«Գրանցված է»
ՀՀ արդարադատության
նախարարության կողմից
19 նոյեմբերի 2015 թ.
Պետական գրանցման թիվ 05015450
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
|
27 հոկտեմբերի 2015 թ. |
թիվ 224-Ն |
Ո Ր Ո Շ ՈՒ Մ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2007 ԹՎԱԿԱՆԻ ՄԱՅԻՍԻ 15-Ի ԹԻՎ 138-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Նպատակ ունենալով հստակեցնել այն վայրերի ցանկը, որտեղ լիցենզավորվող փոխանակման կետերը կարող են իրականացնել արտարժույթի առուվաճառքի գործառնություններ,
հիմք ընդունելով «Արժութային կարգավորման և արժութային վերահսկողության մասին» Հայաստանի Հանրապետության օրենքի 71-րդ հոդվածի 4-րդ մասը, «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետը, 49-րդ հոդվածի 2-րդ մասը,
ղեկավարվելով «Իրավական ակտերի մասին» Հայաստանի Հանրապետության օրենքի 16-րդ հոդվածով և 70-րդ հոդվածի 1-ին մասով` Հայաստանի Հանրապետության կենտրոնական բանկի խորհուրդը որոշում է.
1. Հայաստանի Հանրապետության կենտրոնական բանկի խորհրդի 2007 թվականի մայիսի 15-ի «Արտարժույթի առուվաճառքի գործառնությունների լիցենզավորումը և կարգավորումը» կանոնակարգ 10-ը հաստատելու մասին թիվ 138-Ն որոշմամբ հաստատված «Արտարժույթի առուվաճառքի գործառնությունների լիցենզավորումը և կարգավորումը» կանոնակարգ 10-ում (այսուհետ` Կանոնակարգ 10) կատարել հետևյալ լրացումները.
1) Կանոնակարգ 10-ի 13-րդ կետից հետո լրացնել նոր 13.1. կետ` հետևյալ բովանդակությամբ.
«13.1. Մետրոպոլիտենի յուրաքանչյուր կայարանում կարող է գործել միայն մեկ փոխանակման կետ, որը կարող է բացվել և (կամ) գործունեություն իրականացնել տվյալ կայարանում այլ ֆինանսական կազմակերպության (բանկ, վարկային կազմակերպություն) բացակայության դեպքում:
Մետրոպոլիտենի կայարանում բացված փոխանակման կետը պետք է տեղակայված լինի մետրոպոլիտենի տարածքում` փակ նախասրահից ներս:»,
2) Կանոնակարգ 10-ի 56-րդ կետը լրացնել նոր 6-րդ ենթակետով` հետևյալ բովանդակությամբ.
«6) մետրոպոլիտենի կայարանի տարածքում:»,
3) Կանոնակարգ 10-ի 61-րդ կետը վերջից լրացնել նոր նախադասությամբ` հետևյալ բովանդակությամբ.
«Մետրոպոլիտենի կայարաններում արտարժույթի առուվաճառքի իրականացման համար արտարժույթի առուվաճառքի գործունեության իրականացման լիցենզիա կարող է ստանալ բացառապես «Կարեն Դեմիրճյանի անվան Երևանի մետրոպոլիտեն» ՓԲԸ-ն:»,
4) Կանոնակարգ 10-ի Հավելված 1-ում «□ երկաթուղային կայարանի տարածքում,» տողից հետո լրացնել նոր տող` հետևյալ բովանդակությամբ.
«□ մետրոպոլիտենի կայարանի տարածքում,»,
5) Կանոնակարգ 10-ի Հավելված 4-ում «երկաթուղային կայարան» բառերից հետո լրացնել «, մետրոպոլիտենի կայարան» բառերը:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
|
ՀՀ կենտրոնական բանկի նախագահ |
Ա. Ջավադյան |
|
|