Վճռաբեկ դատարանի` 2018 թվականի հուլիսի 20-ի որոշմամբ Կարեն Ալեքսանդրի Կունգուրցևի վերաբերյալ ՀՀ վերաքննիչ քրեական դատարանի` 2017 թվականի հուլիսի 18-ի որոշումը բեկանվել է և քրեական գործն ուղարկվել է Լոռու մարզի առաջին ատյանի ընդհանուր իրավասության դատարան` նոր քննության, այն պատճառաբանությամբ, որ գործում առկա ապացույցների գնահատման, դրանց թույլատրելիության և վերաբերելիության հարցերի ողջ ծավալով քննությունը հնարավոր է իրականացնել բացառապես առաջին ատյանի ընդհանուր իրավասության դատարանում։ Սակայն որոշման եզրափակիչ մասում նշվել է միայն ՀՀ վերաքննիչ քրեական դատարանի` 2017 թվականի հուլիսի 18-ի որոշումը բեկանելու մասին: Նման պայմաններում Վճռաբեկ դատարանը գտնում է, որ առկա է անհստակություն, որն անհրաժեշտ է լուծել:

Ելնելով վերոգրյալից և ղեկավարվելով ՀՀ քրեական դատավարության օրենսգրքի 430-րդ հոդվածով` Վճռաբեկ դատարանը

Ո Ր Ո Շ Ե Ց

Կարեն Ալեքսանդրի Կունգուրցևի վերաբերյալ Վճռաբեկ դատարանի` 2018 թվականի հուլիսի 20-ի որոշման` եզրափակիչ մասի 1-ին կետում «վերաբերյալ» բառից հետո ավելացնել «ՀՀ քրեական օրենսգրքի 34-104-րդ հոդվածի 1-ին մասով Լոռու մարզի ընդհանուր իրավասության առաջին ատյանի դատարանի` 2016 թվականի ապրիլի 15-ի արդարացման դատավճիռը և» բառերը:

Որոշումն օրինական ուժի մեջ է մտնում կայացման պահից, վերջնական է և ենթակա չէ բողոքարկման:

	Նախագահող`	Լ. Թադևոսյան
	Դատավորներ`	Հ. Ասատրյան
		Ս. ԱՎԵՏԻՍյան
		Ե. Դանիելյան
		ա. պողոսՅԱՆ
		Ս. Օհանյան