՎԼԻԿ ԽՈՂՈՎԱԿԱՅԻՆ ԲԱՆԱԼԻՆ, ՈՒՆԻՎԵՐՍԱԼ ՄԵՔԵՆԱՅԱԿԱՆ ԲԱՆԱԼԻՆ ԵՎ ՀՈՐԱՏՄԱՆ ԽՈՂՈՎԱԿԻ ՊՏՏԻՉԸ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԻԱՍՆԱԿԱՆ ԱՊՐԱՆՔԱՅԻՆ ԱՆՎԱՆԱՑԱՆԿԻՆ ՀԱՄԱՊԱՏԱՍԽԱՆ ԴԱՍԱԿԱՐԳԵԼՈՒ ՄԱՍԻՆ
Մաքսային միության մաքսային օրենսգրքի 52-րդ հոդվածի 7-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.
1. Հիդրավլիկ խողովակային բանալին, որը հորատման, շրջապահ և պոմպաճնշակային խողովակների պտուտակման և հետպտուտակման սարքավորում է, որը կոմպլեկտավորված է հիդրավլիկ շարժիչով, որի պտտման օգնությամբ իրականացվում է խողովակների պտուտակումը և հետպտուտակումը, ինչպես նաև խողովակները սևեռակելու համար կարծրահամահալվածքային ներդրակներով կահավորված ծնոտներով, մեխանիկական դռնակով, որով բաց դիրքով բանալու կորպուսում լարվում և սևեռակվում է խողովակը, Արտաքին տնտեսական գործունեության ապրանքային անվանացանկի մեկնաբանման 1-ին հիմնական կանոնին համապատասխան դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8479 ապրանքային դիրքում (հիդրավլիկ խողովակային բանալու պատկերի օրինակը բերված է թիվ 1 հավելվածում):
2. Ունիվերսալ մեքենայական բանալին, որը հորատման, շրջապահ և պոմպաճնշակային խողովակների պտուտակման և հետպտուտակման, ինչպես նաև ձեռքի գործիքներից ձեռքով այն տեղափոխելը չթույլատրող եզրաչափքային չափերով և կշռային բնութագրերով տարբերվող խողովակների պարուրակային միացումների ամրացման և միմյանցից անջատման գործիք է, Արտաքին տնտեսական գործունեության ապրանքային անվանացանկի մեկնաբանման 1-ին հիմնական կանոնին համապատասխան դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8479 ապրանքային դիրքում (ունիվերսալ մեքենայական բանալու պատկերի օրինակը բերված է թիվ 2 հավելվածում):
3. Հորատման խողովակի պտտիչը, որը հորատման սարքավորման մաս է, որն օգտագործվում է հորատման խողովակի դանդաղ պտտման և հորատման խողովակների արագ միացման համար, որն ունի խողովակների պտուտակման և հետպտուտակման հնարավորություն, աշխատում է հիդրավլիկ կամ օդաճնշական շարժիչի միջոցով, Արտաքին տնտեսական գործունեության ապրանքային անվանացանկի մեկնաբանման 1-ին հիմնական կանոնին համապատասխան դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8431 ապրանքային դիրքում (հորատման խողովակի պտտիչի պատկերի օրինակը բերված է թիվ 2 հավելվածում):
4. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։
|
Եվրասիական տնտեսական հանձնաժողովի կոլեգիայի նախագահի ժամանակավոր պաշտոնակատար՝ |
Կ. Մինասյան |
|
Եվրասիական տնտեսական հանձնաժողովի |
|
Եվրասիական տնտեսական հանձնաժողովի |
|
Եվրասիական տնտեսական հանձնաժողովի |
Պաշտոնական հրապարակման օրը՝ 22 հունիսի 2022 թվական: