10. Իրավաբանական անձի կողմից հաշվետու տարում իրականացված տնտեսական գործունեության տեսակ(ներ)ին համապատասխան թողարկված արտադրանքի, կատարված աշխատանքների, մատուցված ծառայությունների, առևտրաշրջանառության ծավալը/հասույթը և աշխատողների միջին տարեկան թվաքանակը:

11. Տեղեկություններ ղեկավարի վերաբերյալ

Ղեկավար՝	_________________________________ (ազգանուն, անուն)	Ղեկավարի սեռը`		տղամարդ		կին
		(կատարել V նշումը համապատասխան վանդակում)

Հ Ր Ա Հ Ա Ն Գ

«Իրավաբանական անձանց վիճակագրական բիզնես (ձեռնարկատիրական) ռեգիստրի մասին» Ձև 1-ԲՌ (տարեկան) վիճակագրական հաշվետվության լրացման

1. Ընդհանուր դրույթներ

Սույն հրահանգը կարգավորում է իրավաբանական անձանց կողմից բիզնես (ձեռնարկատիրական) ռեգիստրի վարման համար անհրաժեշտ վիճակագրական հաշվետվության (այսուհետ՝ Հաշվետվություն) լրացման կարգի հետ կապված հարաբերությունները:

Բիզնես (ձեռնարկատիրական) ռեգիստրը վիճակագրական տեղեկատվական ռեգիստր է` (մշտական արդիականացման ենթակա տվյալների բազա), որը վարվում է վիճակագրական դիտարկումների անցկացման, դրանց ընտրանքի կառուցման աշխատանքների կազմակերպման, համակարգման և իրականացման նպատակով:

Հաշվետվությունը լրացնում են Հայաստանի Հանրապետության արդարադատության նախարարության իրավաբանական անձանց պետական ռեգիստրում գրանցված, տնտեսության ոչ ֆինանսական կազմակերպությունների հատվածի («Տնտեսության ինստիտուցիոնալ հատվածների դասակարգիչ», տես՝ http://www.arlis.am/DocumentView.aspx?DocID=103928# հղումը ) բոլոր գործող իրավաբանական անձինք:

Հաշվետվությունում պարունակվող տվյալներն (տեղեկություններն) օգտագործվելու են բացառապես վիճակագրական նպատակներով:

Հաշվետվության տվյալները լրացվում են վիճակագրական տեղեկություններ տրամադրողների (ռեսպոնդենտների) կողմից ինքնուրույնաբար: Կետ 10-ում նշված գործունեության տեսակների ծածկագրերը լրացվում են իրավաբանական անձի կողմից ինքնուրույնաբար՝ համաձայն «Տնտեսական գործունեության տեսակների դասակարգչի» 5-նիշ խմբավորման (տես՝ http://www.arlis.am/Annexes/4/GT30.1-13page1730-2124ink1392.doc հղումը):

Հաշվետվությունը լրացվում է հաշվետու տարվա արդյունքների հիման վրա:

Հաշվետվությունը ներկայացվում է դիմային էջում նշված սահմանված ժամկետում:

Հաշվետվությունը սահմանված ժամկետում չներկայացնելու կամ սահմանված կարգի խախտումով (ոչ արժանահավատ տվյալներ, դրանց ոչ ամբողջականորեն արտացոլում և այլ աղավաղումներ) ներկայացնելու (անկախ ժամկետից) համար վիճակագրական հաշվետվություններ ներկայացնողները ենթարկվում են պատասխանատվության` օրենքով սահմանված կարգով:

2. Լրացման կարգը

Հաշվետվության կետ 1-ը` «Իրավաբանական անձի նույնականացման ծածկագիրը», կետ 2-ը` «Պետական ռեգիստրում գրանցման համարը» և կետ 3-ը՝ «Հարկ վճարողի հաշվառման համարը» լրացվում են համաձայն Հայաստանի Հանրապետության արդարադատության նախարարության իրավաբանական անձանց պետական ռեգիստրի գործակալության կողմից տրված վկայականի համապատասխան տողերի:

4-րդ` «Իրավաբանական անձի լրիվ անվանումը», 6-րդ` «Հիմնադիրները (մասնակիցները)», 7-րդ՝ «Տեղեկատվություն օտարերկրյա մասնակցի վերաբերյալ» և 8-րդ՝ «Իրավաբանական անձն ո՞ւնի առանձնացված ստորաբաժանումներ(մասնաճյուղեր), ներկայացուցչություններ» կետերը լրացվում են իրավաբանական անձանց կանոնադրության հիման վրա: Ընդ որում, կետ 6-ում «V» նշումը համաձայն «Ազգային հաշիվների համակարգ 2008» մեթոդաբանության կատարվում է.

1) այն հիմնադրի (մասնակցի) դիմաց, ով կանոնադրական կապիտալում ունի առնվազն 50% մասնաբաժին,

2) պետական/համայնքային և իրավաբանական անձ/քաղաքացի բաժնեմասերի հավասարության դեպքում՝ պետական/համայնքային հիմնադրի (մասնակցի) դիմաց,

3) պետական/համայնքային և օտարերկրյա բաժնեմասերի հավասարության դեպքում՝ պետական/համայնքային հիմնադրի (մասնակցի) դիմաց,

4) օտարերկրյա և իրավաբանական անձ/քաղաքացի բաժնեմասերի հավասարության դեպքում՝ օտարերկրյա հիմնադրի(մասնակցի) դիմաց:

5-րդ՝ «Հաշվետու տարում գործելու հանգամանքը» բաժնի 5.1՝ «Հաշվետու տարում գործունեություն իրականացրած ամիսների թիվը» կետում նշվում է 0-ից 12 միջակայքի թիվ՝ կախված իրավաբանական անձի հաշվետու տարում աշխատած ամիսների թվից, իսկ 5.2 կետում՝ «Այո» կամ «Ոչ» վանդակներից մեկում կատարվում է «V» նշում՝ կախված իրավաբանական անձի կողմից հաշվետվությունը ներկայացնելու պահի դրությամբ վերջինիս գործել-չգործելու հանգամանքից:

9-րդ` «Իրավաբանական անձի գործունեության հիմնական տեսակի իրականացման վայրը» կետում լրացվում է իրավաբանական անձի գործունեության հիմնական տեսակի իրականացման վայրի վերաբերյալ համապատասխան տեղեկատվությունը:

10-րդ` «Իրավաբանական անձի կողմից հաշվետու տարում իրականացված գործունեության տեսակ(ներ)ին համապատասխան թողարկված արտադրանքի, կատարված աշխատանքների, մատուցված ծառայությունների, առևտրաշրջանառության ծավալը/հասույթը և աշխատողների միջին տարեկան թվաքանակը» կետում լրացվում են իրավաբանական անձի կողմից հաշվետու տարում իրականացված տնտեսական գործունեության բոլոր (և' հիմնական, և' ոչ հիմնական) տեսակների ծածկագրերն համաձայն «Տնտեսական գործունեության տեսակների դասակարգչի» 5 նիշ խմբավորման (տես՝ http://www.arlis.am/Annexes/4/GT30.1-13page1730-2124ink1392.doc հղումը)` ըստ հասույթի (առանց ավելացված արժեքի և ակցիզային հարկերի՝ հազար դրամներով) նվազող հաջորդականության:

Աշխատողների միջին տարեկան թվաքանակը լրացվում է հաշվետու տարվա համար: Աշխատողների թվաքանակում ներառվում են անորոշ կամ որոշակի ժամկետով կնքված աշխատանքային պայմանագրի հիման վրա աշխատանք կատարող վարձու աշխատողները:

Աշխատողների միջին տարեկան թվաքանակը որոշվում է հաշվետու տարվա բոլոր ամիսների աշխատողների միջին ամսական թվաքանակների հանրագումարը տարվա բոլոր ամիսների թվին բաժանելով (տասնորդական ճշտությամբ):

 Աշխատողների միջին ամսական թվաքանակը հաշվարկվում է յուրաքանչյուր ամսվա օրացուցային օրերի (ամսի 1-ից մինչև 30(31))-ը, փետրվարի համար՝ 28(29)-ը աշխատողների թվաքանակի հանրագումարը՝ ներառյալ ոչ աշխատանքային օրերը, ամսվա օրացուցային օրերի թվին բաժանելով: Աշխատողների թվաքանակը հանգստյան, տոնական կամ հիշատակի (ոչ աշխատանքային) օրերի համար ընդունվում է նախորդ աշխատանքային օրվա թվաքանակին հավասար: Երկու և ավելի ոչ աշխատանքային օրերի առկայության դեպքում այդ օրերից յուրաքանչյուրի համար աշխատողների թվաքանակն ընդունվում է դրանց նախորդող աշխատանքային օրվա թվաքանակին հավասար: Եթե աշխատողների թվաքանակի ամենօրյա հաշվառում չի վարվում, ապա աշխատողների թվաքանակը հաշվետու ամսվա համար հաշվարկվում է նախորդ ամսվա վերջի և հաշվետու ամսվա վերջի աշխատողների թվաքանակների հանրագումարը 2-ի բաժանելով:

11-րդ` «Տեղեկություններ ղեկավարի վերաբերյալ» կետում լրացվում է իրավաբանական անձի ղեկավարի, նրա սեռի, ինչպես նաև հաշվետվությունը լրացնողի վերաբերյալ համապատասխան տեղեկատվությունը:

Հավելված 3 Հայաստանի Հանրապետության վիճակագրության պետական խորհրդի 2018 թվականի հոկտեմբերի 19-ի թիվ 24-Ն որոշման

ՁԵՎ 2-ԲՌ (տարեկան)

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐԱԿԱՆ ԿՈՄԻՏԵ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ ԱՆՀԱՏ ՁԵՌՆԱՐԿԱՏԵՐԵՐԻ ԲԻԶՆԵՍ (ՁԵՌՆԱՐԿԱՏԻՐԱԿԱՆ) ՌԵԳԻՍՏՐԻ ՄԱՍԻՆ 20  թ. տարեկան

Ներկայացվում է համաձայն «Պաշտոնական վիճակագրության մասին» օրենքի և Հայաստանի Հանրապետության վիճակագրության պետական խորհրդի 2016 թ. հունիսի 20-ի թիվ 05-Ն որոշման:

Ներկայացման ժամկետը` մինչև հաշվետու տարվան հաջորդող մայիսի 1-ը:

ՏՐԱՄԱԴՐՎԱԾ ՏԵՂԵԿՈՒԹՅՈՒՆՆԵՐԻ ԳԱՂՏՆԻՈՒԹՅԱՆ ՊԱՀՊԱՆՈՒՄԸ ԵՐԱՇԽԱՎՈՐՎՈՒՄ Է ՕՐԵՆՔՈՎ

Դիտարկումների համար անհրաժեշտ վիճակագրական հաշվետվությունները սահմանված ժամկետում չներկայացնելու կամ սահմանված կարգի խախտումով (ոչ արժանահավատ տվյալներ, դրանց ոչ ամբողջականորեն արտացոլում և այլ աղավաղումներ) ներկայացնելու (անկախ ժամկետից) համար վիճակագրական հաշվետվություններ ներկայացնողները ենթարկվում են պատասխանատվության` օրենքով սահմանված կարգով:

1. Պետական ռեգիստրում գրանցման համարը . . (լրացվում է համաձայն գրանցման վկայականի) 2. Հարկ վճարողի հաշվառման համարը (լրացվում է համաձայն գրանցման վկայականի) 3. Անհատ ձեռնարկատիրոջ անունը, ազգանունը  __________________________________________ (լրացվում է համաձայն գրանցման վկայականի)

4. Անհատ ձեռնարկատիրոջ գործունեության հիմնական տեսակի իրականացման վայրի Մարզը/ք. Երևան _____________________________________________ Համայնքը __________________________________________________ Բնակավայրը/Երևան քաղաքի վարչական շրջանը ____________________ Հասցեն ____________________________________________________ (փողոցը, շենքը, բնակարանը) (փոստային դասիչ) Հեռախոս(ներ)ը ___________________Էլեկտրոնային փոստ ___________________

5. Անհատ ձեռնարկատիրոջ կողմից հաշվետու տարում իրականացված տնտեսական գործունեության տեսակ(ներ)ին համապատասխան թողարկված արտադրանքի, կատարված աշխատանքների, մատուցված ծառայությունների, առևտրաշրջանառության ծավալը/հասույթը և աշխատողների միջին տարեկան թվաքանակը: