ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

6 ապրիլի 2016 թվականի N 359-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍԱՀՄԱՆԱԴՐՈՒԹՅՈՒՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԱՐԴՅՈՒՆՔՈՒՄ ԸՆԴՈՒՆՄԱՆ, ՓՈՓՈԽՄԱՆ ԿԱՄ ԼՐԱՑՄԱՆ ԵՆԹԱԿԱ ՕՐԵՆՔՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության Սահմանադրության 209-րդ, 210-րդ հոդվածները և ղեկավարվելով Հայաստանի Հանրապետության Նախագահի 2016 թվականի փետրվարի 10-ի ՆՀ-170-Ա հրամանագրի 5-րդ կետի 3-րդ ենթակետի պահանջներով` Հայաստանի Հանրապետության կառավարությունը որոշում է.

Հաստատել Հայաստանի Հանրապետության Սահմանադրությունում փոփոխություններ կատարելու արդյունքում ընդունման, փոփոխման կամ լրացման ենթակա օրենքների ցանկը` համաձայն հավելվածի:

Հայաստանի Հանրապետության վարչապետ	Հ. Աբրահամյան
2016 թ. ապրիլի 8 Երևան

Հավելված ՀՀ կառավարության 2016 թվականի ապրիլի 6-ի N 359-Ա որոշման

Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍԱՀՄԱՆԱԴՐՈՒԹՅՈՒՆՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԱՐԴՅՈՒՆՔՈՒՄ ԸՆԴՈՒՆՄԱՆ, ՓՈՓՈԽՄԱՆ ԿԱՄ ԼՐԱՑՄԱՆ ԵՆԹԱԿԱ ՕՐԵՆՔՆԵՐԻ ՑԱՆԿ

NN ը/կ	Փոփոխվող կամ նոր ընդունվող իրավական ակտերը	Պատասխանատու կատարողը	ՀՀ կառավարություն ներկայացնելու ժամկետը	ՀՀ Սահմանադրության համապատասխան դրույթներ, որոնց հիման վրա կատարվում է փոփոխությունը
1.	«Մարդու արյան և դրա բաղադրամասերի դոնորության և փոխներարկումային բժշկական օգնության մասին» ՀՀ օրենքում փոփոխություններ և լրացումներ կատարելու մասին» ՀՀ օրենքի նախագիծ	ՀՀ առողջապահության նախարարություն	մինչև 2016 թվականի հունիսի 3-րդ տասնօրյակ	25 3-րդ մաս
2.	«Ոստիկանության մասին» ՀՀ օրենքում փոփոխություններ և լրացումներ կատարելու մասին» ՀՀ օրենքի նախագիծ	ՀՀ կառավարությանն առընթեր ՀՀ ոստիկանություն	մինչև 2016 թվականի հուլիսի 1-ին տասնօրյակ	25 1-ին և 2-րդ մասեր
3.	«Արտակարգ իրավիճակներում բնակչության պաշտպանության մասին» ՀՀ օրենքում փոփոխություններ և լրացումներ կատարելու մասին» ՀՀ օրենքի նախագիծ	ՀՀ արտակարգ իրավիճակների նախարարություն ՀՀ արդարադատության նախարարություն	մինչև 2016 թվականի հուլիսի 1-ին տասնօրյակ	60 4-րդ և 5-րդ մասեր
4.	«Մարդուն օրգաններ և (կամ) հյուսվածքներ փոխպատվաստելու մասին» ՀՀ օրենքում փոփոխություններ և լրացումներ կատարելու մասին» ՀՀ օրենքի նախագիծ	ՀՀ առողջապահության նախարարություն	մինչև 2016 թվականի հուլիսի 3-րդ տասնօրյակ	25 3-րդ մաս
5.	«Վարչական իրավախախտումների վերաբերյալ ՀՀ օրենսգրքում» փոփոխություններ և լրացումներ կատարելու մասին» ՀՀ օրենքի նախագիծ	ՀՀ արդարադատության նախարարություն	մինչև 2016 թվականի օգոստոսի 3-րդ տասնօրյակ	27 1-ին մաս
6.	«ՀՀ քրեական օրենսգրքում փոփոխություններ և լրացումներ կատարելու մասին» ՀՀ օրենքի նախագիծ	ՀՀ առողջապահության նախարարություն ՀՀ արդարադատության նախարարություն	մինչև 2016 թվականի հոկտեմբերի 3-րդ տասնօրյակ	25 3-րդ մաս
7.	«ՀՀ ջրային օրենսգրքում փոփոխություններ և լրացումներ կատարելու մասին» ՀՀ օրենքի նախագիծ	ՀՀ բնապահպանության նախարարություն	մինչև 2017 թվականի հոկտեմբերի 1-ին տասնօրյակ	10 2-րդ մաս
8.	«Ահաբեկչության դեմ պայքարի մասին» ՀՀ օրենքում փոփոխություններ և լրացումներ կատարելու մասին» ՀՀ օրենքի նախագիծ	ՀՀ արդարադատության նախարարություն	մինչև 2017 թվականի դեկտեմբերի 1-ին տասնօրյակ	146
9.	«Պետական և ծառայողական գաղտնիքի մասին» ՀՀ օրենքում փոփոխություններ և լրացումներ կատարելու մասին» ՀՀ օրենքի նախագիծ	ՀՀ արդարադատության նախարարություն	մինչև 2017 թվականի դեկտեմբերի 1-ին տասնօրյակ	132
10.	«Խաղաղ նպատակներով ատոմային էներգիայի անվտանգ օգտագործման մասին» ՀՀ օրենքում փոփոխություններ կատարելու մասին» ՀՀ օրենքի նախագիծ	ՀՀ կառավարությանն առընթեր միջուկային կարգավորման պետական կոմիտե	մինչև 2017 թվականի դեկտեմբերի 1-ին տասնօրյակ	146, 159
11.	«Ագրարային պետական տեսչությունների մասին» ՀՀ օրենքում փոփոխություններ և լրացումներ կատարելու մասին» ՀՀ օրենքի նախագիծ	ՀՀ գյուղատնտեսության նախարարություն	մինչև 2017 թվականի դեկտեմբերի 1-ին տասնօրյակ	146, 159

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան