ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ ԽՈՐՀՈՒՐԴ

Ո Ր Ո Շ ՈՒ Մ

28 մայիսի 2015 թվականի

թիվ 37

քաղ. Աստանա

«ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՆԴԱՄ ՊԵՏՈՒԹՅՈՒՆՆԵՐՈՒՄ ԳՅՈՒՂԱՏՆՏԵՍՈՒԹՅԱՆ ՆՊԱՏԱԿՆԵՐՈՎ ՄԵՔԵՆԱՆԵՐԻ և ՍԱՐՔԱՎՈՐՈՒՄՆԵՐԻ ԱՐՏԱԴՐՈՒԹՅՈՒՆԸ ԶԱՐԳԱՑՆԵԼՈՒ ՀԱՄԱՐ ՊԱՅՄԱՆՆԵՐ ՍՏԵՂԾԵԼՈՒ ՄԱՍԻՆ» ԵՎՐԱՍԻԱԿԱՆ ՄԻՋԿԱՌԱՎԱՐԱԿԱՆ ԽՈՐՀՐԴԻ ՈՐՈՇՄԱՆ ՆԱԽԱԳԾԻ ՎԵՐԱԲԵՐՅԱԼ

Եվրասիական տնտեսական հանձնաժողովի խորհուրդը որոշեց.

1. Հավանություն տալ «Եվրասիական տնտեսական միության անդամ պետություններում գյուղատնտեսության նպատակներով մեքենաների և սարքավորումների արտադրությունը զարգացնելու համար պայմաններ ստեղծելու մասին» Եվրասիական միջկառավարական խորհրդի որոշման նախագծին (կցվում է) և այն ներկայացնել Եվրասիական միջկառավարական խորհրդի քննարկմանը:

2. Սույն Որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի խորհրդի անդամներ՝

ԵՎՐԱՍԻԱԿԱՆ ՄԻՋԿԱՌԱՎԱՐԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

« » -ի 20 թվականի

թիվ

քաղ.

ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՆԴԱՄ ՊԵՏՈՒԹՅՈՒՆՆԵՐՈՒՄ ԳՅՈՒՂԱՏՆՏԵՍՈՒԹՅԱՆ ՆՊԱՏԱԿՆԵՐՈՎ ՄԵՔԵՆԱՆԵՐԻ և ՍԱՐՔԱՎՈՐՈՒՄՆԵՐԻ ԱՐՏԱԴՐՈՒԹՅՈՒՆԸ ԶԱՐԳԱՑՆԵԼՈՒ ՀԱՄԱՐ ՊԱՅՄԱՆՆԵՐ ՍՏԵՂԾԵԼՈՒ ՄԱՍԻՆ

Հիմնվելով Եվրասիական տնտեսական միության անդամ պետություններում (այսուհետ՝ անդամ պետություններ) գյուղատնտեսության նպատակներով մեքենաների և սարքավորումների արտադրության վիճակի վերլուծության արդյունքների վրա, գիտակցելով գյուղատնտեսության նպատակներով մեքենաների և սարքավորումների արտադրության ոլորտում անդամ պետությունների միջև արդյունաբերական, գիտատեխնիկական և նորարարական համագործակցության զարգացման համար պայմաններ ստեղծելու կարևորությունը՝ Եվրասիական միջկառավարական խորհուրդը որոշեց.

1. Անդամ պետություններին՝ Եվրասիական տնտեսական հանձնաժողովի հետ համատեղ մինչև 2015 թվականի նոյեմբերի 1-ը մշակել և Եվրասիական միջկառավարական խորհրդի քննարկմանը ներկայացնել Եվրասիական միջկառավարական խորհրդի որոշումների նախագծեր, որոնցով նախատեսվում է՝

անդամ պետություններում երրորդ երկրներում արտադրվող գյուղատնտեսության նպատակներով մեքենաների և սարքավորումների կոմպլեկտավորող տարրերի անալոգների արտադրության կազմակերպմանն ուղղված միջոցառումների մշակում.

Առևտրի համաշխարհային կազմակերպության նորմերին և կանոններին համապատասխանող անդամ պետությունների՝ գյուղատնտեսության նպատակներով մեքենաների և սարքավորումների դեպի երրորդ պետությունների շուկաներ արտահանումը զարգացնելուն ուղղված միջոցառումների մշակում, այդ թվում՝ գյուղատնտեսության նպատակներով մեքենաների և սարքավորումների արտահանման համար ֆինանսական աջակցության միջոցներ:

2. Եվրասիական տնտեսական հանձնաժողովի կոլեգիային՝ անդամ պետությունների կողմից համաձայնեցված առաջարկների հիման վրա մինչև 2015 թվականի նոյեմբերի 1-ը Եվրասիական տնտեսական հանձնաժողովի խորհրդի քննարկմանը ներկայացնել Եվրասիական տնտեսական հանձնաժողովի խորհրդի հանձնարարականի նախագիծը, որով նախատեսվում է՝

Եվրասիական տնտեսական միության տարածքում արտադրված գյուղատնտեսության նպատակներով մեքենաների և սարքավորումների պահանջարկի խթանում, մասնավորապես, գյուղատնտեսության նպատակներով մեքենաների և սարքավորումների լիզինգի մեխանիզմը զարգացնելու միջոցով.

Եվրասիական տնտեսական միության տարածքում գյուղատնտեսության նպատակներով մեքենաների և սարքավորումների կիրառման տնտեսական արդյունավետության չափանիշների մշակում՝ անդամ պետություններում դրանց կիրառության արդյունավետությունը բարձրացնելու համար պայմաններ ստեղծելու նպատակով:

Եվրասիական միջկառավարական խորհրդի անդամներ՝

Հայաստանի Հանրապետությունից

Բելառուսի Հանրապետությունից

Ղազախստանի Հանրապետությունից

Ռուսաստանի Դաշնությունից