ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 17 դեկտեմբերի 2015 թվականի N 1491-Ա

ԱՎԻԱՏՈՄՍԵՐԻ ՁԵՌՔԲԵՐՄԱՆ ՄԱՍԻՆ

Հիմք ընդունելով Հայաստանի Հանրապետության կառավարության 2011 թվականի փետրվարի 10-ի N 168-Ն որոշման N 1 հավելվածի 3-րդ կետը՝ Հայաստանի Հանրապետության կառավարությունը որոշում է.

1. Հաստատել 10,183,288 դրամի ավիատոմսերի գնման գործարքների ցանկը՝ համաձայն հավելվածի:

2. Սահմանել, որ սույն որոշման հավելվածում ներկայացված գնման գործարքների վրա չեն տարածվում Հայաստանի Հանրապետության կառավարության 2011 թվականի փետրվարի 10-ի «Գնումների գործընթացի կազմակերպման մասին» N 168-Ն որոշման N 1 հավելվածի 74-րդ և 75-րդ կետերով սահմանված պահանջները:

3. Հայաստանի Հանրապետության փոխվարչապետ, միջազգային տնտեսական ինտեգրման և բարեփոխումների նախարարին, Հայաստանի Հանրապետության արտաքին գործերի նախարարին և Հայաստանի Հանրապետության արտաքին գործերի նախարարության աշխատակազմի «Պետական արարողակարգի ծառայություն» գործակալության պետին՝ սույն որոշումն ուժի մեջ մտնելուց հետո հնգօրյա ժամկետում Հայաստանի Հանրապետության ֆինանսների նախարարություն ներկայացնել սույն որոշման հավելվածում ներկայացված գնման գործընթացների մասով «Գնումների մասին» Հայաստանի Հանրապետության օրենքի 8-րդ հոդվածի 2-րդ մասով պահանջվող հաշվետվությունները:

4. Հայաստանի Հանրապետության ֆինանսների նախարարին՝ սույն որոշման 3-րդ կետով նախատեսված հաշվետվությունները ստանալուց հետո Հայաստանի Հանրապետության օրենսդրությամբ սահմանված կարգով և ժամկետներում հաշվառել նշված գնման գործարքները:

Հայաստանի Հանրապետության վարչապետ	Հ. Աբրահամյան
2015 թ. դեկտեմբերի 17 Երևան

Հավելված ՀՀ կառավարության 2015 թվականի դեկտեմբերի 17-ի N 1491-Ա որոշման

Ց Ա Ն Կ

ԱՎԻԱՏՈՄՍԵՐԻ ԳՆՄԱՆ ԳՈՐԾԱՐՔՆԵՐԻ

Պետական կառավարման մարմինը	Գնման առարկան	Գնման առարկայի արժեքը (դրամ)
ՀՀ միջազգային տնտեսական ինտեգրման և բարեփոխումների նախարարություն	ավիատոմսերի ձեռքբերում	2,384,545
ՀՀ միջազգային տնտեսական ինտեգրման և բարեփոխումների նախարարություն	ավիատոմսերի ձեռքբերում	605,416
ՀՀ միջազգային տնտեսական ինտեգրման և բարեփոխումների նախարարություն	ավիատոմսերի ձեռքբերում	351,459
ՀՀ միջազգային տնտեսական ինտեգրման և բարեփոխումների նախարարություն	ավիատոմսերի ձեռքբերում	229,585
ՀՀ միջազգային տնտեսական ինտեգրման և բարեփոխումների նախարարություն	ավիատոմսերի ձեռքբերում	128,704
ՀՀ միջազգային տնտեսական ինտեգրման և բարեփոխումների նախարարություն	ավիատոմսերի ձեռքբերում	674,403
ՀՀ միջազգային տնտեսական ինտեգրման և բարեփոխումների նախարարություն	ավիատոմսերի ձեռքբերում	1,075,093
ՀՀ արտաքին գործերի նախարարություն	ավիատոմսերի ձեռքբերում	4,405,109
ՀՀ արտաքին գործերի նախարարության «Պետական արարողակարգի ծառայություն» գործակալություն	ավիատոմսերի ձեռքբերում	328,974
Ընդամենը		10,183,288

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան