ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
1 փետրվարի 2018 թվականի N 83-Ա
ԵՐԵՎԱՆԻ ՀԱՄԱՅՆՔԻՆ ԳՈՒՅՔ ՆՎԻՐԱԲԵՐԵԼՈՒ ՄԱՍԻՆ
Համաձայն Հայաստանի Հանրապետության քաղաքացիական օրենսգրքի 605-րդ հոդվածի և «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածի` Հայաստանի Հանրապետության կառավարությունը որոշում է.
1. «Հայաստանի Հանրապետության կառավարությանն առընթեր պետական գույքի կառավարման վարչության աշխատակազմ» պետական կառավարչական հիմնարկին ամրացված՝ Երևան քաղաքի Ռուսթավելու N 17 հասցեում գտնվող նախկին Երևանի Շ. Ռուսթավելու անվան N 23 հիմնական դպրոցի շենքը՝ 3264.93 քառ. մետր ընդհանուր մակերեսով, 237 483 723 դրամ կադաստրային արժեքով, օժանդակ շինությունը՝ 13.5 քառ. մետր մակերեսով, 1 410 363 դրամ կադաստրային արժեքով, կաթսայատունը՝ 13.4 քառ. մետր ընդհանուր մակերեսով, 2 356 289 դրամ կադաստրային արժեքով, և 0.33164 հեկտար մակերեսով հողատարածքը (անշարժ գույքի նկատմամբ իրավունքների պետական գրանցման վկայականը՝ N 19052015-01-0080), Երևան քաղաքի Թաիրովի N 14 հասցեում գտնվող նախկին Երևանի N 81 միջնակարգ դպրոցի շենքը՝ 862.8 քառ. մետր ընդհանուր մակերեսով, 53 898 449 դրամ կադաստրային արժեքով, կաթսայատունը՝ 48.3 քառ. մետր ընդհանուր մակերեսով, 2 851 988 դրամ կադաստրային արժեքով, օժանդակ շինությունը՝ 30 քառ. մետր ընդհանուր մակերեսով, 1 769 672 դրամ կադաստրային արժեքով, և 0.2582 հեկտար մակերեսով հողատարածքը (անշարժ գույքի նկատմամբ իրավունքների պետական գրանցման վկայականը՝ N 07062013-01-0005) նվիրաբերել Երևանի համայնքին՝ այդ շենքերում նախադպրոցական կրթություն (մանկապարտեզ) և (կամ) արտադպրոցական դաստիարակություն (երաժշտական, սպորտի, արվեստի դպրոց և այլն) կազմակերպելու նպատակով:
2. Հայաստանի Հանրապետության կառավարությանն առընթեր պետական գույքի կառավարման վարչության պետին` Երևանի քաղաքապետի հետ համատեղ սույն որոշումն ուժի մեջ մտնելուց հետո մեկամսյա ժամկետում ապահովել սույն որոշման 1-ին կետում նշված գույքի հանձնման-ընդունման աշխատանքների կատարումը, նվիրաբերության պայմանագրերի կնքումը` պայմանագրի նոտարական վավերացման և գույքային իրավունքների պետական գրանցումն իրականացնելով Երևանի համայնքի միջոցների հաշվին:
|
Հայաստանի Հանրապետության |
Կ. Կարապետյան |
|
2018 թ. փետրվարի 6 Երևան |