«Գրանցված է»
ՀՀ արդարադատության
նախարարության կողմից
9 հունիսի 2017 թ.
Պետական գրանցման թիվ 60017233

ՊԵՏԱԿԱՆ ԵՎ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐԻՆ ԻՆՏԵՐՆԵՏ ՀԱՍԱՆԵԼԻՈՒԹՅԱՆ ՀԱՆՐԱՅԻՆ ԷԼԵԿՏՐՈՆԱՅԻՆ ՀԱՂՈՐԴԱԿՑՈՒԹՅԱՆ ԾԱՌԱՅՈՒԹՅՈՒՆՆԵՐ ՄԱՏՈՒՑՈՂ ԱՆՁԱՆՑ ՆԵՐԿԱՅԱՑՎՈՂ ՊԱՀԱՆՋՆԵՐ ՍԱՀՄԱՆԵԼՈՒ ՄԱՍԻՆ

Հիմք ընդունելով «Էլեկտրոնային հաղորդակցության մասին» Հայաստանի Հանրապետության օրենքի 1-ին հոդվածի 1-ին մասի 4-րդ կետը, 5-րդ հոդվածի 1-ին մասի 1-ին կետի «ա» ենթակետը, 2-րդ կետի «ը», «ժ», «իե» և «իէ» ենթակետերը, 54-րդ հոդվածի 2-րդ մասի 16-րդ կետը՝ Հայաստանի Հանրապետության հանրային ծառայությունները կարգավորող հանձնաժողովը (այսուհետ՝ Հանձնաժողով) որոշում է.

1. Սահմանել, որ պետական և տեղական ինքնակառավարման մարմիններին ինտերնետ հասանելիության հանրային էլեկտրոնային հաղորդակցության ծառայություններ մատուցող անձը՝

1) պետական և տեղական ինքնակառավարման մարմիններին ինտերնետ հասանելիության ծառայություններ մատուցելու ընթացքում ապահովում է Հայաստանի Հանրապետության կառավարության 2016 թվականի հոկտեմբերի 20-ի N 1069-Ն որոշման դրույթներին համապատասխան՝ «ծառայության ժխտում/բաշխված ծառայությունների ժխտում» (ԴՈՍ/ԴԴՈՍ (DՕS/DDՕS) (այսուհետ՝ «ԴՈՍ») հարձակումներից պաշտպանված ինտերնետ կապ.

2) տարվա յուրաքանչյուր կիսամյակի համար՝ մինչև հաշվետու կիսամյակին հաջորդող ամսվա 25-ը Հանձնաժողով է ներկայացնում լրացված և ստորագրված հաշվետվություն սույն որոշման 1-ին կետի 1-ին ենթակետով սահմանված պահանջի կատարման վերաբերյալ՝ համաձայն սույն որոշման հավելվածի՝ փոխօգնության կարգով Հայաստանի Հանրապետության տրանսպորտի, կապի և տեղեկատվական տեխնոլոգիաների նախարարությանը տրամադրելու նպատակով.

3) սույն կետի 2-րդ ենթակետով նախատեսված հաշվետվությունը Հանձնաժողով է ներկայացնում առձեռն, փոստով կամ էլեկտրոնային փոստով` ուղեկցող գրությամբ: Էլեկտրոնային փոստով ուղարկելու դեպքում՝ հաշվետվություն ներկայացնող անձը ներբեռնում է այդ հաշվետվության ձևը Հանձնաժողովի պաշտոնական ինտերնետային կայքից (www.psrc.am), լրացված և ստորագրված հաշվետվության, ինչպես նաև ուղեկցող գրության սկանավորված տարբերակներն ուղարկում է Հանձնաժողովի պաշտոնական ինտերնետային կայքում (www.psrc.am) նշված համապատասխան էլեկտրոնային փոստի հասցեով:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը։

______թվականի______կիսամյակ

________________________________________________________________________

(ծառայություն մատուցող անձի անվանումը / անուն, ազգանուն)

1. «Պետական կամ տեղական ինքնակառավարման մարմնի անվանումը» սյունակը լրացնելիս՝ պետական կամ տեղական ինքնակառավարման մարմնի ենթակայությամբ գործող առանձնացված ստորաբաժանումը նշվում է առանձին, եթե այդ ստորաբաժանմանն ինտերնետ կապը տրամադրվում է առանձին պայմանագրով:

 Կ.Տ.

 (առկայության դեպքում)