ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ ԽՈՐՀՈՒՐԴ

Ո Ր Ո Շ ՈՒ Մ

23 ապրիլի 2015 թվականի

թիվ 39

քաղ. Մոսկվա

«ՃԱՐՊԱՅՈՒՂԱՅԻՆ ԱՐՏԱԴՐԱՆՔԻ ՏԵԽՆԻԿԱԿԱՆ ԿԱՆՈՆԱԿԱՐԳ» ՄԱՔՍԱՅԻՆ ՄԻՈՒԹՅԱՆ ՏԵԽՆԻԿԱԿԱՆ ԿԱՆՈՆԱԿԱՐԳՈՒՄ (ՄՄ ՏԿ 024/2011) ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՎԵՐԱԲԵՐՅԱԼ

«Եվրասիական տնտեսական միության մասին» պայմանագրի 52-րդ հոդվածին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված Եվրասիական տնտեսական հանձնաժողովի աշխատանքի վերաբերյալ կանոնակարգի թիվ 1 հավելվածի 29-րդ կետին համապատասխան՝ Եվրասիական տնտեսական հանձնաժողովի խորհուրդը որոշեց.

1. Մաքսային միության հանձնաժողովի 2011 թվականի դեկտեմբերի 9–ի թիվ 883 որոշմամբ հաստատված «Ճարպայուղային արտադրանքի տեխնիկական կանոնակարգում» (ՄՄ ՏԿ 024/2011) կատարել փոփոխություններ՝ հավելվածի համաձայն։

2. Սույն Որոշումն ուժի մեջ է մտնում դրա պաշտոնական հրապարակման օրվանից 6 ամիսը լրանալուց հետո։

Եվրասիական տնտեսական հանձնաժողովի խորհրդի անդամներ՝

Հայաստանի Հանրապետությունից	Բելառուսի Հանրապետությունից	Ղազախստանի Հանրապետությունից	Ռուսաստանի Դաշնությունից
Վ. Գաբրիելյան	Վ. Մատյուշևսկի	Բ. Սագինտաև	Ի. Շուվալով

ՀԱՎԵԼՎԱԾ Եվրասիական տնտեսական հանձնաժողովի խորհրդի 2015 թվականի ապրիլի 23-ի թիվ 39 որոշման

«ՃԱՐՊԱՅՈՒՂԱՅԻՆ ԱՐՏԱԴՐԱՆՔԻ ՏԵԽՆԻԿԱԿԱՆ ԿԱՆՈՆԱԿԱՐԳ» (ՄՄ ՏԿ 024/2011) ՄԱՔՍԱՅԻՆ ՄԻՈՒԹՅԱՆ ՏԵԽՆԻԿԱԿԱՆ ԿԱՆՈՆԱԿԱՐԳՈՒՄ ԿԱՏԱՐՎՈՂ

ՓՈՓՈԽՈՒԹՅՈՒՆՆԵՐ

1. Հանել «Բովանդակություն» բաժինը:

2. [1-ին գլխի 1-ին կետի փոփոխությունները վերաբերում են միայն ռուսերենին]:

3. 5–րդ հոդվածի 3–րդ կետի՝

ա) 2-րդ ենթակետի «սահմանման մեջ շարադրված, սույն տեխնիկական կանոնակարգի 3-րդ հոդվածով և 3-րդ և 4-րդ հավելվածներով սահմանված» բառերը փոխարինել «սահմանումների մեջ նշված, սույն տեխնիկական կանոնակարգի 2-րդ և 3-րդ հոդվածներով և դրան կից 3-րդ և 4-րդ հավելվածներով նախատեսված» բառերով.

բ) 4-րդ ենթակետի առաջին նախադասության մեջ «սահմանման մեջ շարադրված, սույն տեխնիկական կանոնակարգի 3-րդ հոդվածով և 3-րդ հավելվածով սահմանված» բառերը փոխարինել «սահմանումների մեջ նշված, սույն տեխնիկական կանոնակարգի 2-րդ և 3-րդ հոդվածներով և դրան կից 3-րդ հավելվածով նախատեսված» բառերով:

4. 8-րդ հոդվածի՝

ա) երկրորդ պարբերության առաջին նախադասության մեջ «3-րդ հոդվածում և 3-րդ, 4-րդ հավելվածներում նշված, հասկացությունների հիման վրա ձևակերպվող մթերքի անվանման մեջ» բառերը փոխարինել «սույն տեխնիկական կանոնակարգի 2-րդ և 3-րդ հոդվածներով և դրան կից 3-րդ և 4-րդ հավելվածներով նախատեսված, հասկացությունների հիման վրա ձևակերպվող մթերքների անվանումների մեջ» բառերով.

բ) 1-ին կետի առաջին նախադասության մեջ «3-րդ հոդվածով սահմանված անվանմանը» բառերը փոխարինել «2-րդ և 3-րդ հոդվածներով նախատեսված սահմանումներին» բառերով.

գ) 2–րդ կետը շարադրել հետևյալ խմբագրությամբ՝

«2. Սննդային ճարպայուղային արտադրանքի բաղադրությունը:

Սննդային ճարպայուղային արտադրանքի բաղադրությունը նշելու պահանջ չի սահմանվում մեկ բաղադրիչից բաղկացած սննդամթերքի համար այն դեպքում, երբ սննդամթերքի անվանումը համընկնում է բաղադրիչի անվանման հետ:».

դ) 10-րդ կետի 4-րդ ենթակետի «բուրավետիչների» բառը փոխարինել «չկշռածրարված սննդային ճարպայուղային արտադրանքի համար բուրավետիչների» բառերով:

5. 19-րդ հոդվածի՝

ա) 1–ին կետը շարադրել հետևյալ խմբագրությամբ՝

«1. Ճարպայուղային արտադրանքի համապատասխանության գնահատման ժամանակ հայտատու կարող է լինել Մաքսային միության անդամ պետության տարածքում, դրա օրենսդրությանը համապատասխան գրանցված իրավաբանական անձը կամ անհատ ձեռնարկատեր հանդիսացող ֆիզիկական անձը, որը համարվում են արտադրող կամ վաճառող կամ արտադրողի կողմից լիազորված անձ։».

բ) 3-րդ կետը ուժը կորցրած ճանաչել:

6. [2-րդ հավելվածի անվանման հետ կապված փոփոխությունները վերաբերում են միայն ռուսերենին]: