ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

19 հունվարի 2011 թվականի N 28-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՎՐԱՍՏԱՆԻ ՄԻՋԵՎ ՏՆՏԵՍԱԿԱՆ ՀԱՄԱԳՈՐԾԱԿՑՈՒԹՅԱՆ ՄԻՋԿԱՌԱՎԱՐԱԿԱՆ ՀԱՆՁՆԱԺՈՂՈՎԻ ՀԱՅԿԱԿԱՆ ԿՈՂՄԻ ԿԱԶՄԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2008 ԹՎԱԿԱՆԻ ՀՈՒԼԻՍԻ 21-Ի N 518-Ա ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

 Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով հաստատված կարգի 121-րդ կետի 2-րդ ենթակետի և 2000 թվականի ապրիլի 22-ի ՆԿ-557 կարգադրությամբ հաստատված կարգի 12-րդ կետի`

1. Հաստատել Հայաստանի Հանրապետության և Վրաստանի միջև տնտեսական համագործակցության միջկառավարական հանձնաժողովի (այսուհետ` հանձնաժողով) հայկական կողմի կազմում ընդգրկվող պետական կառավարման համակարգի և այլ մարմինների ցանկը` համաձայն հավելվածի:

(1-ին կետը փոփ. 30.07.18 N 1029-Ա)

2. Նշանակել`

1) Հայաստանի Հանրապետության վարչապետ Նիկոլ Փաշինյանին` հանձնաժողովի հայկական կողմի նախագահ.

2) Հայաստանի Հանրապետության արտաքին գործերի նախարարի տեղակալ Շավարշ Քոչարյանին՝ հանձնաժողովի հայկական կողմի նախագահի տեղակալ.

3) Հայաստանի Հանրապետության տնտեսական զարգացման և ներդրումների նախարարի տեղակալ Մանե Ադամյանին՝ հանձնաժողովի հայկական կողմի քարտուղար:

(2-րդ կետը փոփ. 04.09.14 N 840-Ա, խմբ. 30.07.18 N 1029-Ա)

3. Սույն որոշման 1-ին կետում նշված մարմինների ղեկավարներին` Հայաստանի Հանրապետության վարչապետին և Հայաստանի Հանրապետության արտաքին գործերի նախարարին տեղեկացնել իրենց ներկայացուցիչների նշանակման մասին:

4. Ուժը կորցրած ճանաչել Հայաստանի Հանրապետության վարչապետի 2008 թվականի հուլիսի 21-ի «Հայաստանի Հանրապետության և Վրաստանի միջև տնտեսական համագործակցության միջկառավարական հանձնաժողովի հայկական կողմի անհատական կազմը հաստատելու մասին» N 518-Ա որոշումը:

Հայաստանի Հանրապետության վարչապետ	Տ. Սարգսյան
2011 թ. հունվարի 19 Երևան

Հավելված   ՀՀ վարչապետի 2011 թ.  հունվարի 19-ի N 28-Ա որոշման

Ց Ա Ն Կ

- ՀՀ	վարչապետ (հանձնաժողովի հայկական կողմի նախագահ)
- ՀՀ	վարչապետի աշխատակազմ
- ՀՀ	առողջապահության նախարարություն
- ՀՀ	աշխատանքի և սոցիալական հարցերի նախարարություն
- ՀՀ	արդարադատության նախարարություն
- ՀՀ	արտաքին գործերի նախարարություն
- ՀՀ	բնապահպանության նախարարություն
- ՀՀ	գյուղատնտեսության նախարարություն
- ՀՀ	էներգետիկ ենթակառուցվածքների և բնական պաշարների նախարարություն
- ՀՀ	կրթության և գիտության նախարարություն
- ՀՀ	մշակույթի նախարարություն
- ՀՀ	սպորտի և երիտասարդության հարցերի նախարարություն
- ՀՀ	սփյուռքի նախարարություն
- ՀՀ	տարածքային կառավարման և զարգացման նախարարություն
- ՀՀ	տնտեսական զարգացման և ներդրումների նախարարություն
- ՀՀ	տրանսպորտի, կապի և տեղեկատվական տեխնոլոգիաների նախարարություն
- ՀՀ	ֆինանսների նախարարություն
- ՀՀ	ազգային անվտանգության ծառայություն
- ՀՀ	պետական եկամուտների կոմիտե
- ՀՀ	կենտրոնական բանկ (համաձայնությամբ)
- ՀՀ	առևտրաարդյունաբերական պալատ (համաձայնությամբ)
- Հայաստանի զարգացման հիմնադրամ (համաձայնությամբ)
- «Գազպրոմ Արմենիա» ՓԲԸ (համաձայնությամբ)
- ՀՀ	վիճակագրական կոմիտե (համաձայնությամբ)

(հավելվածը խմբ. 30.07.18 N 1029-Ա)

Հայաստանի Հանրապետության կառավարության աշխատակազմի ղեկավար

Դ. Սարգսյան