ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
|
10 փետրվարի 2015 թ. |
թիվ 26-Ա |
Ո Ր Ո Շ ՈՒ Մ
«ՖՐԵՇ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ՓՈԽԱՆԱԿՄԱՆ ԿԵՏԵՐԻ ԹԻՎ 777, 777-1, 777-2 ԼԻՑԵՆԶԻԱՆԵՐԸ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ժզ» կետը, Հայաստանի Հանրապետության կենտրոնական բանկի խորհրդի 2007 թվականի մայիսի 15-ի թիվ 138-Ն որոշմամբ հաստատված «Արտարժույթի առուվաճառքի գործառնությունների լիցենզավորումը և կարգավորումը» կանոնակարգ 10-ի 36.1-րդ կետը, հաշվի առնելով Հայաստանի Հանրապետության կենտրոնական բանկի լիցենզավորման և վերահսկողության հանձնաժողովի եզրակացությունը (2015 թվականի փետրվարի 4-ի թիվ 6 արձանագրություն), ինչպես նաև այն հանգամանքը, որ «ՖՐԵՇ» սահմանափակ պատասխանատվությամբ ընկերության փոխանակման կետերը (այսուհետ նաև՝ Փոխանակման կետեր) սկսած 2013 թվականի օգոստոսի 5-ից (թիվ 777 լիցենզիա), նոյեմբերի 1-ից (թիվ 777-1 լիցենզիա) և նոյեմբերի 2-ից (թիվ 777-2 լիցենզիա) մինչև 2014 թվականի դեկտեմբերի 20-ն անընդմեջ գործունեություն չեն իրականացրել՝ Հայաստանի Հանրապետության կենտրոնական բանկի խորհուրդը որոշում է.
1. Ուժը կորցրած ճանաչել Հայաստանի Հանրապետության կենտրոնական բանկի խորհրդի 2009 թվականի դեկտեմբերի 1-ի թիվ 351-Ա որոշմամբ «ՖՐԵՇ» սահմանափակ պատասխանատվությամբ ընկերությանը տրամադրված արտարժույթի առք ու վաճառքի թիվ 777 լիցենզիան, 2010 թվականի փետրվարի 16-ի թիվ 25-Ա որոշմամբ տրամադրված արտարժույթի առք ու վաճառքի թիվ 777-1 լիցենզիան, 2010 թվականի հուլիսի 6-ի թիվ 153-Ա որոշմամբ տրամադրված արտարժույթի առք ու վաճառքի թիվ 777-2 լիցենզիան:
2. Սույն որոշումն ուժի մեջ է մտնում ընդունման օրը:
3. Սույն որոշումը օրենսդրությամբ սահմանված կարգով կարող է բողոքարկվել Հայաստանի Հանրապետության վարչական դատարան:
|
ՀՀ կենտրոնական բանկի նախագահ |
Ա. Ջավադյան |
|
|
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|