ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

6 հունիսի 2019 թվականի N 711-Ա

ՊԱՏՎԻՐԱԿՈՒԹՅՈՒՆ ԲԵԼԳԻԱՅԻ ԹԱԳԱՎՈՐՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասով՝

1. ՀՀ-ԵՄ գործընկերության խորհրդի 2-րդ հանդիպմանը մասնակցելու նպատակով 2019 թվականի հունիսի 12-14-ը Բելգիայի Թագավորություն (Բրյուսել) գործուղել պատվիրակություն՝ համաձայն հավելվածի:

2. Իրինա Ղափլանյանի, Վիգեն Քոչարյանի, Հակոբ Վարդանյանի և Բագրատ Բադալյանի՝ Բելգիայի Թագավորություն (Բրյուսել) գործուղման հետ կապված ծախսերը կատարել Հայաստանի Հանրապետության 2019 թվականի պետական բյուջեով արտասահմանյան պաշտոնական գործուղումների համար նախատեսված միջոցների, իսկ Սեդրակ Բարսեղյանինը՝ Հայաստանի Հանրապետության վարչապետի աշխատակազմի պահպանման ծախսերում գործուղումների համար նախատեսված միջոցների հաշվին:

3. Հայաստանի Հանրապետության շրջակա միջավայրի նախարարին, Հայաստանի Հանրապետության արդարադատության նախարարին ու Հայաստանի Հանրապետության տարածքային կառավարման և ենթակառուցվածքների նախարարին՝ ապահովել գործուղումից վերադառնալուց հետո եռօրյա ժամկետում Իրինա Ղափլանյանի, Վիգեն Քոչարյանի, Հակոբ Վարդանյանի և Բագրատ Բադալյանի՝ Բելգիայի Թագավորություն գործուղման արդյունքների մասին հաշվետվությունները Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն ներկայացնելը:

4. Հայաստանի Հանրապետության փոխվարչապետ Մհեր Գրիգորյանին՝ ապահովել գործուղումից վերադառնալուց հետո եռօրյա ժամկետում Սեդրակ Բարսեղյանի՝ Բելգիայի Թագավորություն գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն ներկայացնելը:

Հայաստանի Հանրապետության վարչապետ	Ն. Փաշինյան
2019 թ. հունիսի 6 Երևան

Հավելված ՀՀ վարչապետի 2019 թ. հունիսի 6-ի N 711-Ա որոշման

Կ Ա Զ Մ

2019 ԹՎԱԿԱՆԻ ՀՈՒՆԻՍԻ 12-14-Ը ԲԵԼԳԻԱՅԻ ԹԱԳԱՎՈՐՈՒԹՅՈՒՆ ՄԵԿՆՈՂ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԻՐԱԿՈՒԹՅԱՆ

Բ. ԲԱԴԱԼՅԱՆ	- ՀՀ տարածքային կառավարման և ենթակառուցվածքների նախարարի տեղակալ
Ի. ՂԱՓԼԱՆՅԱՆ	- ՀՀ շրջակա միջավայրի նախարարի տեղակալ
Հ. ՎԱՐԴԱՆՅԱՆ	- ՀՀ տարածքային կառավարման և ենթակառուցվածքների նախարարի տեղակալ
Վ. ՔՈՉԱՐՅԱՆ	- ՀՀ արդարադատության նախարարի տեղակալ
Ս. ԲԱՐՍԵՂՅԱՆ	- ՀՀ փոխվարչապետ Մհեր Գրիգորյանի աշխատակազմի ղեկավար

            

Հայաստանի Հանրապետության վարչապետի աշխատակազմի ղեկավար

Է. Աղաջանյան