ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 հուլիսի 2018 թվականի N 830-Ա

ՄԻՋԱԶԳԱՅԻՆ ՊԱՅՄԱՆԱԳԻՐ ՍՏՈՐԱԳՐԵԼՈՒ ՀԱՄԱՐ ԼԻԱԶՈՐԱԳԻՐ ՏՐԱՄԱԴՐԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ

«Միջազգային պայմանագրերի մասին» Հայաստանի Հանրապետության օրենքի 8-րդ հոդվածի 5-րդ մասին համապատասխան` Հայաստանի Հանրապետության կառավարությունը որոշում է.

Սահմանել միջազգային պայմանագիր ստորագրելու համար լիազորագիր տրամադրելու կարգը՝ համաձայն հավելվածի:

Հայաստանի Հանրապետության վարչապետ	Ն. Փաշինյան
2018 թ. հուլիսի 30 Երևան

Հավելված ՀՀ կառավարության 2018 թվականի հուլիսի 26-ի N 830-Ա որոշման

Կ Ա Ր Գ

ՄԻՋԱԶԳԱՅԻՆ ՊԱՅՄԱՆԱԳԻՐ ՍՏՈՐԱԳՐԵԼՈՒ ՀԱՄԱՐ ԼԻԱԶՈՐԱԳԻՐ ՏՐԱՄԱԴՐԵԼՈՒ

1. Միջազգային պայմանագիր ստորագրելու համար լիազորագիրը տրամադրում է Հայաստանի Հանրապետության վարչապետը կամ Հայաստանի Հանրապետության արտաքին գործերի նախարարը՝ Հայաստանի Հանրապետության կառավարության անդամ չհանդիսացող պաշտոնատար անձանց դեպքում:

2. Հայաստանի Հանրապետության վարչապետը լիազորագիրը տրամադրում է Հայաստանի Հանրապետության արտաքին գործերի նախարարության գրության հիման վրա, որին կցվում է իրավասու մարմնի համապատասխան առաջարկությունը և, ըստ անհրաժեշտության, Հայաստանի Հանրապետության արտաքին գործերի նախարարության կարծիքն այդ առաջարկության նպատակահարմարության մասին։

3. Հայաստանի Հանրապետության արտաքին գործերի նախարարը լիազորագիրը տրամադրում է իրավասու մարմնի առաջարկության հիման վրա։

4. Լիազորագիրը կազմվում է հայերեն։ Հայաստանի Հանրապետության արտաքին գործերի նախարարությունն ապահովում է լիազորագրի օտար լեզվով թարգմանությունը։

Հայաստանի Հանրապետության վարչապետ

Ն. Փաշինյան