ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

 9 մարտի 2016 թվականի N 125-Ա

ԱՂՎԱՆ ՀՈՎՍԵՓՅԱՆԻ, ԳՐԻԳՈՐ ՍԱՐԳՍՅԱՆԻ ԵՎ ԽԱՉԻԿ ԱԴՈՒՄՅԱՆԻ` ԱՄԵՐԻԿԱՅԻ ՄԻԱՑՅԱԼ ՆԱՀԱՆԳՆԵՐ ԳՈՐԾՈՒՂՄԱՆ ԾԱԽՍԵՐԻ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

Ամերիկայի Միացյալ Նահանգների արդարադատության դեպարտամենտի հետաքննությունների դաշնային բյուրոյի տնօրենի հետ «Անդրազգային կազմակերպված հանցավորության և պետական ոլորտում կոռուպցիայի մասին» թեմայի քննարկմանը մասնակցելու նպատակով Հայաստանի Հանրապետության քննչական կոմիտեի նախագահ Աղվան Հովսեփյանի, Հայաստանի Հանրապետության քննչական կոմիտեի քրեական գործերի աջակցության վարչության պետ Գրիգոր Սարգսյանի և թարգմանիչ Խաչիկ Ադումյանի՝ 2016 թվականի մարտի 17-23-ը Ամերիկայի Միացյալ Նահանգներ (Վաշինգտոն) գործուղման հետ կապված ծախսերը կատարել Հայաստանի Հանրապետության 2016 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

Հայաստանի Հանրապետության վարչապետ	Հ. Աբրահամյան
2016 թ. մարտի 9 Երևան