Գլխավոր տեղեկություն

Номер

N 1360-Ն

Տիպ

Որոշում

Тип

Исходный акт (13.12.2014-по сей день)

Статус

Գործում է

Первоисточник

ՀՀՊՏ 2014.12.12/68(1081) Հոդ.1144

Принят

ՀՀ կառավարություն

Дата принятия

04.12.2014

Подписан

ՀՀ վարչապետ

Дата подписания

05.12.2014

Дата вступления в силу

13.12.2014

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

4 դեկտեմբերի 2014 թվականի N 1360-Ն

2013 ԹՎԱԿԱՆԻ ՀՈՒՆԻՍԻ 25-ԻՆ ՍՏՈՐԱԳՐՎԱԾ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՌՈՒՍԱՍՏԱՆԻ ԴԱՇՆՈՒԹՅԱՆ ՄԻՋԵՎ ՌԱԶՄԱՏԵԽՆԻԿԱԿԱՆ ՀԱՄԱԳՈՐԾԱԿՑՈՒԹՅԱՆ ԶԱՐԳԱՑՄԱՆ ՄԱՍԻՆ ՊԱՅՄԱՆԱԳՐԻ ԿԻՐԱՌՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հաստատել 2013 թվականի հունիսի 25-ին ստորագրված` Հայաստանի Հանրապետության և Ռուսաստանի Դաշնության միջև ռազմատեխնիկական համագործակցության զարգացման մասին պայմանագրի կիրառման կարգը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության
վարչապետ
Հ. Աբրահամյան

2014 թ. դեկտեմբերի 5

Երևան

Հավելված

ՀՀ կառավարության 2014 թվականի

դեկտեմբերի 4-ի N 1360-Ն որոշման

Կ Ա Ր Գ

2013 ԹՎԱԿԱՆԻ ՀՈՒՆԻՍԻ 25-ԻՆ ՍՏՈՐԱԳՐՎԱԾ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՌՈՒՍԱՍՏԱՆԻ ԴԱՇՆՈՒԹՅԱՆ ՄԻՋԵՎ ՌԱԶՄԱՏԵԽՆԻԿԱԿԱՆ ՀԱՄԱԳՈՐԾԱԿՑՈՒԹՅԱՆ ԶԱՐԳԱՑՄԱՆ ՄԱՍԻՆ ՊԱՅՄԱՆԱԳՐԻ ԿԻՐԱՌՄԱՆ

1. Սույն կարգով կարգավորվում են 2013 թվականի հունիսի 25-ին ստորագրված` Հայաստանի Հանրապետության և Ռուսաստանի Դաշնության միջև ռազմատեխնիկական համագործակցության զարգացման մասին պայմանագրի կիրառման հետ կապված հարաբերությունները:

2. Ռազմական նշանակություն ունեցող արտադրանքը Ռուսաստանի Դաշնությունից ներմուծվում է Հայաստանի Հանրապետություն և Հայաստանի Հանրապետությունից Ռուսաստանի Դաշնություն է արտահանվում Հայաստանի Հանրապետության պետական կառավարման մարմինների կողմից, որոնք Հայաստանի Հանրապետության օրենսդրությամբ սահմանված կարգով լիազորված են իրականացնելու Հայաստանի Հանրապետության զինված ուժերի և այլ զորքերի պատվերները, ու այն իրավաբանական անձանց կողմից, որոնք ունեն ռազմական նշանակություն ունեցող արտադրանք ներմուծելու և արտահանելու, տարանցիկ փոխադրում ու առևտրի միջնորդական գործունեություն իրականացնելու համար լիցենզիա (այսուհետ` Հայաստանի Հանրապետության պետական կառավարման մարմիններ և լիազորված կազմակերպություններ):

3. Հայաստանի Հանրապետության պետական կառավարման մարմինները և այն լիազորված կազմակերպությունները, որոնք շահագրգռված են Ռուսաստանի Դաշնությունից ռազմական նշանակություն ունեցող արտադրանքի ձեռքբերմամբ (այսուհետ` հայտատու), Հայաստանի Հանրապետության պաշտպանության նախարարություն են ուղարկում N 1 ձևով սահմանված հայտեր` նշված արտադրանքի ձեռքբերման անհրաժեշտության հիմնավորմամբ:

4. Հայտերի հիման վրա Հայաստանի Հանրապետության պաշտպանության նախարարությունը, համաձայն N 2 ձևի, մեկամսյա ժամկետում կազմում է Հայաստանի Հանրապետություն ներմուծման համար նախատեսված` ռազմական նշանակություն ունեցող արտադրանքի անվանացանկը: Այն դեպքում, երբ անվանացանկում նշված որոշակի արտադրանքի արտադրական հնարավորությունների լրացուցիչ ուսումնասիրության անհրաժեշտություն է առաջանում, Հայաստանի Հանրապետության պաշտպանության նախարարությունն անվանացանկը կազմելուց հետո 10-օրյա ժամկետում անվանացանկում նշված արտադրանքի այդ մասն ուղարկում է Հայաստանի Հանրապետության էկոնոմիկայի նախարարություն` կից ներկայացնելով համապատասխան արտադրանքի բնութագրերը: Հայաստանի Հանրապետության էկոնոմիկայի նախարարությունն անվանացանկն ստանալու պահից 14-օրյա ժամկետում ուսումնասիրում է դրանում նշված կազմակերպությունների կողմից համապատասխան արտադրանքի արտադրական հնարավորությունները` հաշվի առնելով տեխնիկական հագեցվածությունը, համապատասխան որակյալ կադրերի ու պահեստների առկայությունը և այլն: Հայաստանի Հանրապետության էկոնոմիկայի նախարարության կողմից առարկություններ ներկայացվելու դեպքում Հայաստանի Հանրապետության պաշտպանության նախարարությունը դրանց հիման վրա լրամշակում է անվանացանկը, իսկ առարկությունների բացակայության դեպքում այն վերադարձվում է Հայաստանի Հանրապետության պաշտպանության նախարարություն: Հայաստանի Հանրապետության էկոնոմիկայի նախարարությունից սույն կետով սահմանված ժամկետում պատասխան չստացվելու դեպքում անվանացանկը համարվում է համաձայնեցված: Անվանացանկի համաձայնեցումից հետո 15-օրյա ժամկետում Հայաստանի Հանրապետության պաշտպանության նախարարությունը հաստատման նպատակով այն ուղարկում է Ռուսաստանի Դաշնության լիազորված մարմին: Այն դեպքերում, երբ անվանացանկում նշված արտադրանքի արտադրական հնարավորությունների լրացուցիչ ուսումնասիրության անհրաժեշտություն չի առաջանում, Հայաստանի Հանրապետության պաշտպանության նախարարությունը 15-օրյա ժամկետում հաստատման նպատակով այն ուղարկում է Ռուսաստանի Դաշնության լիազորված մարմին:

5. Ռուսաստանի Դաշնության լիազորված մարմնի կողմից Հայաստանի Հանրապետություն ներմուծման համար նախատեսված` ռազմական նշանակություն ունեցող արտադրանքի անվանացանկի հաստատման մասին գրավոր ծանուցում ստանալուց հետո մեկամսյա ժամկետում Հայաստանի Հանրապետության պաշտպանության նախարարությունը հայտատուներից յուրաքանչյուրին իրեն վերաբերող մասով ուղարկում է քաղվածք` համաձայն N 4 ձևի:

6. Հայաստանի Հանրապետության պաշտպանության նախարարությունը, Ռուսաստանի Դաշնության լիազորված մարմնից ստանալով ռազմական նշանակություն ունեցող արտադրանքի անվանացանկը, որում նշված արտադրանքի ձեռքբերմամբ շահագրգռված են Ռուսաստանի Դաշնության լիազորված կազմակերպությունները, 10-օրյա ժամկետում հարցում է ուղարկում Հայաստանի Հանրապետության պետական կառավարման մարմիններ և լիազորված կազմակերպություններ` պարզելու նրանց կողմից այդ արտադրանքի մատակարարման հնարավորության հարցը: Նշված կազմակերպությունների պատասխանների հիման վրա Հայաստանի Հանրապետության պաշտպանության նախարարությունը, համաձայն N 3 ձևի, մեկամսյա ժամկետում կազմում է Հայաստանի Հանրապետությունից արտահանման համար նախատեսված` ռազմական նշանակություն ունեցող արտադրանքի անվանացանկը: Այն դեպքում, երբ անվանացանկում նշված որոշակի արտադրանքի արտադրական հնարավորությունների լրացուցիչ ուսումնասիրության անհրաժեշտություն է առաջանում, Հայաստանի Հանրապետության պաշտպանության նախարարությունն անվանացանկը կազմելուց հետո 10-օրյա ժամկետում անվանացանկի արտադրանքի այդ մասն ուղարկում է Հայաստանի Հանրապետության էկոնոմիկայի նախարարություն` կից ներկայացնելով համապատասխան արտադրանքի բնութագրերը: Հայաստանի Հանրապետության էկոնոմիկայի նախարարությունն անվանացանկն ստանալու պահից 14-օրյա ժամկետում ուսումնասիրում է դրանում նշված կազմակերպությունների կողմից համապատասխան արտադրանքի արտադրական հնարավորությունները` հաշվի առնելով տեխնիկական հագեցվածությունը, համապատասխան որակյալ կադրերի ու պահեստների առկայությունը և այլն: Հայաստանի Հանրապետության էկոնոմիկայի նախարարության կողմից առարկություններ ներկայացվելու դեպքում Հայաստանի Հանրապետության պաշտպանության նախարարությունը դրանց հիման վրա լրամշակում է անվանացանկը, իսկ առարկությունների բացակայության դեպքում այն վերադարձվում է Հայաստանի Հանրապետության պաշտպանության նախարարություն: Հայաստանի Հանրապետության էկոնոմիկայի նախարարությունից սույն կետով սահմանված ժամկետում պատասխան չստացվելու դեպքում անվանացանկը համարվում է համաձայնեցված:

7. Այն դեպքում, երբ Ռուսաստանի Դաշնության կողմից ներկայացված անվանացանկում նշված` ռազմական նշանակություն ունեցող արտադրանքը համընկնում է շրջանառության հսկողության ոլորտում Հայաստանի Հանրապետության միջազգային պարտավորությունների կատարմանը, Հայաստանի Հանրապետության պաշտպանության նախարարությունը Հայաստանի Հանրապետությունից արտահանման համար նախատեսված` ռազմական նշանակություն ունեցող արտադրանքի անվանացանկը կազմելուց հետո 10-օրյա ժամկետում համաձայնեցման նպատակով այն ուղարկում է Հայաստանի Հանրապետության արտաքին գործերի նախարարություն, Հայաստանի Հանրապետության ֆինանսների նախարարություն և Հայաստանի Հանրապետության կառավարությանն առընթեր ազգային անվտանգության ծառայություն: Հայաստանի Հանրապետության արտաքին գործերի նախարարության, Հայաստանի Հանրապետության ֆինանսների նախարարության և Հայաստանի Հանրապետության կառավարությանն առընթեր ազգային անվտանգության ծառայության կողմից առարկություններ ներկայացվելու դեպքում Հայաստանի Հանրապետության պաշտպանության նախարարությունը դրանց հիման վրա լրամշակում է անվանացանկը, իսկ առարկությունների բացակայության դեպքում այն վերադարձվում է Հայաստանի Հանրապետության պաշտպանության նախարարություն: Հայաստանի Հանրապետության արտաքին գործերի նախարարության, Հայաստանի Հանրապետության ֆինանսների նախարարության և Հայաստանի Հանրապետության կառավարությանն առընթեր ազգային անվտանգության ծառայության կողմից 10-օրյա ժամկետում պատասխան չստացվելու դեպքում անվանացանկը համարվում է համաձայնեցված:

8. Հայաստանի Հանրապետության պաշտպանության նախարարը հաստատում է Ռուսաստանի Դաշնություն արտահանելու նպատակով նախատեսված` ռազմական նշանակություն ունեցող արտադրանքի անվանացանկը, դրա մասին գրավոր տեղեկացնում է Ռուսաստանի Դաշնության լիազորված մարմնին և նշված անվանացանկից` Հայաստանի Հանրապետության պետական կառավարման մարմիններից և լիազորված կազմակերպություններից յուրաքանչյուրին իրեն վերաբերող մասով ուղարկում է քաղվածքներ` համաձայն N 4 ձևի:

9. Հայաստանի Հանրապետություն ներմուծելու (Հայաստանի Հանրապետությունից արտահանելու) համար նախատեսված` ռազմական նշանակություն ունեցող արտադրանքի հաստատված անվանացանկերը գրանցվում են Հայաստանի Հանրապետության պաշտպանության նախարարության աշխատակազմում և ստորագրվում Հայաստանի Հանրապետության պաշտպանության նախարարի կողմից:

10. Հայաստանի Հանրապետություն ներմուծելու (Հայաստանի Հանրապետությունից արտահանելու) համար նախատեսված` ռազմական նշանակություն ունեցող արտադրանքի ստացված անվանացանկերի հիման վրա Հայաստանի Հանրապետության պետական կառավարման մարմինները և լիազորված կազմակերպությունները Ռուսաստանի Դաշնության լիազորված կազմակերպությունների հետ կնքում են պայմանագրեր:

11. Կնքվող պայմանագրերում պետք է սահմանվեն դրույթներ, որոնք վերաբերում են իրավական պաշտպանության և Հայաստանի Հանրապետության իրավասությանը պատկանող ու Հայաստանի Հանրապետությունից արտահանման համար նախատեսված` ռազմական նշանակություն ունեցող արտադրանքի մաս կազմող ռազմական նշանակության գիտահետազոտական, փորձարարակոնստրուկտորական և տեխնիկական աշխատանքների (այսուհետ` մտավոր գործունեության արդյունքներ) օգտագործման պայմանների ապահովմանը:

12. Հայաստանի Հանրապետության պետական կառավարման մարմինները և լիազորված կազմակերպությունները պայմանագրերն ստորագրելուց հետո 10-օրյա ժամկետում հաշվառման նպատակով դրանց պատճեններն ուղարկում են Հայաստանի Հանրապետության պաշտպանության նախարարություն:

13. Ռազմական նշանակություն ունեցող արտադրանքի` Հայաստանի Հանրապետություն ներմուծման (Հայաստանի Հանրապետությունից արտահանման) համար նախատեսված գրանցված պայմանագրերը հիմք են սահմանված կարգով համապատասխան տարվա պաշտպանական պատվերի ներմուծման-արտահանման մասում ընդգրկվելու համար:

14. Ռուսաստանի Դաշնության տարածքում հատուկ նշանակության օբյեկտների ստեղծման հարցում Հայաստանի Հանրապետության պետական կառավարման մարմինների և լիազորված կազմակերպությունների կողմից տեխնիկական աջակցության ցուցաբերումը, ինչպես նաև գիտահետազոտական և փորձարարակոնստրուկտորական աշխատանքների անցկացումը յուրաքանչյուր առանձին դեպքի համար հաստատվում են Հայաստանի Հանրապետության պաշտպանության նախարարի կողմից` ստանալով Հայաստանի Հանրապետության Նախագահի աշխատակազմի համաձայնությունը:

15. Հայաստանի Հանրապետության պետական կառավարման մարմիններին հատկացված բյուջետային միջոցների օգտագործմամբ կամ հատուկ պայմաններով հաշվարկների կիրառմամբ (մուծումների տարկետում, ներառևտրային բարտերային գործարք և այլն) ռազմական նշանակություն ունեցող արտադրանքը Հայաստանի Հանրապետությունից Ռուսաստանի Դաշնություն արտահանվում, ռազմական նշանակություն ունեցող արտադրանքի անվանացանկում ընդգրկված և օտարերկրյա պատվիրատուներին փոխանցելու համար թույլատրված` ռազմական նշանակություն ունեցող արտադրանքի արդիականացման համար նախատեսված գիտահետազոտական և փորձարարակոնստրուկտորական աշխատանքներն անցկացվում, Ռուսաստանի Դաշնության տարածքում ստեղծված հատուկ օբյեկտների սարքերը համալրվում ու արդիականացվում են Հայաստանի Հանրապետության պաշտպանության նախարարի կողմից հաստատված անվանացանկերի համաձայն` Հայաստանի Հանրապետության կառավարության որոշման հիման վրա:

16. Հայաստանի Հանրապետության պետական կառավարման մարմինները և լիազորված կազմակերպությունները հաշվետու ժամանակահատվածին հաջորդող յուրաքանչյուր եռամսյակի մինչև ամսի 5-ը Հայաստանի Հանրապետության պաշտպանության նախարարությանը տրամադրում են N 5 ձևով սահմանված հաշվետվություն:

17. Այն դեպքում, երբ ներկայացված փաստաթղթերը կազմված չեն NN 1, 2, 3, 4 և 5 ձևերին համապատասխան, Հայաստանի Հանրապետության պաշտպանության նախարարությունն այդ փաստաթղթերն ստանալու պահից 10-օրյա ժամկետում վերադարձնում է` մատնանշելով դրանցում առկա թերությունները: Փաստաթղթերը վերադարձվելուց հետո 10-օրյա ժամկետում Հայաստանի Հանրապետության պետական կառավարման մարմինները և լիազորված կազմակերպությունները շտկում են դրանք և ներկայացնում Հայաստանի Հանրապետության պաշտպանության նախարարություն:

18. Հայաստանի Հանրապետության պաշտպանության նախարարությունը Հայաստանի Հանրապետություն ներմուծելու (Հայաստանի Հանրապետությունից արտահանելու) համար նախատեսված` ռազմական նշանակություն ունեցող արտադրանքի անվանացանկերը հաստատվելուց հետո դրանց պատճենները երկամսյա ժամկետում ուղարկում է Հայաստանի Հանրապետության ֆինանսների նախարարություն, Հայաստանի Հանրապետության էկոնոմիկայի նախարարություն, Հայաստանի Հանրապետության արտաքին գործերի նախարարություն և Հայաստանի Հանրապետության կառավարությանն առընթեր ազգային անվտանգության ծառայություն, իսկ Հայաստանի Հանրապետության պետական կառավարման այլ մարմիններ` միայն համապատասխան գրավոր հարցման դեպքում:

Հայաստանի Հանրապետության
կառավարության աշխատակազմի
ղեկավար-նախարար
Դ. Հարությունյան

Ձև N 1

Հ Ա Յ Տ

________________________________________________________________

^{(Հայաստանի Հանրապետության լիազորված կազմակերպության անվանումը)}

2013 ԹՎԱԿԱՆԻ ՀՈՒՆԻՍԻ 25-ԻՆ ՍՏՈՐԱԳՐՎԱԾ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՌՈՒՍԱՍՏԱՆԻ ԴԱՇՆՈՒԹՅԱՆ ՄԻՋԵՎ ՌԱԶՄԱՏԵԽՆԻԿԱԿԱՆ ՀԱՄԱԳՈՐԾԱԿՑՈՒԹՅԱՆ ԶԱՐԳԱՑՄԱՆ ՄԱՍԻՆ ՊԱՅՄԱՆԱԳՐԻ ՇՐՋԱՆԱԿՆԵՐՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՌԱԶՄԱԿԱՆ ՆՇԱՆԱԿՈՒԹՅՈՒՆ ՈՒՆԵՑՈՂ ԱՐՏԱԴՐԱՆՔԻ` 20___ ԹՎԱԿԱՆԻՆ ՆԵՐՄՈՒԾՄԱՆ ՀԱՄԱՐ

Մատա-
կարարը

Արտադրանքի
անվանումը

ԱՏԳ ԱԱ-ի
ծածկա-
գիրը

Չափի միավորը

Քանակը

Ձեռքբերման
նպատակը

Լիցենզիայի
առկայությունը
հաստատող
փաստաթղթի
համարը

Հայաստանի Հանրապետության
լիազորված կազմակերպության
ղեկավար
________________ ____________________

^{(ստորագրությունը)}

^{(անունը, ազգանունը)}

Կ.Տ.

___ ______________ 20 թ.

Ձև N 2

Ա Ն Վ Ա Ն Ա Ց Ա Ն Կ

2013 ԹՎԱԿԱՆԻ ՀՈՒՆԻՍԻ 25-ԻՆ ՍՏՈՐԱԳՐՎԱԾ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՌՈՒՍԱՍՏԱՆԻ ԴԱՇՆՈՒԹՅԱՆ ՄԻՋԵՎ ՌԱԶՄԱՏԵԽՆԻԿԱԿԱՆ ՀԱՄԱԳՈՐԾԱԿՑՈՒԹՅԱՆ ԶԱՐԳԱՑՄԱՆ ՄԱՍԻՆ ՊԱՅՄԱՆԱԳՐԻ ՇՐՋԱՆԱԿՆԵՐՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՆԵՐՄՈՒԾՄԱՆ ՀԱՄԱՐ ՆԱԽԱՏԵՍՎԱԾ` ՌԱԶՄԱԿԱՆ ՆՇԱՆԱԿՈՒԹՅՈՒՆ ՈՒՆԵՑՈՂ ԱՐՏԱԴՐԱՆՔԻ

N ______

20___ թվական

Հայտատուն

Արտադրանքի
անվանումը

ԱՏԳ ԱԱ-ի
ծածկագիրը

Չափի
միավորը

Քանակը

Ձեռքբերման
նպատակը

Հայաստանի Հանրապետության
պաշտպանության նախարար
________________ ____________________

^{(ստորագրությունը)}

^{(անունը, ազգանունը)}

Ձև N 3

«Հաստատում եմ»
Հայաստանի Հանրապետության
պաշտպանության նախարար

________________

____________________

^{(ստորագրությունը)}

^{(անունը, ազգանունը)}

___ ______________ 20 թ.

Կ.Տ.

Ա Ն Վ Ա Ն Ա Ց Ա Ն Կ

2013 ԹՎԱԿԱՆԻ ՀՈՒՆԻՍԻ 25-ԻՆ ՍՏՈՐԱԳՐՎԱԾ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՌՈՒՍԱՍՏԱՆԻ ԴԱՇՆՈՒԹՅԱՆ ՄԻՋԵՎ ՌԱԶՄԱՏԵԽՆԻԿԱԿԱՆ ՀԱՄԱԳՈՐԾԱԿՑՈՒԹՅԱՆ ԶԱՐԳԱՑՄԱՆ ՄԱՍԻՆ ՊԱՅՄԱՆԱԳՐԻ ՇՐՋԱՆԱԿՆԵՐՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆԻՑ ԱՐՏԱՀԱՆՄԱՆ ՀԱՄԱՐ ՆԱԽԱՏԵՍՎԱԾ` ՌԱԶՄԱԿԱՆ ՆՇԱՆԱԿՈՒԹՅՈՒՆ ՈՒՆԵՑՈՂ ԱՐՏԱԴՐԱՆՔԻ

N ______

20___ թվական

Մատակարարը

Արտադրանքի
անվանումը

ԱՏԳ ԱԱ-ի
ծածկագիրը

Չափի
միավորը

Քանակը

Ձեռքբերման
նպատակը

Հայաստանի Հանրապետության
պաշտպանության նախարարության
կառուցվածքային ստորաբաժանման
ղեկավար
________________ ____________________

^{(ստորագրությունը)}

^{(անունը, ազգանունը)}

Կ.Տ.

Ձև N 4

Ք Ա Ղ Վ Ա Ծ Ք

2013 ԹՎԱԿԱՆԻ ՀՈՒՆԻՍԻ 25-ԻՆ ՍՏՈՐԱԳՐՎԱԾ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՌՈՒՍԱՍՏԱՆԻ ԴԱՇՆՈՒԹՅԱՆ ՄԻՋԵՎ ՌԱԶՄԱՏԵԽՆԻԿԱԿԱՆ ՀԱՄԱԳՈՐԾԱԿՑՈՒԹՅԱՆ ԶԱՐԳԱՑՄԱՆ ՄԱՍԻՆ ՊԱՅՄԱՆԱԳՐԻ ՇՐՋԱՆԱԿՆԵՐՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՆԵՐՄՈՒԾՄԱՆ (ԱՐՏԱՀԱՆՄԱՆ) ՀԱՄԱՐ ՆԱԽԱՏԵՍՎԱԾ` ՌԱԶՄԱԿԱՆ ՆՇԱՆԱԿՈՒԹՅՈՒՆ ՈՒՆԵՑՈՂ ԱՐՏԱԴՐԱՆՔԻ ԱՆՎԱՆԱՑԱՆԿԻՑ

N ______

20___ թվական

Գրանցման համարը ______________

Տրված է ___ _________ 20 թ.

Հայաստանի Հանրապետության լիազորված կազմակերպություն (հայտատու, մատակարար)

___________________________________________________________________________________________

^{(անվանումը)}

Ռուսաստանի Դաշնության լիազորված կազմակերպություն (հայտատու, մատակարար)

___________________________________________________________________________________________

^{(ամբողջական անվանումը)}

Պայմանագրի
կնքման
ամսաթիվը և
համարը

Արտադրանքի
անվանումը

ԱՏԳ ԱԱ-ի
ծածկագիրը

Չափի
միավորը

Քանակը

Ձեռքբերման
նպատակը

Կ.Տ.

Ձև N 5

Հ Ա Շ Վ Ե Տ Վ ՈՒ Թ Յ ՈՒ Ն

Ռուսաստանի Դաշնության լիազորված կազմակերպություն (հայտատու, մատակարար)

___________________________________________________________________________________________

^{(անվանումը)}

Հայաստանի Հանրապետության լիազորված կազմակերպություն (հայտատու, մատակարար)

____________________________________________________________________________________________

^{(անվանումը)}

Պայմանագրի համարն
ու ամսաթիվը

Գրանցման համարը և
անվանացանկի քաղվածքի ամսաթիվը

Արտադրանքի անվանումը

Չափի
միավորը

Քանակը

Արժեքը

Կատարումը

Կ.Տ.

___ ______________ 20 թ.

Փոփոխման պատմություն

Փոփոխող ակտ		Համապատասխան ինկորպորացիան

Փոփոխված ակտ

Փոփոխող ակտ		Համապատասխան ինկորպորացիան

Հայաստանի Հանրապետության լիազորված կազմակերպության ղեկավար	________________	____________________
	^{(ստորագրությունը)}	^{(անունը, ազգանունը)}