ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
Հ Ր Ա Մ Ա Ն Ա Գ Ի Ր Ը
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻՆ ԱՌԸՆԹԵՐ ԱԶԳԱՅԻՆ ԱՆՎՏԱՆԳՈՒԹՅԱՆ ԽՈՐՀՐԴԻ ՄԱՍԻՆ
Հայաստանի Հանրապետության անվտանգությունն ապահովելու, ազգային շահերի պաշտպանության գործն արդյունավետ իրականացնելու նպատակով և ղեկավարվելով Հայաստանի Հանրապետության Սահմանադրության 49 հոդվածով և 55 հոդվածի 6-րդ կետով, որոշում եմ.
1. Ստեղծել Հայաստանի Հանրապետության Նախագահին առընթեր ազգային անվտանգության խորհուրդ:
2. Հաստատել Հայաստանի Հանրապետության Նախագահին առընթեր ազգային անվտանգության խորհրդի հետևյալ կազմը`
Հայաստանի Հանրապետության Նախագահ (խորհրդի նախագահ)
Հայաստանի Հանրապետության Ազգային ժողովի նախագահ
Հայաստանի Հանրապետության վարչապետ
Հայաստանի Հանրապետության սահմանադրական դատարանի նախագահ
Հայաստանի Հանրապետության ներքին գործերի և ազգային անվտանգության նախարար
Հայաստանի Հանրապետության պաշտպանության նախարար
Հայաստանի Հանրապետության արտաքին գործերի նախարար
3. Գաղտնի:
4. Հայաստանի Հանրապետության Նախագահին առընթեր ազգային անվտանգության խորհրդի քարտուղարի պարտականությունները ժամանակավորապես դնել Հայաստանի Հանրապետության Նախագահի աշխատակազմի ղեկավար Ալեքսան ՀԱՐՈՒԹՅՈՒՆՅԱՆԻ վրա:
5. Ուժը կորցրած ճանաչել Հայաստանի Հանրապետության Նախագահի`
- 1991 թվականի դեկտեմբերի 13-ի «Հայաստանի Հանրապետության Նախագահին առընթեր ազգային անվտանգության խորհրդի մասին» ՆՀ-33 հրամանագիրը.
- 1992 թվականի սեպտեմբերի 11-ի «Հայաստանի Հանրապետության Նախագահին առընթեր ազգային անվտանգության խորհրդի կազմը համալրելու մասին» ՆՀ-154 հրամանագիրը.
- 1994 թվականի օգոստոսի 4-ի «Հայաստանի Հանրապետության անվտանգության խորհրդի կանոնադրությունը հաստատելու մասին» ՆԿ-83 կարգադրության 1-ին կետը:
6. Հրամանագիրն ուժի մեջ է մտնում ստորագրման պահից:
|
Հայաստանի Հանրապետության Նախագահ |
Ռ. Քոչարյան |
|
|