ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

30 նոյեմբերի 2016 թվականի N 1128-Ա

ՊԱՏՎԻՐԱԿՈՒԹՅԱՆ` ՎՐԱՍՏԱՆ ԳՈՐԾՈՒՂՄԱՆ ԾԱԽՍԵՐԻ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Տեղական տնտեսության և ենթակառուցվածքների զարգացման ծրագրի շրջանակներում փորձի փոխանակման և իրականացվելիք ծրագրի նախապատրաստական աշխատանքների արդյունավետությունը բարձրացնելու համար պատվիրակության՝ համաձայն հավելվածի, 2016 թվականի հոկտեմբերի 28-31-ը Վրաստան գործուղման հետ կապված ծախսերը, մասնավորապես, Արթուր Խաչատրյանինը, կատարել Հայաստանի Հանրապետության 2016 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

2. Ընդունել ի գիտություն, որ Զարմինե Զեյթունցյանի, Կարէն Մկրտիչեանի և Արտակ Պողոսյանի` Վրաստան գործուղման հետ կապված ծախսերը կատարվել են Հայաստանի զարգացման հիմնադրամի միջոցների հաշվին:

3. Հայաստանի Հանրապետության տնտեսական զարգացման և ներդրումների նախարարին՝ ապահովել եռօրյա ժամկետում Զարմինե Զեյթունցյանի՝ Վրաստան գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ ներկայացնելը:

Հայաստանի Հանրապետության վարչապետ	Կ. Կարապետյան
2016 թ. նոյեմբերի 30 Երևան

Հավելված ՀՀ վարչապետի 2016 թ. նոյեմբերի 30-ի N 1128-Ա որոշման

Կ Ա Զ Մ

2016 ԹՎԱԿԱՆԻ ՀՈԿՏԵՄԲԵՐԻ 28-31-ը ՎՐԱՍՏԱՆ ՄԵԿՆՈՂ ՊԱՏՎԻՐԱԿՈՒԹՅԱՆ

Զ. Զեյթունցյան	-ՀՀ տնտեսական զարգացման և ներդրումների նախարարության զբոսաշրջության պետական կոմիտեի նախագահի պաշտոնակատար (պատվիրակության ղեկավար)
Ա. Խաչատրյան	-ՀՀ տարածքային կառավարման և զարգացման նախարարի տեղակալ
Կ. Մկրտիչեան	-Հայաստանի զարգացման հիմնադրամի գործադիր տնօրենի պաշտոնակատար (համաձայնությամբ)
Ա. Պողոսյան	-Հայաստանի զարգացման հիմնադրամի ծրագրերի կառավարման և ֆինանսատնտեսագիտական բաժնի ղեկավար (համաձայնությամբ)

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան