ՄԱՔՍԱՅԻՆ ՄԻՈՒԹՅԱՆ ՀԱՆՁՆԱԺՈՂՈՎԻ` ԱՌԱՆՁԻՆ ՏԵՍԱԿԻ ԾՈՎԱՅԻՆ ՆԱՎԵՐԻ ՆԿԱՏՄԱՄԲ ՈՐՈՇ ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

«Եվրասիական տնտեսական միության մասին» 2014 թվականի մայիսի 29–ի պայմանագրի 43 եւ 45-րդ հոդվածներին եւ Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված` Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 7-րդ կետին համապատասխան` Եվրասիական տնտեսական հանձնաժողովի խորհուրդը որոշեց.

1. «Բելառուսի Հանրապետության, Ղազախստանի Հանրապետության եւ Ռուսաստանի Դաշնության Մաքսային միության միասնական մաքսասակագնային կարգավորման մասին» Մաքսային միության հանձնաժողովի 2009 թվականի նոյեմբերի 27-ի թիվ 130 որոշման 7.1.10-րդ ենթակետը շարադրել հետեւյալ խմբագրությամբ՝

«7.1.10. Եվրասիական տնտեսական միության անդամ-պետության նավերի ռեեստրում գրանցված, Եվրասիական տնտեսական միության անդամ-պետություններից մեկի դրոշի ներքո լողացող, Եվրասիական տնտեսական միության տարածք ներմուծվող եւ «Բացթողում՝ ներքին սպառման համար» մաքսային ընթացակարգով մինչեւ 2018 թվականի հունվարի 1-ը ներառյալ ձեւակերպվող ձկնորսական նավեր, լողացող բազաներ եւ ձկնամթերքների վերամշակման ու պահածոյացման համար նախատեսված այլ ծովային նավեր (ԵԱՏՄ ԱՏԳ ԱԱ 8902 00 100 0 ծածկագիր)՝ պայմանով, որ մաքսային հայտարարագրման ժամանակ կներկայացվեն Եվրասիական տնտեսական միության անդամ-պետության նավերի ռեեստրում դրանց գրանցումը հաստատող փաստաթղթերը,»:

2. Մաքսային միության 2011 թվականի հուլիսի 15-ի թիվ 728 որոշմամբ հաստատված՝ Մաքսային միության միասնական մաքսային տարածք ապրանքների առանձին կատեգորիաներ ներմուծելու դեպքում մաքսատուրքերի վճարումից ազատման կարգում կատարել հետեւյալ փոփոխությունները՝

ա) 11-րդ կետը ուժը կորցրած ճանաչել,

բ) 15-րդ կետում «7.1.8, 7.1.9» թվերը փոխարինել 7.1.8- 7.1.10» թվերով:

3. Սույն Որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի խորհրդի անդամներ՝

Հայաստանի Հանրապետությունից	Բելառուսի Հանրապետությունից	Ղազախստանի Հանրապետությունից	Ղրղզստանի Հանրապետությունից	Ռուսաստանի Դաշնությունից
Վ. Գաբրիելյան	Վ. Մատյուշևսկի	Բ. Սագինտաև	Օ. Պանկրատով	Ի. Շուվալով

Պաշտոնական հրապարակման օրը՝ 22 հունիսի 2022 թվական: