28 փետրվարի 2019 թվականի N 167-Ա

ՈՐՊԵՍ ՆՎԻՐԱՏՎՈՒԹՅՈՒՆ ԳՈՒՅՔ ԸՆԴՈՒՆԵԼՈՒ, ԳՈՒՅՔ ԱՄՐԱՑՆԵԼՈՒ, ՀԵՏ ՎԵՐՑՆԵԼՈՒ ԵՎ ԳՈՒՅՔ ՆՎԻՐԱԲԵՐԵԼՈՒ ՄԱՍԻՆ

Հիմք ընդունելով Հայաստանի Հանրապետության քաղաքացիական օրենսգրքի 594-րդ և 605-րդ հոդվածները, «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 5-րդ մասը, «Պետական ոչ առևտրային կազմակերպությունների մասին» Հայաստանի Հանրապետության օրենքի 4-րդ հոդվածը, «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածը և Հայաստանի Հանրապետության կառավարության 2018 թվականի օգոստոսի 30-ի N 970-Ա որոշման 2-րդ կետի 2-րդ ենթակետը` Հայաստանի Հանրապետության կառավարությունը որոշում է.

1. Սահմանել որպես նվիրատվություն «Շտապբուժօգնություն» փակ բաժնետիրական ընկերության կողմից Հայաստանի Հանրապետությանը հանձնվող շտապ օգնության ռեանիմոբիլների, շտապ օգնության գծային մեքենաների և դրանց օժանդակ սարքավորումների ցանկը` համաձայն N 1 հավելվածի:

2. Որպես նվիրատվություն ընդունել N 1 հավելվածում նշված «Շտապբուժօգնություն» փակ բաժնետիրական ընկերությանը սեփականության իրավունքով պատկանող «Ֆորդ Տրանզիտ» մակնիշի շտապ օգնության ռեանիմոբիլները, շտապ օգնության գծային մեքենաները և դրանց օժանդակ սարքավորումները:

3. Հաստատել բժշկական կազմակերպություններին նվիրաբերությամբ հանձնվող շտապ օգնության ռեանիմոբիլների, շտապ օգնության գծային մեքենաների և դրանց օժանդակ սարքավորումների բաշխացուցակը` համաձայն N 2 հավելվածի:

4. Սույն որոշման N 1 հավելվածում ներառված շտապ օգնության ռեանիմոբիլները, շտապ օգնության գծային մեքենաները և դրանց օժանդակ սարքավորումները Հայաստանի Հանրապետությունում շտապ բուժօգնության աշխատանքը կազմակերպելու պայմանով նվիրաբերել Երևանում և Հայաստանի Հանրապետության մարզերում գործող բժշկական կազմակերպություններին` համաձայն N 2 հավելվածով նախատեսված շտապ օգնության ռեանիմոբիլների, շտապ օգնության գծային մեքենաների և դրանց օժանդակ սարքավորումների բաշխացուցակի:

5. Սույն որոշման N 1 հավելվածում ներառված 9 (ինը) շտապ օգնության ռեանիմոբիլները` օժանդակ սարքավորումներով հանդերձ, ամրացնել Հայաստանի Հանրապետության առողջապահության նախարարությանը` հետագայում դրանք ըստ պահանջի տնօրինելու նպատակով:

6. Հայաստանի Հանրապետության առողջապահության նախարարին`

1) սույն որոշումն ուժի մեջ մտնելու պահից երկու ամսվա ընթացքում ապահովել սույն որոշման N 2 հավելվածում ներառված շտապ օգնության ռեանիմոբիլների, շտապ օգնության գծային մեքենաների և դրանց օժանդակ սարքավորումների նվիրաբերության մասին եռակողմ պայմանագրերի կնքումը բժշկական կազմակերպությունների և դրանց բաժնետոմսերի կառավարման լիազորություններ ունեցող կամ պետական կառավարման լիազոր մարմին հանդիսացող մարմինների հետ.

2) սույն որոշման 6-րդ կետի 1-ին ենթակետով սահմանված՝ կնքվելիք պայմանագրերում նախատեսել դրույթներ նվիրաբերված գույքը բացառապես շտապ օգնության ծառայությունների նպատակների համար օգտագործելու, դրանք տեխնիկական փաստաթղթերին համապատասխան շահագործելու, պահպանելու, սպասարկելու, սույն ենթակետում նշված պայմանները չպահպանելու դեպքում` նվիրաբերության վերացման հնարավորության մասին, սահմանելով նաև, որ գույքային իրավունքների գրանցման հետ կապված ծախսերն իրականացվելու են բժշկական կազմակերպությունների միջոցների հաշվին՝ Հայաստանի Հանրապետության օրենսդրությամբ սահմանված կարգով:

7. Հայաստանի Հանրապետության կառավարության 2018 թվականի օգոստոսի 30-ի N 970-Ա որոշման 2-րդ կետի 2-րդ ենթակետի համաձայն Հայաստանի Հանրապետության առողջապահության նախարարությանն ամրացված շտապ օգնության մեքենաներից 2 (երկու) ռեանիմոբիլ հետ վերցնել և մեկը` օժանդակ սարքավորումներով հանդերձ, անհատույց օգտագործման իրավունքով, անժամկետ տրամադրել «Նաիրի» բժշկական կենտրոն» փակ բաժնետիրական ընկերությանը, մյուսը՝ օժանդակ սարքավորումներով հանդերձ, նվիրաբերել «Արարատի հիվանդանոց» բժշկական կենտրոն» փակ բաժնետիրական ընկերությանը:

8. Հայաստանի Հանրապետության առողջապահության նախարարին`

1) սույն որոշումն ուժի մեջ մտնելու պահից երկու ամսվա ընթացքում ապահովել սույն որոշման 7-րդ կետում նշված շտապ օգնության ռեանիմոբիլների և դրանց օժանդակ սարքավորումների նվիրաբերության մասին`

ա. եռակողմ պայմանագրի կնքումը «Արարատի հիվանդանոց» բժշկական կենտրոն» փակ բաժնետիրական ընկերության և վերջինիս բաժնետոմսերի կառավարման լիազորություն ունեցող մարմնի հետ,

բ. երկկողմ պայմանագրի կնքումը «Նաիրի» բժշկական կենտրոն» փակ բաժնետիրական ընկերության հետ.

2) սույն որոշման 8-րդ կետի 1-ին ենթակետի «ա» և «բ» պարբերություններով սահմանված՝ կնքվելիք պայմանագրերում նախատեսել դրույթներ նվիրաբերված գույքը բացառապես շտապ օգնության ծառայությունների նպատակների համար օգտագործելու, դրանք տեխնիկական փաստաթղթերին համապատասխան շահագործելու, պահպանելու, սպասարկելու, սույն ենթակետում նշված պայմանները չպահպանելու դեպքում` նվիրաբերության վերացման հնարավորության մասին, սահմանելով նաև, որ գույքային իրավունքների գրանցման հետ կապված ծախսերն իրականացվելու են բժշկական կազմակերպությունների միջոցների հաշվին՝ Հայաստանի Հանրապետության օրենսդրությամբ սահմանված կարգով:

Հայաստանի Հանրապետության վարչապետ	Ն. Փաշինյան
2019 թ. մարտի 7 Երևան

Հավելված N 1 ՀՀ կառավարության 2019 թվականի փետրվարի 28-ի N 167-Ա որոշման

Ց Ա Ն Կ

«ՇՏԱՊԲՈՒԺՕԳՆՈՒԹՅՈՒՆ» ՓԲԸ-Ի ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆԸ ՆՎԻՐԱՏՎՈՒԹՅԱՄԲ ՀԱՆՁՆՎՈՂ ՇՏԱՊ ՕԳՆՈՒԹՅԱՆ ՌԵԱՆԻՄՈԲԻԼՆԵՐԻ, ՇՏԱՊ ՕԳՆՈՒԹՅԱՆ ԳԾԱՅԻՆ ՄԵՔԵՆԱՆԵՐԻ ԵՎ ԴՐԱՆՑ ՕԺԱՆԴԱԿ ՍԱՐՔԱՎՈՐՈՒՄՆԵՐԻ

NN ը/կ	Շտապ օգնության մեքենաների տեսակը («Ֆորդ Տրանզիտ» 2010 թվականի արտադրության, մակնիշը` JX5038XJHZC)	Շտապ օգնության մեքենաների թիվը
1.	Ռեանիմոբիլ (հագեցված օժանդակ սարքավորումներով)	10
2.	Գծային մեքենա (հագեցված օժանդակ սարքավորումներով)	20
Ընդամենը`  30

Հայաստանի Հանրապետության վարչապետ

Ն. Փաշինյան

Հավելված N 2 ՀՀ կառավարության 2019 թվականի փետրվարի 28-ի N 167-Ա որոշման

Բ Ա Շ Խ Ա Ց ՈՒ Ց Ա Կ

ԲԺՇԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻՆ ՆՎԻՐԱԲԵՐՈՒԹՅԱՄԲ ՀԱՆՁՆՎՈՂ ՇՏԱՊ ՕԳՆՈՒԹՅԱՆ ՌԵԱՆԻՄՈԲԻԼՆԵՐԻ, ՇՏԱՊ ՕԳՆՈՒԹՅԱՆ ԳԾԱՅԻՆ ՄԵՔԵՆԱՆԵՐԻ ԵՎ ԴՐԱՆՑ ՕԺԱՆԴԱԿ ՍԱՐՔԱՎՈՐՈՒՄՆԵՐԻ

      («Ֆորդ Տրանզիտ» 2010 թվականի արտադրության)

NN ը/կ	Շտապ օգնության գծային մեքենաների թիվը (հագեցված օժանդակ սարքավորումներով)	Շտապ օգնության ռեանիմոբիլների թիվը (հագեցված օժանդակ սարքավորումներով)	Նույնացման համար	Կազմակերպության անվանումը
1	2	3	4	5
1.	1		LJXBM2JD3AT124713	«Խարբերդի մասնագիտացված մանկատուն» ՊՈԱԿ
2.	1		LJXBM2JD8BT011504	«Վարդենիսի նյարդահոգեբանական տուն-ինտերնատ» ՊՈԱԿ
3.	1		LJXBM2JDXBT011505	«Ձորակ» հոգեկան առողջության խնդիրներ ունեցող անձանց խնամքի կենտրոն» ՊՈԱԿ
4.	1		LJXBM2JD1AT124709	«Նորքի տուն-ինտերնատ» ՊՈԱԿ
5.	12	1	LJXBM2JD3BT011541 LJXBM2JD4BT011516 LJXBM2JD2BT010140 LJXBM2JD1BT011506 LJXBM2JD4BT011533 LJXBM2JD4AT125112 LJXBM2JD6BT010139 LJXBM2JD0BT011514 LJXBM2JD6BT011517 LJXBM2JDXAT125096 LJXBM2JD0AT125107 LJXBM2JD4BT011502 LJXBM2JD7BT011509	ՀՀ ԱՆ քրեակատարողական ծառայություն
6.	1		LJXBM2JDXAT125101	«Կիմա Խաչատրյանի անվան Գառնիի առողջության կենտրոն» ՊՈԱԿ
7.	1		LJXBM2JD4AT125109	«Ծաղկահովիտի առողջության կենտրոն» ՓԲԸ
8.	1		LJXBM2JD5AT125104	«Ներքին Բազմաբերդի բժշկական ամբուլատորիա» ՀՈԱԿ
9.	1		LJXBM2JD0BT011528	«Տուբերկուլոզի դեմ պայքարի ազգային կենտրոն» ՊՈԱԿ

Հայաստանի Հանրապետության վարչապետ

Ն. Փաշինյան