Գլխավոր տեղեկություն

Номер

N 839-Ա

Տիպ

Որոշում

Тип

Исходный акт (31.07.2015-30.01.2016)

Статус

Գործում է

Первоисточник

Չի հրապարակվել պաշտոնական պարբերականում

Принят

ՀՀ կառավարություն

Дата принятия

30.07.2015

Подписан

ՀՀ վարչապետ

Дата подписания

30.07.2015

Дата вступления в силу

31.07.2015

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 հուլիսի 2015 թվականի N 839-Ա

ՍՏՈՒԳՈՒՄՆԵՐԻ ԿԱԶՄԱԿԵՐՊՄԱՆ ԵՎ ԱՆՑԿԱՑՄԱՆ ՈՒ Հայաստանի Հանրապետության ԿԱՌԱՎԱՐՈՒԹՅԱՆ 2009 ԹՎԱԿԱՆԻ ՄԱՅԻՍԻ 29-Ի N 594-Ա ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով Հայաստանի Հանրապետության Սահմանադրության 85-րդ հոդվածի 1-ին մասով և 89-րդ հոդվածի 4-րդ կետով` Հայաստանի Հանրապետության կառավարությունը որոշում է.

1. 2015 թվականի օգոստոսի 1-ից մինչև 2016 թվականի հունվարի 1-ը «Հայաստանի Հանրապետությունում ստուգումների կազմակերպման և անցկացման մասին» Հայաստանի Հանրապետության օրենքի 2-րդ հոդվածով սահմանված պետական մարմինների կողմից, բացառությամբ հարկային և մաքսային մարմինների, ստուգումները կարող են իրականացվել միայն`

1) պետական կառավարչական հիմնարկներում, պետական ոչ առևտրային կամակերպություններում, համայնքային ոչ առևտրային կազմակերպություններում, 100 տոկոս պետական բաժնեմասով փակ բաժնետիրական ընկերություններում և 100 տոկոս համայնքային բաժնեմասով փակ բաժնետիրական ընկերություններում.

2) Հայաստանի Հանրապետության քրեական դատավարության օրենսգրքով նախատեսված դեպքերում.

3) տնտեսավարող սուբյեկտների գրավոր դիմումի հիման վրա.

4) մանկապարտեզներում և դպրոցներում երեխաների սննդի կազմակերպման նկատմամբ իրականացվող ստուգումների.

5) հանրային անվտանգության, անձանց իրավունքների, կյանքի և առողջության պաշտպանության, պետության պաշտպանության և անվտանգության ապահովման դեպքերում (համապատասխան հիմնավորումներով)` միայն Հայաստանի Հանրապետության վարչապետի գրավոր համաձայնությամբ.

6) սույն որոշման հավելվածով հաստատված տեսչությունների ստուգումների ստուգաթերթերով` ստուգումների տարեկան ծրագրում ընդգրկված և բարձր ռիսկային խմբում գտնվող սուբյեկտների մոտ:

2. Սույն որոշման 1-ին կետի 5-րդ ենթակետով սահմանված Հայաստանի Հանրապետության վարչապետի գրավոր համաձայնությունը`

1) ստանալու նպատակով՝ Հայաստանի Հանրապետությունում ստուգումների կազմակերպման և անցկացման մասին» Հայաստանի Հանրապետության օրենքի 2-րդ հոդվածով սահմանված պետական մարմինները Հայաստանի Հանրապետության կառավարության աշխատակազմ են ներկայացնում ստուգման անհրաժեշտությունը հիմնավորող տեղեկատվությունը, որն առնվազն պետք է ներառի՝

ա. ստուգման անհրաժեշտության առաջացման պատճառը և հիմնական ռիսկի գործոնները,

բ. առկա իրավիճակի նկարագիրը,

գ. ստուգման չիրականացման հետևանքով առաջացող հնարավոր վտանգները,

դ. ստուգման իրականացման դեպքում ակնկալվող արդյունքները.

2) տրամադրվելու կամ մերժելու դեպքում՝ վերջինիս վերաբերյալ և ստուգման անհրաժեշտությունը հիմնավորող տեղեկատվությունը տեղադրվում է www. e-gov.am կայքում:

3. 2015 թվականի օգոստոսի 1-ի դրությամբ իրականացվող ստուգումները, բացառությամբ սույն որոշման 1-ին կետով նախատեսված դեպքերի, կասեցվում են:

4. Ուժը կորցրած ճանաչել Հայաստանի Հանրապետության կառավարության 2009 թվականի մայիսի 29-ի «Ստուգումների կազմակերպման և անցկացման մասին» N 594-Ա որոշումը:

Հայաստանի Հանրապետության
վարչապետ
Հ. Աբրահամյան

2015 թ. հուլիսի 30
Երևան

Հավելված
ՀՀ կառավարության 2015 թվականի
հուլիսի 30-ի N 839-Ա որոշման

Ց Ա Ն Կ

ՏԵՍՉՈՒԹՅՈՒՆՆԵՐԻ ՍՏՈՒԳՈՒՄՆԵՐԻ ՍՏՈՒԳԱԹԵՐԹԵՐԻ

Պետական մարմնի և տեսչության անունը	Ստուգաթերթեր
1. ՀՀ առողջապահության նախարարություն Առողջապահական պետական տեսչություն	1.1. Հանրակրթական դպրոցների ստուգաթերթ (ՀՀ կառավարության 2013 թվականի ապրիլի 4-ի N 349-Ն որոշման N 26 ստուգաթերթ) 1.2. Նախադպրոցական կազմակերպությունների ստուգաթերթ (ՀՀ կառավարության 2013 թվականի ապրիլի 4-ի N 349-Ն որոշման N 27 ստուգաթերթ)
2. ՀՀ էներգետիկայի և բնական պաշարների նախարարություն Էներգետիկայի պետական տեսչություն	2.1. 110 ԿՎ և բարձր լարման էլեկտրատեղակայանք (ՀՀ կառավարության 2012 թվականի դեկտեմբերի 6-ի N 1569-Ն որոշման N 1 հավելված) 2.2. Գազի համակարգի գազափոխադրման բարձր ճնշման էներգատեղակայանք (ՀՀ կառավարության 2012 թվականի դեկտեմբերի 6-ի N 1569-Ն որոշման N3 հավելված) 2.3. Գազի համակարգի` գազաբաշխման և գազասպառման միջին և բարձր ճնշման էներգատեղակայանք (ՀՀ կառավարության 2012 թվականի դեկտեմբերի 6-ի N 1569-Ն որոշման N 4 հավելված) 2.4. Էլեկտրահաղորդման օդային գծի (ՕԳ) ստուգաթերթ Տնտեսավարող սուբյեկտի (մասնաճյուղի) ստուգաթերթ (ՀՀ կառավարության 2012 թվականի դեկտեմբերի 6-ի N 1569-Ն որոշման N 2 հավելված) 2.5. Տնտեսավարող սուբյեկտի (մասնաճյուղի) համար ստուգաթերթ (ՀՀ կառավարության 2012 թվականի դեկտեմբերի 6-ի N 1569-Ն որոշման N 5 հավելված)
3. ՀՀ արդարադատության նախարարություն Օրինականության վերահսկողության տեսչություն	3.1. Կուսակցությունների գործունեության ստուգաթերթ (ՀՀ կառավարության 2013 թվականի հունիսի 13-ի N 624-Ն որոշման N 2 հավելված) 3.2. Հասարակական կազմակերպությունների ստուգաթերթ (ՀՀ կառավարության 2013 թվականի հունիսի 13-ի N 624-Ն որոշման N 3 հավելված)
4. ՀՀ բնապահպանության նախարարություն Բնապահպանական պետական տեսչություն	4.1. Բնության հատուկ պահպանվող տարածքների կառավարում, պահպանություն (ՀՀ կառավարության 2013 թվականի մարտի 7-ի N 519-Ն որոշման N 11 ստուգաթերթ) 4.2. Թափոնների հավաքում, մշակում և ոչնչացում, թափոնների վերամշակում (ՀՀ կառավարության 2013 թվականի մարտի 7-ի N 519-Ն որոշման N 6 ստուգաթերթ)
5. ՀՀ էկոնոմիկայի նախարարություն Շուկայի վերահսկողության պետական տեսչություն	5.1. Քսուքային նյութերին, յուղերին և հատուկ հեղուկներին ներկայացվող պահանջների ստուգման վերաբերյալ (ՀՀ կառավարության 2013 թվականի մարտի 28-ի N 370-Ն որոշման ստուգաթերթ) 5.2. Ներքին այրման շարժիչային վառելիքների ստուգման վերաբերյալ (ՀՀ կառավարության 2013 թվականի մարտի 28-ի N 370-Ն որոշման ստուգաթերթ) 5.3. Ավտոգազալցավորման ճնշակայանների (ԱԳԼՃԿ) կառուցման և շահագործման նվազագույն պահանջների ստուգման վերաբերյալ (ՀՀ կառավարության 2013 թվականի մարտի 28-ի N 370-Ն որոշման ստուգաթերթ)
6. ՀՀ ֆինանսների նախարարություն Լիցենզավորման պայմանների և պահանջների հսկողության տեuչություն	6.1. Շահումով խաղի կազմակերպման և խաղատան կազմակերպման և լիցենզիայի պայմանների ու պահանջների կատարման ստուգաթերթ (ՀՀ կառավարության 2012 թվականի հունվարի 12-ի N 18-Ն որոշման N2 հավելված) 6.2. Վիճակախաղերի կազմակերպման լիցենզիայի պայմանների ու պահանջների կատարման ստուգաթերթ (ՀՀ կառավարության 2012 թվականի հունվարի 12-ի N 18-Ն որոշման N 1 հավելված)
7. ՀՀ ֆինանսների նախարարություն Աուդիտորական գործունեության հսկողության տեuչություն	7.1. Աուդիտորական գործունեության մասին ստուգաթերթ (ՀՀ կառավարության 2013 թվականի փետրվարի 7-ի N 99-Ն որոշման հավելված)
8. ՀՀ տարածքային կառավարման և արտակարգ իրավիճակների նախարարություն Պետական հրդեհային և տեխնիկական անվտանգության տեսչություն	8.1. Ավտոմոբիլային գազալցավորման ճնշակայանների (ԱԳԼՃԿ) ստուգաթերթ (ՀՀ կառավարության 2013 թվականի փետրվարի 14-ի N 132-Ն որոշման հավելված, N 9 ստուգաթերթ)

Հայաստանի Հանրապետության
կառավարության աշխատակազմի
ղեկավար-նախարար
Դ. Հարությունյան

Փոփոխման պատմություն

Փոփոխող ակտ		Համապատասխան ինկորպորացիան
20.07.2017, N 865-Ա		26.07.2017, N 839-Ա
26.01.2017, N 46-Ա		28.01.2017, N 839-Ա
09.06.2016, N 597-Ա		14.06.2016, N 839-Ա
14.01.2016, N 43-Ա		30.01.2016, N 839-Ա

Փոփոխված ակտ

Փոփոխող ակտ		Համապատասխան ինկորպորացիան