1. Ծրագրի նպատակը

Ներկայացվող ծրագրի նպատակն է ապահովել և բարելավել խմելու մաքուր ջրի մատակարարումը ՀՀ տարբեր մարզերի 3 համայնքի բնակիչներին: Հայաստանի գյուղերի մեծ մասը խմելու ջրի ցանցերի վերակառուցման կարիք ունի: Առաջարկվող 3 գյուղի որոշ մասերում խմելու ջուրը մատակարարվում է հնամաշ, օգտագործման համար ոչ պիտանի խողովակներով: Ծրագրով նախատեսվում է այդ խողովակների փոխարինումը նոր խողովակներով:

2. Ծրագրի բարեգործական որակման նպատակը

Ծրագրի բարեգործական որակման նպատակն է ծրագրի շրջանակներում օգտվել ՀՀ օրենսդրությամբ սահմանված հարկային արտոնություններից:

3. Բարեգործը

 «Վերջին օրերի սրբերի բարեգործական կորպորացիա» շահույթ չհետապնդող կազմակերպություն, հասցեն` ԱՄՆ, Յութա նահանգ, Սոլթ Լեյք Սիթի քաղաք

4. Ծրագրի կատարողը

Վերջին օրերի սրբերի բարեգործական կորպորացիայի հայաստանյան ներկայացուցչություն, հասցեն` քաղ. Երևան, Արամ Խաչատրյան 21/47, ՀՎՀՀ՝ 01526777

5. Ծրագրի իրականացման վայրը և բնագավառը

Ծրագիրն իրականացվելու է ՀՀ 3 համայնքում (դրանք ներկայացված են 7-րդ կետում): Ծրագրի բնագավառը` սոցիալական:

6. Ծրագրի բյուջեն

Ծրագրի ընդհանուր բյուջեն կազմում է 13599340 դրամ: Ծրագրի բյուջեն հաստատվել է կորպորացիայի հոգաբարձուների խորհրդի կողմից: Յուրաքանչյուր համայնքի ծրագրի բյուջեն հաստատվել է Վերջին օրերի սրբերի բարեգործական կորպորացիայի կենտրոնական գրասենյակում: Ծրագրի բյուջեն ըստ համայնքների և ծրագրի կատարման պայմանները համաձայնեցված են բոլոր համայնքների ղեկավարների հետ` նրանց հետ կնքելով համապատասխան համաձայնագրեր:

7. Բարեգործություն ստացողները

Բարեգործություն ստացողներն ըստ մարզերի և ըստ համայնքների հետևյալն են.

Համայնքներն ընտրվել են կարիքավորության և մեկ բնակչին ընկնող ծախսի հաշվարկի հիման վրա: Ամբողջ աշխարհում նմանատիպ ծրագրերի իրականացման համար կազմակերպության չափանիշների համաձայն յուրաքանչյուր բնակչին բաժին ընկնող ծախսի գումարը պետք է կազմի 10 ԱՄՆ-ի դոլարին համապատասխան գումար: Այս ծրագրից կօգտվի 3470 մարդ:

8. Ծրագրի իրականացման տևողությունը

Ծրագիրը կիրականացվի 2019 թվականի մայիսի 20-ից և կավարտվի ոչ ուշ, քան 2019 թվականի դեկտեմբերի 31-ը: Ծրագրի բոլոր միջոցառումները կիրականացվեն այդ ժամանակաշրջանում:

9. Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը

Ծրագրով նախատեսվում է համայնքներում տեղադրել 3200 մետր խմելու ջրի պոլիէթիլենային խողովակներ: Խողովակները և դրանց մոնտաժման համար անհրաժեշտ պարագաները 9745450 դրամով ձեռք են բերվելու «Վեդի Պլաստ» ՍՊԸ-ից (քաղ. Վեդի, Կոմիտասի 1, ՀՎՀՀ՝ 04109451, հ/հ՝ 220123330239000, ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ, Վեդու մ/ճ): Այդ ընկերությանը պետք է վճարվի նաև 252000 դրամ գումար՝ նշված խողովակները համայնքներ տեղափոխելու տրանսպորտային ծախսերի, դրանց մոնտաժման և փորձարկման աշխատանքների համար, «Վեդի պլաստ» ՍՊԸ-ին ընդամենը պետք է վճարվի 9997450 դրամ: Պահանջվող ապրանքների մատակարարումները կսկսվեն 2019 թ. մայիսի 20-ից և կավարտվեն ոչ ուշ, քան 2019 թ. նոյեմբերի 15-ը: Միջոցառումները մանրամասնորեն նկարագրված են 10-րդ կետում: Օգտագործվող այլ շինանյութերի և այլ աշխատանքների` պոլիէթիլենային խողովակների տեղադրման համար պահանջվող խրամուղիների փորման, դրանց նախապատրաստման, ճանապարհների անցումների կառուցման, խրամուղիների հետլիցքի, խողովակների կցամասերի, մետաղյա խողովակների, պահանջվող գործիքների արժեքը նախատեսվում է 3601890 դրամի չափով: Նշված գումարը տրամադրվելու է համայնքների կողմից լիազորված կապալառու կազմակերպություններին (անհատ ձեռնարկատերերին)՝ տեղերում շինանյութերի գնման և համայնքի ուժերով վերանորոգման ու նախապատրաստական աշխատանքների կազմակերպման համար: Համայնքներին փոխանցվող գումարները հետևյալն են.

Ծրագրով վարչական ու կազմակերպչական ծախսեր նախատեսված չեն:

10. Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը

ՎՕՍ Բարեգործական Կորպորացիայի կողմից վերանորոգվող խմելու ջրագծեր

Ծրագրի իրականացման համար անհրաժեշտ բոլոր նյութերը ձեռք են բերվելու տեղական շուկայից: Ծրագրով ապրանքների ներմուծում չի նախատեսվում: Ծրագրով նախատեսված է նաև գյուղերի ներդրումը՝ մասնակցությունը ծրագրի իրականացմանը՝ համայնքների անդամների աշխատանքով: Աշխատանքների ձևով այդ ներդրումները գնահատվել և ամրագրվել են գյուղերի հետ կնքված պայմանագրերում, սակայն քանի որ այդ աշխատանքների համար վճարումներ չեն կատարվելու, ապա դրանց համար չեն նախատեսվում ստանալ հարկային արտոնություններ:

11. Ծրագրի իրականացման հետ կապված կազմակերպական ծախսերը

Ծրագրով վարչական ու կազմակերպական ծախսեր նախատեսված չեն. այդպիսի ծախսեր չեն կատարվելու:

12. Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ

Վերջին օրերի սրբերի բարեգործական կորպորացիայի հայաստանյան ներկայացուցչությունն աշխատելու է Բարեգործական ծրագրերի համակարգման խորհրդակցական հանձնաժողովի, ՀՀ տարածքային կառավարման և ենթակառուցվածքների նախարարության, համապատասխան նախարարությունների և մարզպետարանների, ինչպես նաև անմիջապես յուրաքանչյուր շահառու համայնքի հետ:

13. Ծրագրի արդյունավետության նկատմամբ վերահսկողության մեխանիզմների նկարագրությունը

Ծրագիրն իրականացնողի կողմից ՀՀ կառավարության 2013 թ. հունվարի 16-ի N 66-Ն որոշմամբ հաստատված՝ բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով հաշվետվություններ ներկայացնելը լիազորված մարմին: