ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

21 հուլիսի 2016 թվականի N 767-Ն

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2003 թվականի մարտի 7-ի «Ջրային ռեսուրսների կառավարման և պահպանության մարմնի կողմից մշակված փաստաթղթերին հասարակայնության ծանուցման և հրապարակայնության կարգը հաստատելու մասին» N 217-Ն որոշման մեջ կատարել հետևյալ լրացումները և փոփոխությունները`

1) կարգի 4-րդ կետի առաջին պարբերությունը «միջոցները» բառից հետո լրացնել «և Հայաստանի Հանրապետության բնապահպանության նախարարության պաշտոնական կայքը՝ www.mnp.am» բառերով.

2) կարգի 6-րդ կետը «հրապարակվել են» բառերից հետո լրացնել «և նույն կայքում, որտեղ դրանք տեղադրվել են:» բառերով.

3) կարգի 8-րդ կետով սահմանված հասարակայնության ծանուցման ձևում՝

ա. «կամ Մոսկովյան 35, 2-րդ հարկ, Օրհուսի սենյակ» բառերը հանել,

բ. «Հասարակայնության կողմից փաստաթղթի նախնական տարբերակի լսումը տեղի կունենա» բառերը փոխարինել «Ծանուցմամբ ներկայացրած փաստաթղթի նախագծի նախնական տարբերակի վերաբերյալ դիտողություններ և առաջարկություններ ներկայացնելու դեպքում փաստաթղթի քննարկումը տեղի կունենա» բառերով:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Հ. Աբրահամյան
2016 թ. հուլիսի 26 Երևան