ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

5 օգոստոսի 2019 թվականի N 483-Ա

«ՎԱՐԴԱՆՅԱՆ ԸՆՏԱՆԻՔ» ԲԱՐԵԳՈՐԾԱԿԱՆ ՀԻՄՆԱԴՐԱՄԻ ԿՈՂՄԻՑ ԻՐԱԿԱՆԱՑՎՈՂ «ԵՐԵՎԱՆԻ 2800-ԱՄՅԱԿԻ ԱՅԳՈՒ ՏԱՐԱԾՔԻ ՍՊԱՍԱՐԿՈՒՄ ԵՎ ԽՆԱՄՔԻ ԻՐԱԿԱՆԱՑՈՒՄ» ԾՐԱԳՐԻ ՄԱՍԻՆ

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին կետը՝

1. Բարեգործական որակել «Վարդանյան ընտանիք» բարեգործական հիմնադրամի կողմից իրականացվող` 400,000,000 դրամ արժողությամբ «Երևանի 2800-ամյակի այգու տարածքի սպասարկում և խնամքի իրականացում» ծրագիրը՝ համաձայն հավելվածի:

2. «Վարդանյան ընտանիք» բարեգործական հիմնադրամին` մինչև յուրաքանչյուր եռամսյակին հաջորդող ամսվա 25-ը՝ Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված՝ բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել տեղեկություններ տվյալ եռամսյակի ընթացքում նշված ծրագրի շրջանակներում կազմակերպության կողմից կատարված աշխատանքների, ինչպես նաև կազմակերպությանը մատակարարված ապրանքների ու մատուցված ծառայությունների մասին, իսկ ծրագրի ավարտից հետո մեկամսյա ժամկետում` ամփոփ տեղեկություններ ծրագրի կատարման մասին:

Հայաստանի Հանրապետության փոխվարչապետ	Տ. ԱՎԻՆՅԱՆ
2019 թ. օգոստոսի 5 Երևան

Հավելված ՀՀ փոխվարչապետի 2019 թ. օգոստոսի 5-ի N 483-Ա որոշման

«ԵրԵՎանի 2800-ամյակի այգու տարածքի սպասարկում ԵՎ խնամքի իրականացում» ծրագիրԸ

1.	Ծրագրի նպատակը	Երևանի 2800-ամյակի այգու տարածքի տարածքի սպասարկում և խնամքի իրականացում:
2.	Ծրագրի բարեգործական որակման նպատակը	Ակնկալվում է ծրագրի շրջանակներում օգտվել ՀՀ հարկերի, տուրքերի և պարտադիր վճարների գծով օրենքով սահմանված արտոնություններից:
3.	Բարեգործը	«Վարդանյան ընտանիք» բարեգործական հիմնադրամ (ՀՀ, քաղ. Երևան, Մասիսի 31, ՀՎՀՀ՝ 02269952)
4.	Ծրագիրը կատարողը	«Վարդանյան ընտանիք» բարեգործական հիմնադրամ (ՀՀ, քաղ. Երևան, Մասիսի 31, ՀՎՀՀ՝ 02269952)
5.	Ծրագրի իրականացման վայրը և բնագավառը	Երևանի Ա. Մյասնիկյանի արձանի հետնամասում գտնվող Իտալիայի, Բեյրութի, Մ. Խորենացու և Գ. Լուսավորչի փողոցների սահմաններում պարփակված այգի: Բնագավառը՝ քաղաքաշինական:
6.	Ծրագրի բյուջեն	400.000.000 դրամ
7.	Բարեգործություն ստացողը	Երևանի համայնք Ընտրությունը կատարվել է համաձայն բարեգործությունը ստացողի աջակցության խնդրանքի:
8.	Ծրագրի իրականացման տևողությունը	2019 թվականի օգոստոսի 5-ից մինչև 2029 թ.-ի օգոստոսի 4-ը
9.	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	● Այգու շատրվանների ինժեներական և տեխնիկական սպասարկում՝ 250 000 000 դրամ ● Այգու համար նախատեսված պարագաների ձեռքբերում, այգու խոտածածկի հնձման և մաքրման աշխատանքներ, ծառերի խնամք, ծաղկանոցների և բիրյուչինայի թփերի խնամք, ձմռան ամիսներին այգու տարածքի մաքրություն՝ 20 000 000 դրամ ● Այգու տարածքի տեսահսկման գործընթաց, այգու տարածքի հսկողություն՝ 30 000 000 դրամ ● Այգու լուսավորության, ոռոգման և խմելու ջրի սպասարկում՝ 10 000 000 դրամ ● Հատակի, շատրվանների, նստարանների և արձանների պատվանդանների գրանիտե մակերեսների խնամք, արձանների խնամք՝ 90 000 000 դրամ  Միջոցառումների ընդհանուր արժեքը կազմում է 400.000.000 դրամ: Միջոցառումները նախատեսվում է իրականացնել 2019 թ-ի օգոստոսի 5-ից մինչև 2029 թ-ի օգոստոսի 4-ը:
10.	Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը	● Շատրվանների վերանորոգման համար սարքերի, սարքավորումների, պարագաների ձեռք բերում և ներմուծում՝ 250 000 000 դրամ ● Այգու համար նախատեսված պարագաների ձեռքբերում և ներմուծում, խոտածածկի, ծառերի, ծաղկանոցների խնամքի ծառայությունների ձեռքբերում՝ 20 000 000 ՀՀ դրամ ● Տարածքի տեսահսկման և հսկողության համար տեխնիկական միջոցների ձեռքբերում, վերանորոգում և ծառայությունների ձեռքբերում՝ 30 000 000 դրամ ● Այգու լուսավորության, ոռոգման և խմելու ջրի սպասարկման ծառայությունների ձեռքբերում՝ 10 000 000 դրամ ● Հատակի, շատրվանների, նստարանների և արձանների պատվանդանների գրանիտե մակերեսների, արձանների խնամքի և մաքրման ծառայությունների ձեռքբերում՝ 90 000 000 դրամ Ձեռք բերվող ծառայությունների ու ներմուծվող ապրանքների ընդհանուր արժեքը կազմում է 400.000.000 դրամ
11.	Ծրագրի իրականացման հետ կապված կազմակերպական ծախսերը	Կազմակերպական ծախսեր չեն նախատեսվում:
12.	Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ	Նախատեսվում է համագործակցություն Երևանի քաղաքապետարանի հետ:
13.	Ծրագրի արդյունավետության նկատմամբ վերահսկողության մեխանիզմների նկարագրությունը	Ծրագրի արդյունավետության նկատմամբ վերահսկողությունն իրականացվելու է «Վարդանյան ընտանիք» բարեգործական հիմնադրամի հոգաբարձուների խորհրդի կողմից: Հայաստանի Հանրապետության կառավարության 2003 թ-ի հունվարի 16-ի N 66-Ն որոշմամբ հաստատված` բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով հաշվետվությունների ներկայացում լիազորված մարմնին

Հայաստանի Հանրապետության փոխվարչապետ

Տ. ԱՎԻՆՅԱՆ