ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

29 սեպտեմբերի 2011 թվականի N 1403-Ն

ԳԻՆԵԳՈՐԾԱԿԱՆ ԱՐՏԱԴՐԱՆՔԻ ՄՆԱՑՈՐԴՆԵՐԻ, ԱՇԽԱՐՀԱԳՐԱԿԱՆ ՆՇՈՒՄՈՎ ԳԻՆԵԳՈՐԾԱԿԱՆ ԱՐՏԱԴՐԱՆՔ ԱՐՏԱԴՐԵԼՈՒ ՆՊԱՏԱԿՈՎ ՕԳՏԱԳՈՐԾՎԱԾ ԽԱՂՈՂԻ ԵՎ ԱՇԽԱՐՀԱԳՐԱԿԱՆ ՆՇՈՒՄՈՎ ԳԻՆԵԳՈՐԾԱԿԱՆ ԱՐՏԱԴՐԱՆՔԻ ՔԱՆԱԿՆԵՐԻ ՀԱՅՏԱՐԱՐԱԳՐՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Սահմանել գինեգործական արտադրանքի մնացորդների, աշխարհագրական նշումով գինեգործական արտադրանք արտադրելու նպատակով օգտագործված խաղողի և աշխարհագրական նշումով գինեգործական արտադրանքի քանակների հայտարարագրման կարգը` համաձայն հավելվածի:

2. Սույն որոշումն ուժի մեջ է մտնում 2013 թվականի հունվարի 1-ից` բացառությամբ սույն որոշման հավելվածի 3-րդ և 4-րդ կետերի, որոնք ուժի մեջ են մտնում 2015 թվականի հունվարի 1-ից:

Հայաստանի Հանրապետության վարչապետ	Տ. Սարգսյան
2011 թ. հոկտեմբերի 7 Երևան

Հավելված  ՀՀ կառավարության 2011 թվականի սեպտեմբերի 29-ի N 1403-Ն որոշման

 

Կ Ա Ր Գ

ԳԻՆԵԳՈՐԾԱԿԱՆ ԱՐՏԱԴՐԱՆՔԻ ՄՆԱՑՈՐԴՆԵՐԻ, ԱՇԽԱՐՀԱԳՐԱԿԱՆ ՆՇՈՒՄՈՎ ԳԻՆԵԳՈՐԾԱԿԱՆ ԱՐՏԱԴՐԱՆՔ ԱՐՏԱԴՐԵԼՈՒ ՆՊԱՏԱԿՈՎ ՕԳՏԱԳՈՐԾՎԱԾ ԽԱՂՈՂԻ ԵՎ ԱՇԽԱՐՀԱԳՐԱԿԱՆ ՆՇՈՒՄՈՎ ԳԻՆԵԳՈՐԾԱԿԱՆ ԱՐՏԱԴՐԱՆՔԻ ՔԱՆԱԿՆԵՐԻ ՀԱՅՏԱՐԱՐԱԳՐՄԱՆ

I. ԿԻՐԱՌՄԱՆ ՈԼՈՐՏԸ

1. Գինեգործական արտադրանքի մնացորդների, աշխարհագրական նշումով գինեգործական արտադրանք արտադրելու նպատակով օգտագործված խաղողի և աշխարհագրական նշումով գինեգործական արտադրանքի քանակների հայտարարագրման կարգի (այսուհետ` կարգ) գործողությունը տարածվում է գինեգործական արտադրանք արտադրող, գինեգործական արտադրանքի մնացորդների մեծածախ առևտրով զբաղվող, աշխարհագրական նշումով գինեգործական արտադրանք արտադրող, ինչպես նաև դրանց մեծածախ առևտրով զբաղվող իրավաբանական անձանց և անհատ ձեռնարկատերերի (այսուհետ` տնտեսավարող սուբյեկտներ) վրա:

2. Սույն կարգով սահմանվում են գինեգործական արտադրանքի մնացորդների, աշխարհագրական նշումով գինեգործական արտադրանք արտադրելու նպատակով օգտագործված խաղողի և աշխարհագրական նշումով գինեգործական արտադրանքի քանակների հայտարարագրերի (այսուհետ` հայտարարագիր) ձևերը, ներկայացնելու ժամկետները և լրացման կարգը:

II. ԸՆԴՀԱՆՈՒՐ ԴՐՈՒՅԹՆԵՐ

3. Գինեգործական արտադրանք արտադրող տնտեսավարող սուբյեկտները, Հայաստանի Հանրապետության կառավարության 2011 թվականի սեպտեմբերի 29-ի N 1403-Ն որոշումն ուժի մեջ մտնելուց հետո, մինչև յուրաքանչյուր հաջորդ տարվա հունվարի 31-ը, Հայաստանի Հանրապետության գյուղատնտեսության նախարարություն (այսուհետ` լիազոր մարմին) են ներկայացնում իրենց կողմից տվյալ տարվա ընթացքում խաղողի վերամշակումից ստացված գինեգործական արտադրանքի մնացորդների` գինենյութի և գինու նստվածքների (դիրտ), խաղողի պտղամաշկի, կորիզի, չանչի, կնճեռի և բարդայի քանակների վերաբերյալ հայտարարագիրը` համաձայն N 1 ձևի:

4. Գինեգործական արտադրանքի մնացորդների մեծածախ առևտրով զբաղվող տնտեսավարող սուբյեկտները, Հայաստանի Հանրապետության կառավարության 2011 թվականի սեպտեմբերի 29-ի N 1403-Ն որոշումն ուժի մեջ մտնելուց հետո, մինչև յուրաքանչյուր հաջորդ տարվա հունվարի 31-ը, լիազոր մարմին են ներկայացնում իրենց կողմից տվյալ տարվա ընթացքում գնված և իրացված գինեգործական արտադրանքի մնացորդների քանակների վերաբերյալ հայտարարագիրը` համաձայն N 2 ձևի:

5. Աշխարհագրական նշումով գինեգործական արտադրանք արտադրող տնտեսավարող սուբյեկտները, Հայաստանի Հանրապետության կառավարության 2011 թվականի սեպտեմբերի 29-ի N 1403-Ն որոշումն ուժի մեջ մտնելուց հետո, մինչև յուրաքանչյուր հաջորդ տարվա հունվարի 31-ը, լիազոր մարմին են ներկայացնում աշխարհագրական նշումով գինեգործական արտադրանքի և դրա արտադրության նպատակով արտադրված և(կամ) գնված խաղողի քանակների վերաբերյալ հայտարարագիրը` համաձայն N 3 ձևի:

6. Աշխարհագրական նշումով գինեգործական արտադրանքի մեծածախ առևտրով զբաղվող տնտեսավարող սուբյեկտները, Հայաստանի Հանրապետության կառավարության 2011 թվականի սեպտեմբերի 29-ի N 1403-Ն որոշումն ուժի մեջ մտնելուց հետո, մինչև յուրաքանչյուր հաջորդ տարվա հունվարի 31-ը, լիազոր մարմին են ներկայացնում իրենց կողմից տվյալ տարվա ընթացքում գնված, պահեստավորված և իրացված աշխարհագրական նշումով գինեգործական արտադրանքի քանակների վերաբերյալ հայտարարագիրը` համաձայն N 4 ձևի:

7. Գինեգործական արտադրանք արտադրող և գինեգործական արտադրանքի մնացորդների մեծածախ առևտրով զբաղվող տնտեսավարող սուբյեկտները սույն կարգի 3-րդ և 4-րդ կետերով սահմանված ընթացակարգով լիազոր մարմին են ներկայացնում հայտարարագիր` համաձայն NN 1 և 2 ձևերի, իսկ աշխարհագրական նշումով գինեգործական արտադրանք արտադրող և դրանց մեծածախ առևտրով զբաղվող տնտեսավարող սուբյեկտները սույն կարգի 5-րդ և 6-րդ կետերով սահմանված ընթացակարգով լիազոր մարմին են ներկայացնում հայտարարագիր` համաձայն NN 3 և 4 ձևերի:

8. Աշխարհագրական նշումով գինեգործական արտադրանքի քանակները հայտարարագրվում են` հաշվի չառնելով դրանց տվյալ տարվա, թե նախորդ տարիների բերքից արտադրված լինելու հանգամանքը:

9. Հայտարարագրերից մեկը պահվում է տնտեսավարող սուբյեկտի մոտ, իսկ մյուսը հանձնվում լիազոր մարմին:

10. Լիազոր մարմինն ապահովում է հայտարարագրերում ներառված` առևտրային գաղտնիք համարվող տեղեկատվության գաղտնիությունը:

11. Հայտարարագրերը լիազոր մարմին կարող են ներկայացվել անձամբ` լիազոր մարմին հանձնելու, փոստային նամակի, ֆաքսի կամ էլեկտրոնային փոստի միջոցով:

III. ՀԱՅՏԱՐԱՐԱԳՐԵՐԻ ԼՐԱՑՄԱՆ ԿԱՐԳԸ

12. Հայտարարագրերում գրանցումները կատարվում են հայերենով` հաշվողական (համակարգչային) տեխնիկայի միջոցով: Հայտը սխալ լրացնելու դեպքում լրացվում է նորը:

13. Անհատ ձեռներեցի տվյալները, անձնագրի սերիան և համարը լրացվում են անձնագրի բնօրինակի տվյալներին համապատասխան:

14. Հասցեները, պայմանագրային և խաղողի ծագման վայրի վերաբերյալ տվյալները լրացվում են այնպիսի մանրամասնությամբ, որ ապահովվի դրանց ճշգրիտ նույնականացումը:

15. Թվային ցուցանիշները լրացվում են թվի տասներորդական մասի ճշտությամբ:

16. Հայտարարագրերի չլրացվող սյունակի տողում դրվում է հորիզոնական գծիկ:

17. Հայտարարագիրն ստորագրվում է իրավաբանական անձի պատասխանատու պաշտոնատար անձի կամ անհատ ձեռնարկատիրոջ կամ նրանց կողմից լիազորված անձի (այսուհետ` հայտարարատու) կողմից:

(17-րդ կետը փոփ. 10.07.18 N 765-Ն)

18. Եթե հայտարարագիրը բաղկացած է մեկից ավելի էջերից, ապա յուրաքանչյուր էջի վերջում դրվում է հայտարարատուի ստորագրությունը:

19. Արտադրության ընթացքում ստացված (անջատված) մնացորդների քանակների վերաբերյալ տվյալները լրացվում են դրանց ստացման (անջատման) պահի դրությամբ ունեցած փաստացի խոնավության հաշվարկով:

20. Մնացորդների պահման ընթացքում ստացված կորուստների քանակների վերաբերյալ տվյալները լրացվում են ըստ տվյալ տնտեսավարող սուբյեկտի կողմից մշակված և հաստատված կորուստների չափերի:

21. Արտադրված, պահեստավորված, գնված և իրացված աշխարհագրական նշումով գինեգործական արտադրանքի քանակների վերաբերյալ տվյալները լրացվում են ըստ դրանց տեսականու:

Հայաստանի Հանրապետության կառավարության աշխատակազմի ղեկավար

Դ. Սարգսյան

Ձև N 1

Հ Ա Յ Տ Ա Ր Ա Ր Ա Գ Ի Ր

ԳԻՆԵԳՈՐԾԱԿԱՆ ԱՐՏԱԴՐԱՆՔԻ ԱՐՏԱԴՐՈՒԹՅԱՆ ԸՆԹԱՑՔՈՒՄ ԽԱՂՈՂԻ ՎԵՐԱՄՇԱԿՈՒՄԻՑ  ՍՏԱՑՎԱԾ ՄՆԱՑՈՐԴՆԵՐԻ ՔԱՆԱԿՆԵՐԻ

Հայտարարագրողի

__________________________________________________________ (պաշտոնը, անունը, ազգանունը, ստորագրությունը)

Ամսաթիվը ___________________________

Ձև N 2

Հ Ա Յ Տ Ա Ր Ա Ր Ա Գ Ի Ր

ԳՆՎԱԾ ԵՎ ԻՐԱՑՎԱԾ ԳԻՆԵԳՈՐԾԱԿԱՆ ԱՐՏԱԴՐԱՆՔԻ ՄՆԱՑՈՐԴՆԵՐԻ ՔԱՆԱԿՆԵՐԻ

Հայտարարագրողի

__________________________________________________________ (պաշտոնը, անունը, ազգանունը, ստորագրությունը)

Ամսաթիվը ___________________________

 Ձև N 3

Հ Ա Յ Տ Ա Ր Ա Ր Ա Գ Ի Ր

ԱՇԽԱՐՀԱԳՐԱԿԱՆ ՆՇՈՒՄՈՎ ԳԻՆԵԳՈՐԾԱԿԱՆ ԱՐՏԱԴՐԱՆՔԻ ԵՎ ԴՐԱ ԱՐՏԱԴՐՈՒԹՅԱՆ ՆՊԱՏԱԿՈՎ ԱՐՏԱԴՐՎԱԾ ԵՎ (ԿԱՄ) ԳՆՎԱԾ ԽԱՂՈՂԻ ՔԱՆԱԿՆԵՐԻ

Հայտարարագրողի

__________________________________________________________ (պաշտոնը, անունը, ազգանունը, ստորագրությունը)

Ամսաթիվը ___________________________

Ձև N 4

Հ Ա Յ Տ Ա Ր Ա Ր Ա Գ Ի Ր

ԳՆՎԱԾ, ՊԱՀԵՍՏԱՎՈՐՎԱԾ ԵՎ ԻՐԱՑՎԱԾ ԱՇԽԱՐՀԱԳՐԱԿԱՆ ՆՇՈՒՄՈՎ ԳԻՆԵԳՈՐԾԱԿԱՆ ԱՐՏԱԴՐԱՆՔԻ ՔԱՆԱԿՆԵՐԻ

Հայտարարագրողի

__________________________________________________________ (պաշտոնը, անունը, ազգանունը, ստորագրությունը)

Ամսաթիվը ___________________________

(հավելվածը փոփ. 10.07.18 N 765-Ն)