ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԱՋԻՆ

ՓՈԽՎԱՐՉԱՊԵՏ

Ո Ր Ո Շ ՈՒ Մ

28 դեկտեմբերի 2018 թվականի N 519-Ա

«ՏԱՇԻՐ» ԲԱՐԵԳՈՐԾԱԿԱՆ ՀԻՄՆԱԴՐԱՄԻ ԿՈՂՄԻՑ ԻՐԱԿԱՆԱՑՎՈՂ «ՄԱՅՐ ԱԹՈՌ ՍՈՒՐԲ ԷՋՄԻԱԾՆԻՆ ՉՀՐԿԻԶՎՈՂ ՊԱՀԱՐԱՆԻ ԵՎ ԳՈՐԳԵՐԻ ՆՎԻՐԱՏՎՈՒԹՅՈՒՆ» ԾՐԱԳՐԻ ՄԱՍԻՆ

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել «Տաշիր» բարեգործական հիմնադրամի կողմից (ՀՀ, քաղ. Տաշիր, Ջահուկյան 10, ՀՎՀՀ՝ 07203481) իրականացվող` 45,148,200 դրամ ընդհանուր արժողությամբ «Մայր Աթոռ Սուրբ Էջմիածնին չհրկիզվող պահարանի և գորգերի նվիրատվություն» ծրագիրը՝ համաձայն հավելվածի:

2. Սահմանել, որ սույն որոշման 1-ին կետում նշված ծրագրի իրականացման նպատակով «Տաշիր» բարեգործական հիմնադրամի կողմից կնքված` ստորև նշված պայմանագրերով նախատեսված գործարքներն անմիջականորեն կապված են ծրագրի իրականացման հետ և դրա համար ունեն զգալի նշանակություն՝

1) «Արմկարպետ» ՍՊԸ-ի հետ (ՀՎՀՀ` 02267158) 2018 թվականի նոյեմբերի 14-ին կնքված պայմանագրում նշված գործարքը, որով նախատեսվում է գորգերի մատակարարում` 34,603,200 դրամի չափով, առանց ավելացված արժեքի հարկի.

2) «Էլլիպս ՋիԷյ» ՍՊԸ-ի հետ (ՀՎՀՀ` 00067177) 2018 թվականի նոյեմբերի 13-ին կնքված՝ N 2TM/T պայմանագրում նշված գործարքը, որով նախատեսվում է չհրկիզվող պահարանի մատակարարում` 10,545,000 դրամի չափով, առանց ավելացված արժեքի հարկի:

3. «Տաշիր» բարեգործական հիմնադրամին` նշված ծրագրի ավարտից հետո մեկամսյա ժամկետում` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25րդ կետով սահմանված կարգով ներկայացնել ամփոփ տեղեկատվություն:

Հայաստանի Հանրապետության առաջին փոխվարչապետի պաշտոնակատար	Ա. Միրզոյան
2018 թ. դեկտեմբերի 28 Երևան

Հավելված ՀՀ առաջին փոխվարչապետի 2018 թ. դեկտեմբերի 28-ի N 519-Ա որոշման

«Մայր Աթոռ Սուրբ Էջմիածնին չհրկիզվող պահարանի ԵՎ գորգերի նվիրատվություն» ԾՐԱԳԻՐԸ

1.	Ծրագրի նպատակը	«Տաշիր» բարեգործական հիմնադրամի կողմից Մայր Աթոռ Սուրբ Էջմիածնին չհրկիզվող պահարանի և գորգերի նվիրատվությունը
2.	Ծրագրի բարեգործական որակման նպատակը	Օրենքով սահմանված կարգով օգտվել Հայաստանի Հանրապետության հարկերի, տուրքերի և այլ պարտադիր վճարների գծով արտոնություններից:
3.	Բարեգործը	«Տաշիր» բարեգործական հիմնադրամ (ՀՀ, քաղ. Տաշիր, Ջահուկյան 10, ՀՎՀՀ՝ 07203481)
4.	Ծրագիրը կատարողը	«Տաշիր» բարեգործական հիմնադրամ (ՀՀ, քաղ. Տաշիր, Ջահուկյան 10, ՀՎՀՀ՝ 07203481)
5.	Ծրագրի իրականացման վայրը և բնագավառը	Մայր Աթոռ Սուրբ Էջմիածին, հոգևոր բնագավառ
6.	Ծրագրի բյուջեն	Ծրագրի բյուջեն կազմում է 45,148,200 դրամ:
7.	Բարեգործություն ստացողը	Մայր Աթոռ Սուրբ Էջմիածնի միաբանություն
8.	Ծրագրի իրականացման տևողությունը	2018 թվականի դեկտեմբերի 1-ից մինչև 2019 թվականի մայիսի 31-ը
9.	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	Չհրկիզվող պահարանի ձեռքբերում - 7,600,000 դրամ Բունկերային դուռ՝ 2.500.000 դրամ Չհրկիզվող պահարանների ավազամաքրում, ներկում՝ 445.000 դրամ 799 (յոթ հարյուր իննսունինը) քառ. մետր բրդյա գորգերի ձեռքբերում՝ 34.603.200 դրամ Նշված աշխատանքների իրականացման ժամկետը սահմանված է մինչև 2019 թվականի մայիսի 31-ը:
10.	Ձեռք բերվող ապրանքների ու մատուցվող ծառայությունների համառոտ նկարագիրը, ծավալները և նախատեսվող գինը	«Էլլիպս ՋիԷյ» ՍՊԸ-ից չհրկիզվող պահարանների ձեռքբերում՝ 10,545,000 դրամի չափով «Արմենկարպետ» ՍՊԸ-ից 799 քառ. մետր բրդյա գորգերի ձեռքբերում՝ 34,603,200 դրամի չափով
11.	Ծրագրի իրականացման հետ կապված կազմակերպական ծախսերը	Կազմակերպչական ծախսեր չեն նախատեսվում:
12.	Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ	Նախատեսվում է համագործակցություն Մայր Աթոռ Սուրբ Էջմիածնի տնտեսական բաժնի հետ:
13.	Ծրագրի արդյունավետության նկատմամբ վերահսկողության մեխանիզմների նկարագրությունը	Օրենքով սահմանված կարգով` հիմնադրամի հոգաբարձուների խորհրդի կողմից, ինչպես նաև կներկայացվի տեղեկատվություն Հայաստանի Հանրապետության կառավարության բարեգործական ծրագրերի համակարգման խորհրդակցական հանձնաժողովին ծրագրի ընթացքի և ավարտի վերաբերյալ:

Հայաստանի Հանրապետության առաջին փոխվարչապետի պաշտոնակատար

Ա. Միրզոյան