Գլխավոր տեղեկություն

Номер

N 302-Ն

Տիպ

Որոշում

Тип

Պաշտոնական Ինկորպորացիա (10.09.2015-մինչ օրս)

Статус

Գործում է

Первоисточник

ՀՀՊՏ 2015.04.08/20(1109) Հոդ.243

Принят

ՀՀ կառավարություն

Дата принятия

10.03.2015

Подписан

ՀՀ վարչապետ

Дата подписания

31.03.2015

Дата вступления в силу

18.04.2015

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

10 մարտի 2015 թվականի N 302-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2006 ԹՎԱԿԱՆԻ ՄԱՅԻՍԻ 18-Ի N 761-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ, ԳՈՒՅՔ ՀԵՏ ՎԵՐՑՆԵԼՈՒ ԵՎ ԱՄՐԱՑՆԵԼՈՒ ՄԱՍԻՆ

Ղեկավարվելով «Պետական ոչ առևտրային կազմակերպությունների մասին» Հայաստանի Հանրապետության օրենքի 5-րդ հոդվածով՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2006 թվականի մայիսի 18-ի «Ալավերդու արհեստագործական ուսումնարան» պետական ոչ առևտրային կազմակերպություն հիմնադրելու մասին» N 761-Ն որոշման 6-րդ կետում կատարել հետևյալ փոփոխությունները՝

1) «1296.0» թիվը փոխարինել «935.7» թվով.

2) «148.5» թիվը փոխարինել «149.18» թվով.

3) «նկուղային» բառը փոխարինել «կիսանկուղային» բառով:

2. «Հայաստանի Հանրապետության կրթության և գիտության նախարարության «Ալավերդու Ս. Շահումյանի անվան N 5 ավագ դպրոց» պետական ոչ առևտրային կազմակերպությանն ամրացված` Հայաստանի Հանրապետության Լոռու մարզի Ալավերդի քաղաքի Զորավար Անդրանիկի N 197 հասցեում գտնվող անշարժ գույքը՝ ուսումնական մասնաշենքի 1-ին հարկը՝ 465.1 քառ. մետր մակերեսով ու 22 249 249,2 դրամ շուկայական արժեքով, նկուղը՝ 429,26 քառ. մետր մակերեսով ու 20 534 751 դրամ շուկայական արժեքով, աստիճանահարթակը՝ 163,12 քառ. մետր մակերեսով ու 7 803 262,8 դրամ շուկայական արժեքով և 10,76 քառ. մետր մակերեսով ու 514 732,15 դրամ շուկայական արժեքով պարիսպը և դրա սպասարկման հողատարածքը՝ 1040 քառ. մետր մակերեսով ու 3 274 856 դրամ շուկայական արժեքով (այսուհետ՝ գույք), հետ վերցնել և անժամկետ, անհատույց օգտագործման իրավունքով ամրացնել «Ալավերդու արհեստագործական պետական ուսումնարան» պետական ոչ առևտրային կազմակերպությանը:

3. Հայաստանի Հանրապետության կառավարությանն առընթեր պետական գույքի կառավարման վարչության պետին՝ Հայաստանի Հանրապետության կրթության և գիտության նախարարի հետ համատեղ սույն որոշումն ուժի մեջ մտնելուց հետո յոթամսյա ժամկետում ապահովել սույն որոշման 2-րդ կետում նշված գույքի հանձնման-ընդունման աշխատանքների կատարումը և «Ալավերդու արհեստագործական պետական ուսումնարան» պետական ոչ առևտրային կազմակերպության հետ անհատույց օգտագործման մասին պայմանագրի կնքումը` դրանում նախատեսելով, որ պայմանագրի նոտարական վավերացման և պայմանագրից ծագող գույքային իրավունքների պետական գրանցման ծախսերը ենթակա են իրականացման` «Ալավերդու արհեստագործական պետական ուսումնարան» պետական ոչ առևտրային կազմակերպության միջոցների հաշվին:

(3-րդ կետը փոփ. 31.08.15 N 976-Ն)

Հայաստանի Հանրապետության
վարչապետ
Հ. Աբրահամյան

2015 թ. մարտի 31

Երևան