«Գրանցված է»

ՀՀ արդարադատության

նախարարության կողմից

11 սեպտեմբերի 2017 թ.

Պետական գրանցման թիվ 05017371

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

1 սեպտեմբերի 2017 թ.

թիվ 193-Ն

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2016 ԹՎԱԿԱՆԻ ՆՈՅԵՄԲԵՐԻ 8-Ի ԹԻՎ 194-Ն ՈՐՈՇՄԱՆ ՄԵՋ ԼՐԱՑՈՒՄ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Նպատակ ունենալով հստակեցնել ոչ հրապարակային պայմանագրային ներդրումային ֆոնդերի առցանց գրանցման արդյունքում տրվող կանոնների գրանցման վկայականում նշվող տեղեկությունները, ինչպես նաև ավելի օգտակար և հասանելի դարձնել այդ փաստաթուղթը օտարերկրյա ներդրողների համար,

ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով և «Իրավական ակտերի մասին» Հայաստանի Հանրապետության օրենքի 16-րդ հոդվածով և 70-րդ հոդվածի 1-ին մասով` Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի խորհրդի 2016 թվականի նոյեմբերի 8-ի ««Ոչ հրապարակային պայմանագրային ներդրումային ֆոնդի կանոնների առցանց գրանցման ընթացակարգ» կանոնակարգ 10/29-ը հաստատելու, Հայաստանի Հանրապետության կենտրոնական բանկի խորհրդի 2011 թվականի մայիսի 2-ի թիվ 117-Ն որոշման մեջ լրացում կատարելու, Հայաստանի Հանրապետության կենտրոնական բանկի խորհրդի 2012 թվականի հոկտեմբերի 16-ի թիվ 272-Ն որոշման մեջ լրացումներ կատարելու և Հայաստանի Հանրապետության կենտրոնական բանկի խորհրդի 2016 թվականի փետրվարի 16-ի թիվ 19-Ն որոշման մեջ լրացում կատարելու մասին» թիվ 194-Ն որոշմամբ հաստատված «Ոչ հրապարակային պայմանագրային ներդրումային ֆոնդի կանոնների առցանց գրանցման ընթացակարգ» կանոնակարգ 10/29-ում (այսուհետ՝ կանոնակարգ) կատարել հետևյալ լրացումը և փոփոխությունները.

1) Կանոնակարգի 22-րդ կետը «նախատեսված փաստաթղթերի, պետք է ներկայացնի» բառերից հետո լրացնել ««Ներդրումային ֆոնդերի մասին» Հայաստանի Հանրապետության օրենքով սահմանված կարգով ֆոնդի կառավարման լիցենզիան և (կամ) «Իրավաբանական անձանց պետական գրանցման, իրավաբանական անձանց առանձնացված ստորաբաժանումների, հիմնարկների և անհատ ձեռնարկատերերի հաշվառման մասին» Հայաստանի Հանրապետության օրենքով սահմանված իրավաբանական անձի գրանցման վկայականի համարը կամ գրանցման համարը և (կամ)» բառերով,

2) Կանոնակարգի Հավելված 4-ը շարադրել նոր խմբագրությամբ՝ համաձայն սույն որոշման Հավելված 1-ի (կցվում է),

3) Կանոնակարգի Հավելված 5-ը շարադրել նոր խմբագրությամբ՝ համաձայն սույն որոշման Հավելված 2-ի (կցվում է):

2. Մինչև սույն որոշման ուժի մեջ մտնելը գրանցված ներդրումային ֆոնդերին տրամադրվում է սույն որոշման Հավելված 1-ով և Հավելված 2-ով սահմանված գրանցման վկայականներ՝ որոշումն ուժի մեջ մտնելու օրվանից 10 աշխատանքային օրվա ընթացքում:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՀՀ կենտրոնական բանկի նախագահի տեղակալ	Ն. Երիցյան
2017 թ. սեպտեմբերի 5 Երևան

Հավելված 1 Հաստատված է Հայաստանի Հանրապետության կենտրոնական բանկի խորհրդի 2017 թվականի սեպտեմբերի 1-ի թիվ 193-Ն որոշմամբ

«Հավելված 4 «Ոչ հրապարակային պայմանագրային ներդրումային ֆոնդի կանոնների առցանց գրանցման ընթացակարգ» կանոնակարգ 10/29-ի

	Գրանցման Վկայական «————» ———թ. № պայմանագրային ներդրումային ֆոնդի կանոնների առցանց հեռակա եղանակով	CERTIFICATE OF REGISTRATION “————” № of contractual investment fund rules via online remote procedure	Свидетельство о регистрации “————” № правил паевого инвестиционного фонда онлайн дистанционным режимом
	Գրանցվել է ՀՀ կենտրոնական բանկի խորհրդի ——-թ թիվ ——— որոշմամբ	Registered by the Board of the Central Bank of the Republic of Armenia Board decision _____ №____	Зарегистрирован решением Совета Центрального Банка Республики Армения от _____ №____
	համաձայն "Ներդրումային ֆոնդերի մասին" ՀՀ օրենքի 21-րդ հոդվածի	according to article 21 of the Republic of Armenia Law “On Investment Funds”	согласно статье 21 Закона Республики Армения “Об инвестиционных фондах”

_____________________________________»:

(ստորագրություն / signature / подпись)

Հավելված 2 Հաստատված է Հայաստանի Հանրապետության կենտրոնական բանկի խորհրդի 2017 թվականի սեպտեմբերի 1-ի թիվ 193-Ն որոշմամբ

«Հավելված 5 «Ոչ հրապարակային պայմանագրային ներդրումային ֆոնդի կանոնների առցանց գրանցման ընթացակարգ» կանոնակարգ 10/29-ի

	Գրանցման Վկայական «————» ———թ. № պայմանագրային ներդրումային ֆոնդի կանոնների առցանց կենտրոնացված եղանակով	CERTIFICATE OF REGISTRATION “————” № of contractual investment fund rules via online centralized procedure	Свидетельство о регистрации “————” № правил паевого инвестиционного фонда онлайн централизованным режимом
	Գրանցվել է ՀՀ կենտրոնական բանկի խորհրդի ——-թ թիվ ——— որոշմամբ	Registered by the Board of the Central Bank of the Republic of Armenia Board decision _____ №____	Зарегистрирован решением Совета Центрального Банка Республики Армения от _____ №____
	համաձայն "Ներդրումային ֆոնդերի մասին" ՀՀ օրենքի 21-րդ հոդվածի	according to article 21 of the Republic of Armenia Law “On Investment Funds”	согласно статье 21 Закона Республики Армения “Об инвестиционных фондах”

 _________________________________________________________________________________

_____________________________________»:

(ստորագրություն / signature / подпись)