Գլխավոր տեղեկություն
Номер
N 264-Ա
Տիպ
Որոշում
Тип
Исходный акт (30.10.2018-по сей день)
Статус
Գործում է
Первоисточник
Չի հրապարակվել պաշտոնական պարբերականում
Принят
Առաջին փոխվարչապետ
Дата принятия
29.10.2018
Подписан
Պաշտոնակատար
Дата подписания
29.10.2018
Дата вступления в силу
30.10.2018

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԱՋԻՆ

ՓՈԽՎԱՐՉԱՊԵՏ

 

Ո Ր Ո Շ ՈՒ Մ

 

29 հոկտեմբերի 2018 թվականի N 264-Ա

 

«ԱՌԱՔԵԼՈՒԹՅՈՒՆ ԱՐԵՎԵԼՔ» ՄԱՐԴԱՍԻՐԱԿԱՆ ՕԳՆՈՒԹՅԱՆ ԿԱԶՄԱԿԵՐՊՈՒԹՅԱՆ ՀԱՅԱՍՏԱՆՅԱՆ ՄԱՍՆԱՃՅՈՒՂԻ ԿՈՂՄԻՑ 2018-2019 ԹՎԱԿԱՆՆԵՐԻ ԸՆԹԱՑՔՈՒՄ ԻՐԱԿԱՆԱՑՎՈՂ «ԱՋԱԿՑՈՒԹՅՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՄԻԱՎ/ՁԻԱՀ-ԻՆ ՀԱԿԱԶԴՄԱՆ ԶԳԱՅԻՆ ԾՐԱԳՐԻՆ» ԾՐԱԳՐԻ ՄԱՍԻՆ

 

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին կետը՝

1. Բարեգործական որակել «Առաքելություն Արևելք» մարդասիրական օգնության կազմակերպության հայաստանյան մասնաճյուղի կողմից (ՀՀ, ք. Երևան, Պռոշյան 10, ՀՎՀՀ` 01533403) 2018-2019 թվականների ընթացքում իրականացվող` 332,782 ԱՄՆ-ի դոլարին համարժեք դրամ ընդհանուր արժեքով «Աջակցություն Հայաստանի Հանրապետությունում ՄԻԱՎ/ՁԻԱՀ-ին հակազդման ազգային ծրագրին» ծրագիրը՝ համաձայն հավելվածի:

2. «Առաքելություն Արևելք» մարդասիրական օգնության կազմակերպության հայաստանյան մասնաճյուղին` մինչև յուրաքանչյուր եռամսյակին հաջորդող ամսվա 25-ը՝ Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված՝ բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել տեղեկություններ տվյալ եռամսյակի ընթացքում նշված ծրագրի շրջանակներում կազմակերպության կողմից կատարված աշխատանքների, ինչպես նաև կազմակերպությանը մատակարարված ապրանքների ու մատուցված ծառայությունների մասին, իսկ ծրագրի ավարտից հետո մեկամսյա ժամկետում` ամփոփ տեղեկություններ ծրագրի կատարման մասին:

 

Հայաստանի Հանրապետության
առաջին փոխվարչապետի
պաշտոնակատար

 Ա. ՄԻՐԶՈՅԱՆ

 

2018 թ. հոկտեմբերի 29

Երևան

 

 

Հավելված
ՀՀ առաջին փոխվարչապետի
2018 թ. հոկտեմբերի 29-ի N 264-Ա
որոշման

 

Ծ Ր Ա Գ Ի Ր

 

«ԱՌԱՔԵԼՈՒԹՅՈՒՆ ԱՐԵՎԵԼՔ» ՄՕԿ-Ի ՀԱՅԱՍՏԱՆՅԱՆ ՄԱՍՆԱՃՅՈՒՂԻ ԿՈՂՄԻՑ 2018-2019 ԹՎԱԿԱՆՆԵՐԻ ԸՆԹԱՑՔՈՒՄ ԻՐԱԿԱՆԱՑՎՈՂ «ԱՋԱԿՑՈՒԹՅՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՄԻԱՎ/ՁԻԱՀ-ԻՆ ՀԱԿԱԶԴՄԱՆ ԱԶԳԱՅԻՆ ԾՐԱԳՐԻՆ»

 

1.

Ծրագրի նպատակը

Ծրագիրը կոչված է աջակցելու ՀՀ-ում ՄԻԱՎ/ՁԻԱՀ-ին հակազդման ազգային ծրագրին և ծրագրի նպատակն է`
- նվազեցնել ՄԻԱՎ-ի տարածումը և պահպանել ցածր տարածվածությունը բնակչության առավել վտանգի ենթարկվող խմբերի շրջանում,
- տրամադրել աջակցություն և խնամք ՄԻԱՎ-ով ապրող մարդկանց:

2.

Ծրագրի բարեգործական որակման նպատակը

Ծրագրի շրջանակներում, օրենքով սահմանված կարգով, օգտվել հարկային և մաքսային արտոնություններից

3.

Բարեգործը

ՁԻԱՀ-ի, տուբերկուլոզի և մալարիայի դեմ պայքարի գլոբալ հիմնադրամ 1214 Վերներ, Ժնև, Շվեյցարիա

4.

Ծրագիրը կատարողը

«Առաքելություն Արևելք» ՄՕԿ-ի հայաստանյան մասնաճյուղ (հասցե` ՀՀ, Երևան 0019, Պռոշյան 10, ՀՎՀՀ` 01533403)

5.

Ծրագրի իրականացման վայրը և բնագավառը

Ծրագրի իրականացման վայրը` ք. Երևան, ՀՀ մարզեր, ծրագրի բնագավառը` առողջապահություն

6.

Ծրագրի բյուջեն

Ծրագրի ընդհանուր գումարը կազմում է 332,782 ԱՄՆ-ի դոլարին համարժեք ՀՀ դրամ

7.

Բարեգործություն ստացողը

Բարեգործություն ստացող են հանդիսանում`
- ՄԻԱՎ-ի նկատմամբ բնակչության առավել խոցելի խմբերի ներկայացուցիչները,
- ՄԻԱՎ-ով ապրող մարդիկ:

8.

Ծրագրի իրականացման տևողությունը

Ծրագիրն իրականացվելու է 2018 թ. նոյեմբերի 1-ից մինչև 2019 թ. ապրիլի 30-ը:

9.

Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը

Ծրագրի ընթացքում նախատեսվում է իրականացնել հետևյալ միջոցառումները.

հհ

Նպատակը

Միջոցառումների նկարագրությունը

Անհրաժեշտ ֆինանսական միջոցների ծավալը
(ԱՄՆ-ի դոլար)

1.

Նվազեցնել ՄԻԱՎ-ի տարածումը և պահպանել ցածր տարածվածություն բնակչության առավել վտանգի ենթարկվող խմբերի շրջանում (թմրամիջոցների ներարկային օգտագործողներ, մարմնավաճառներ, հոմոսեքսուալ տղամարդիկ)

Կամավոր խորհրդատվության և հետազոտության տրամադրում բնակչության առավել վտանգի ենթարկվող խմբերի ներկայացուցիչներին
(ներառում է` շահառուներին հայտնաբերող և դեպի բուժհաստատություններ ուղղորդող աշխատակիցների վարձավճարները, շահառուներին խորհրդատվություն տրամադրող բուժաշխատողների վարձավճարները, ՄԻԱՎ-ի նկատմամբ հետազոտություն իրականացնելու վարձավճարները, շահառուներին բուժհաստատություններ տեղափոխելու համար վարորդներին տրամադրվող վարձավճարները)

162,189

Պահպանակների տրամադրում բնակչության առավել վտանգի ենթարկվող խմբերի ներկայացուցիչներին

38,000

Սեռավարակների բուժման տրամադրում բնակչության առավել վտանգի ենթարկվող խմբերի ներկայացուցիչներին
(ներառում է` բուժաշխատողների վարձավճարները, սեռավարակների նկատմամբ հետազոտություն իրականացնելու վարձավճարները, դեղորայքի և բժշկական պարագաների ծախսերը)

14,000

2.

Տրամադրել աջակցություն և խնամք ՄԻԱՎ-ով ապրող մարդկանց

Շարժական բժշկական ծառայությունների տրամադրում ՄԻԱՎ-ով ապրող մարդկանց
(ներառում է` բժշկական ծառայություններ տրամադրող բուժաշխատողների վարձավճարները, վարորդներին տրամադրվող վարձավճարները)

29,555

Խորհրդատվության (հոգեբանական, բժշկական) տրամադրում ՄԻԱՎ-ով ապրող մարդկանց փոխօգնության խմբերի կազմակերպում
(ներառում է՝ հոգեբանների, բժիշկների վարձավճարները, վարորդներին տրամադրվող վարձավճարները)

24,000

3.

Կազմակերպական ծախսեր

- ԾԻԳ-ի աշխատակազմի աշխատավարձեր
- Ադմինիստրատիվ ծախսեր (գրասենյակի և պահեստի վարձակալություն, կոմունալ ծախսեր և այլ ծախսեր)
- Ֆինանսական աուդիտ

65,038

10.

Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը

 Ծրագրի իրականացման ընթացքում նախատեսվում է ձեռք բերել (ներմուծել) հետևյալ ապրանքներն ու ծառայությունները.

հհ

Ապրանքի/ծառայության անվանումը

Չափման միավորը

Քանակը

Նախատեսվող գումարը, ԱՄՆ-ի դոլար

1.

Պահպանակ (ներմուծում)

հատ

1,000,000

38,000

2.

Դեղորայք (գնում ՀՀ-ից)

-

-

3,000

3.

Բժշկական պարագաներ (գնում ՀՀ-ից)

-

-

3,500

4.

Ֆինանսական աուդիտ (գնում ՀՀ-ից)

-

-

7,500

5.

Ադմինիստրատիվ ծախսեր (գրասենյակի և պահեստի վարձակալություն, կոմունալ ծախսեր և այլ ծախսեր)

-

-

10,000

11.

Ծրագրի իրականացման հետ կապված կազմակերպական ծախսեր

Ծրագրի իրականացման 3 տարիների ընթացքում նախատեսվում է կատարել հետևյալ կազմակերպական ծախսերը.

հհ

Կազմակերպական ծախսերը

Նախատեսվող գումարը,

ԱՄՆ դոլար

1.

ԾԻԳ-ի աշխատակազմի աշխատավարձեր

47,538

2.

Ադմինիստրատիվ ծախսեր (գրասենյակի և պահեստի վարձակալություն, կոմունալ ծախսեր և այլ ծախսեր)

10,000

3.

Ֆինանսական աուդիտ

7,500

Ընդամենը

65,038

12.

Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ

Ծրագրի իրականացման ընթացքում «Առաքելություն Արևելք» ՄՕԿ-ի հայաստանյան մասնաճյուղը համագործակցում է ՀՀ առողջապահության նախարարության և հետևյալ հասարակական կազմակերպությունների հետ՝
«ՁԻԱՀ-ի կանխարգելում, կրթություն և խնամք» ՀԿ, «ՁԻԱՀ-ի կանխարգելման միավորում» ՀԿ, «Նոր սերունդ» ՀԿ, «Դրական մարդկանց հայկական ցանց» ՀԿ:

13.

Ծրագրի արդյունավետության նկատմամբ վերահսկողության մեխանիզմների նկարագրությունը

Անմիջական վարչական և ծրագրային վերահսկողությունն իրականացվում է «Առաքելություն Արևելք» կազմակերպության գլխամասային գրասենյակի, ինչպես նաև ՁԻԱՀ-ի, տուբերկուլոզի և մալարիայի դեմ պայքարի գլոբալ հիմնադրամի և հիմնադրամի տեղական գործակալի, ՀՀ-ում հիմնադրամի միջոցառումները համակարգող հանձնաժողովի (ՄՀՀ) կողմից:
«Առաքելություն Արևելք» ՄՕԿ-ի հայաստանյան մասնաճյուղը վերահսկվում է նաև արտաքին աուդիտի, ՀՀ կառավարության 2003 թ. հունվարի 16-ի N 66-Ն որոշմամբ հաստատված՝ բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով լիազոր մարմնի, ՀՀ հարկային մարմինների կողմից:

 

Հայաստանի Հանրապետության
առաջին փոխվարչապետի
պաշտոնակատար

 Ա. ՄԻՐԶՈՅԱՆ

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան