Ո Ր Ո Շ ՈՒ Մ

20 դեկտեմբերի 2018 թվականի N 1504-Ա

ԳԵՐԱԿԱ ՈԼՈՐՏՈՒՄ ԻՐԱԿԱՆԱՑՎՈՂ ՆԵՐԴՐՈՒՄԱՅԻՆ ԾՐԱԳՐԻ ՇՐՋԱՆԱԿՆԵՐՈՒՄ ՆԵՐՄՈՒԾՎԱԾ (ՆԵՐՄՈՒԾՎՈՂ) ՏԵԽՆՈԼՈԳԻԱԿԱՆ ՍԱՐՔԱՎՈՐՈՒՄՆԵՐԸ, ԴՐԱՆՑ ԲԱՂԿԱՑՈՒՑԻՉ ՈՒ ՀԱՄԱԼՐՈՂ ՄԱՍԵՐԸ, ՀՈՒՄՔԸ ԵՎ (ԿԱՄ) ՆՅՈՒԹԵՐԸ ՆԵՐՄՈՒԾՄԱՆ ՄԱՔՍԱՏՈՒՐՔԻՑ ԱԶԱՏԵԼՈՒ ԱՐՏՈՆՈՒԹՅՈՒՆԻՑ ՕԳՏՎԵԼՈՒ ՀԱՄԱՐ «ՊՐՈՖ ԱԼ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ԿՈՂՄԻՑ ՆԵՐԿԱՅԱՑՎԱԾ ՀԱՅՏԸ ԲԱՎԱՐԱՐԵԼՈՒ ԵՎ ԱՐՏՈՆՈՒԹՅՈՒՆԸ ԿԻՐԱՌԵԼՈՒ ՄԱՍԻՆ

Ղեկավարվելով Հայաստանի Հանրապետության կառավարության 2015 թվականի սեպտեմբերի 17-ի N 1118-Ն որոշման պահանջներով` Հայաստանի Հանրապետության կառավարությունը որոշում է.

1. Բավարարել «ՊՐՈՖ ԱԼ» սահմանափակ պատասխանատվությամբ ընկերության կողմից ներկայացված հայտը գերակա ոլորտում իրականացվող ներդրումային ծրագրի շրջանակներում ներմուծված (ներմուծվող) տեխնոլոգիական սարքավորումները, դրանց բաղկացուցիչ ու համալրող մասերը, հումքը և (կամ) նյութերը ներմուծման մաքսատուրքից ազատելու արտոնությունից օգտվելու համար և սահմանված կարգով կիրառել համապատասխան արտոնությունը` համաձայն հավելվածի, ներմուծված (ներմուծվող) տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նկատմամբ:

2. Սահմանել, որ սույն որոշման հավելվածում նշված են ներմուծված (ներմուծվող) տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նախնական արժեքները:

Հայաստանի Հանրապետության վարչապետի պաշտոնակատար	Ն. Փաշինյան
2018 թ. դեկտեմբերի 20 Երևան

Հավելված ՀՀ կառավարության 2018 թվականի հոկտեմբերի 20-ի N 1504-Ա որոշման

Ց Ա Ն Կ

գերակա ոլորտում ԻՐԱԿԱՆԱՑՎՈՂ ներդրումային ծրագրի շրջանակներում ներմուծված (ներմուծվող) տեխնոլոգիական սարքավորումների, դրանց բաղկացուցիչ ՈՒ համալրող մասերի ԵՎ (կամ) հումքի ՈՒ նյութերի

NN ը/կ	ԱՏԳ ԱԱ-ի ծածկագիրը՝ 10 նիշի մակարդակով	Անվանումը	Տեխնիկական բնութագիրը	Չափի միավորը	Քանակը	Ծագման երկիրը	Արժեքը (դրամ)
1	2	3	4	5	6	7	8
1.	7604299000	Ալյումինե համաձուլվածքից պրոֆիլներ	ALUMIL S.A. ընկերության M940, M9400, M9650, M11000, M11500, M20000, M6, S700, S650 սերաիների պրոֆիլներ և Schuco ընկերության պրոֆիլներ	կգ	1 250 000	Հունաստան, Գերմանիա	5 000 000 000
2.	7604210000	Ալյումինե համաձուլվածքից պրոֆիլներ	ALUMIL S.A. ընկերության M940, M9400, M9650, M11000, M11500, M20000, M6, S700, S650 սերաիների պրոֆիլներ և Schuco ընկերության պրոֆիլներ	կգ	300 000	Հունաստան, Գերմանիա	1 200 000 000
3.	8302415000	Ամրակման արմատուրա, ֆուրնիտուրա պատուհանների համար	Համաձայն EN1906 և EN1935 ստանդարտների	կգ	45 000	Հունաստան, Գերմանիա, Իտալիա	720 000 000
4.	8302411000	Ամրակման արմատուրա, ֆուրնիտուրա դռների համար	Համաձայն EN1906 և EN1935 ստանդարտների	կգ	35 000	Հունաստան, Գերմանիա, Իտալիա	525 000 000
	ԸՆԴԱՄԵՆԸ						7 445 000 000

Հայաստանի Հանրապետության վարչապետի պաշտոնակատար

Ն. Փաշինյան