«Վավերացնում եմ» Հայաստանի Հանրապետության Նախագահ Ռ. Քոչարյան 31 դեկտեմբերի 2000թ.   ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ   Ո Ր Ո Շ ՈՒ Մ   31 դեկտեմբերի  2000 թվականի N 902 քաղ. Երևան   ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՔՍԱՅԻՆ ՍԱՀՄԱՆՈՎ ԸՍՏ ՄԱՔՍԱՅԻՆ ՌԵԺԻՄՆԵՐԻ ԱՌԱՆՁԻՆ ԱՊՐԱՆՔՆԵՐԻ ՏԵՂԱՓՈԽՈՒՄՆ ԱՐԳԵԼԵԼՈՒ ՄԱՍԻՆ   Հայաստանի Հանրապետության մաքսային օրենսգրքի 20 հոդվածի 2-րդ կետի «ա» ենթակետին, 38 և 42 հոդվածներին, 53 հոդվածի 3-րդ և 54 հոդվածի 4-րդ կետերին համապատասխան՝ Հայաստանի Հանրապետության կառավարությունը որոշում է. 1. Հաստատել` ա) «Արտահանում` ազատ շրջանառության համար», «Ժամանակավոր արտահանում», «Ժամանակավոր արտահանում` վերամշակման համար», «Անմաքս առևտուր» մաքսային ռեժիմներով Հայաստանի Հանրապետության մաքսային սահմանով տեղափոխման համար արգելվող ապրանքների ցանկը` համաձայն N 1 հավելվածի. բ) «Սեփականության իրավունքից հրաժարում` հօգուտ պետության» մաքսային ռեժիմով Հայաստանի Հանրապետության մաքսային սահմանով տեղափոխման համար արգելվող ապրանքների ցանկը` համաձայն N 2 հավելվածի. գ) «Ոչնչացում» մաքսային ռեժիմով Հայաստանի Հանրապետության մաքսային սահմանով տեղափոխման համար արգելվող ապրանքների ցանկը` համաձայն N 3 հավելվածի. դ) «Բացթողում ներքին սպառման համար», «Անմաքս առևտուր», «Ժամանակավոր ներմուծում (ընդունում)` վերամշակման համար», «Ժամանակավոր ներմուծում (ընդունում)» և «Ոչնչացում» մաքսային ռեժիմներով Հայաստանի Հանրապետության մաքսային սահմանով տեղափոխման համար արգելվող ապրանքների ցանկը` համաձայն N 4 հավելվածի: (1-ին կետը լրաց. 29.09.01 N 913, փոփ. 04.12.14 N 1369-Ն) 2. Սահմանել, որ` ա) Հայաստանի Հանրապետությունում հսկվող դեղերի և թմրանյութերի, միջուկային (ռադիոակտիվ) նյութերի Հայաստանի Հանրապետության մաքսային սահմանով տեղափոխումն, ինչպես նաև արտաքին տնտեսական գործունեության ապրանքային անվանացանկի 44 (փայտանյութ և դրանից արտադրանք, փայտածուխ) խմբին դասվող ապրանքների (բացառությամբ 4405 00 000, 4412-4417, 4418 10, 4418 20, 4419 00, 4420, 4421 10 000, 4421 90 910 ծածկագրերին դասվող ապրանքների) արտահանումն իրականացվում է Հայաստանի Հանրապետության կառավարության սահմանած հատուկ կարգով. բ) պոռնոգրաֆիկ բովանդակության նյութերի համար, ապրանքներ տեղափոխող անձի համաձայնությամբ, կարող է կիրառվել միայն «Ոչնչացում» մաքսային ռեժիմը: Այլ մաքսային ռեժիմներով պոռնոգրաֆիկ բովանդակությամբ նյութերի` Հայաստանի Հանրապետության մաքսային սահմանով տեղափոխումն արգելվում է. գ) «Բացթողում ներքին սպառման համար» մաքսային ռեժիմով արգելվում է ներմուծել ԱՏԳ ԱԱ 8702, 8703, 8704 և 8705 ապրանքային դիրքերում դասակարգվող ավտոմեքենաներ (բացառությամբ 8702 90 90 և 8703 90 10 ծածկագրերին դասակարգվող ավտոմեքենաների), որոնց վրա տեղադրված չէ վնասակար արտանետումների չեզոքացուցիչ: Սույն ենթակետում նշված ավտոմեքենաների վրա տեղադրված վնասակար արտանետումների չեզոքացուցիչների առկայության ստուգման կարգը սահմանում է վերադաս մաքսային մարմնի ղեկավարը: (2-րդ կետը լրաց. 25.03.04 N 427-Ն, 07.03.07 N 373-Ն, 27.12.07 N 1548-Ն, փոփ. 12.11.09 N 1334-Ն, 04.12.14 N 1369-Ն) 3. Ուժը կորցրած ճանաչել Հայաստանի Հանրապետության  կառավարության 1993 թվականի դեկտեմբերի 6-ի «Մաքսային որոշ հարաբերությունների կարգավորման մասին» N 615 որոշման 8-րդ կետը: 4. Սույն որոշումն ուժի մեջ է մտնում 2001 թվականի  հունվարի 1-ից:   Հայաստանի Հանրապետության վարչապետ Ա. ՄԱՐԳԱՐՅԱՆ   Հավելված N 1 ՀՀ կառավարության 2000 թվականի դեկտեմբերի 31-ի N 902 որոշման Ց Ա Ն Կ «Արտահանում՝ ազատ շրջանառության համար», «Ժամանակավոր արտահանում», «Ժամանակավոր արտահանում՝ վերամշակման համար» եվ «անմաքս առեվտուր» մաքսային ռեժիմներով Հայաստանի Հանրապետության մաքսային սահմանով տեղափոխման համար արգելվող ապրանքների (վերնագիրը փոփ. 04.12.14 N 1369-Ն) 1. Պետական գաղտնիք պարունակող նյութեր 2. Հայաստանի Հանրապետությունում գրանցված ապրանքային նշաններով մակնշման ենթակա, սակայն չմակնշված ալկոհոլային խմիչքներ 3. Փայտանյութ (ծածկագրերն ըստ ԱՏԳ ԱԱ-ի` 4401 10 000, 4401 21 000, 4401 22 000, 4403, 4404) (հավելվածը խմբ. 31.03.01 N 265, լրաց. 15.10.09 N 1157-Ն, փոփ. 04.12.14 N 1369-Ն)   Հայաստանի Հանրապետության կառավարության աշխատակազմի ղեկավար-նախարար             Մ. ԹՈՓՈՒԶՅԱՆ     Հավելված N 2 ՀՀ կառավարության 2000 թվականի դեկտեմբերի 31-ի N 902 որոշման Ց Ա Ն Կ «Սեփականության իրավունքից հրաժարում՝ հօգուտ պետության» մաքսային ռեժիմով Հայաստանի Հանրապետության մաքսային սահմանով տեղափոխման համար արգելվող ապրանքների   1. Բոլոր տեսակի թափոններ, բացառությամբ Հայաստանի Հանրապետության արդյունաբերության և առևտրի նախարարության դրական եզրակացության և Հայաստանի Հանրապետության բնապահպանության նախարարության թույլտվության հիման վրա ներմուծվող թափոնների 2. Պիտանիության ժամկետն անցած ապրանքներ     Հայաստանի Հանրապետության կառավարության աշխատակազմի ղեկավար-նախարար             Մ. ԹՈՓՈՒԶՅԱՆ     Հավելված N 3 ՀՀ կառավարության 2000 թվականի դեկտեմբերի 31-ի N 902 որոշման Ց Ա Ն Կ «Ոչնչացում» մաքսային ռեժիմով Հայաստանի Հանրապետության մաքսային սահմանով տեղափոխման համար արգելվող ապրանքների   1. Կենդանի կենդանիներ և բույսեր, եթե դրանք չեն հանդիսանում անբուժելի վարակի աղբյուրներ 2. Պատմական, մշակութային և հնագիտական արժեք ներկայացնող առարկաներ   Հայաստանի Հանրապետության կառավարության աշխատակազմի ղեկավար-նախարար             Մ. ԹՈՓՈՒԶՅԱՆ     Հավելված N 4 ՀՀ կառավարության 2000 թվականի դեկտեմբերի 31-ի N 902 որոշման Ց Ա Ն Կ «Բացթողում ներքին սպառման համար», «անմաքս առեվտուր», «Ժամանակավոր ներմուծում (ընդունում)` վերամշակման համար», «Ժամանակավոր ներմուծում (ընդունում)» եվ «Ոչնչացում» մաքսային ռեժիմներով Հայաստանի Հանրապետության մաքսային սահմանով տեղափոխման համար արգելվող ապրանքների (վերնագիրը փոփ. 04.12.14 N 1369-Ն)   1. «Օզոնային շերտի պահպանության մասին» Վիեննայի կոնվենցիայի և «Օզոնային շերտը քայքայող նյութերի մասին» Մոնրեալի արձանագրության կողմ երկրների կարգավիճակ չունեցող երկրներից ներմուծվող` ստորև նշված նյութերը`   Ծածկագիրն ըստ ԱՏԳ ԱԱ-ի Քիմիական բանաձևը Անվանումը 2903 77 100  CFCL3  ֆտորեռաքլորմեթան 2903 77 200  CF2CL2  երկֆտորերկքլորմեթան 2903 77 300  C2F3CL3  եռֆտորեռաքլորէթան 2903 77 400 և 2903 77 500  C2F4CL2 և C2F5CL  քառաֆտորերկքլորէթան և հինգֆտորքլորէթան 2903 76  CF2BrCL, CF3Br և C2F4Br2  երկֆտորբրոմքլորմեթան, եռֆտորբրոմմեթան  և քառֆտորերկբրոմմեթան   2. Ավտոմոբիլային բենզին, որի մեջ կապարի պարունակությունը գերազանցում է 0.013 գ/լ (ծածկագիրն ըստ ԱՏԳ ԱԱ-ի` 2710 12 510 և 2710 12 590): 3. Չյոդացված կերակրի աղ` սննդի մեջ օգտագործելու համար (ծածկագիրն ըստ ԱՏԳ ԱԱ-ի` 250100910): 4. (կետն ուժը կորցրել է 07.03.07 N 373-Ն) 5. Քլորֆտորածխածիններ պարունակող նոր և օգտագործված սարքավորումները: 6. «Կայուն օրգանական աղտոտիչների մասին» Ստոկհոլմի կոնվենցիայի Ա և Բ հավելվածներում ներառված` ստորև նշված բույսերի պաշտպանության միջոցները   Անվանումը CAS գրանցման համարը ՄՄ ԱՏԳ ԱԱ ծածկագիրը Հավելված Ա Ալդրին 309-00-2 2903 82 000 0 3808 50 000 9 Քլորդան 57-74-9 2903 82 000 0 3808 50 000 9 Դիելդրին 60-57-1 2910 40 000 0 3808 50 000 9 Էնդրին 72-20-8 2910 90 000 0 Հեպտաքլոր 76-44-8 2903 82 000 0 3808 50 000 9 Հեքսաքլորբենզոլ 118-74-1 2903 92 000 0 3808 50 000 9 Միրեքս 2385-85-5 2903 89 900 0 3808 91 200 0 Կամֆեքլոր (տոքսաֆեն) 8001-35-2 3808 50 000 9 Պոլիքլորացված դիֆենիլներ (ՊՔԴ), պոլիքլորացված բիֆենիլներ (ՊՔԲ)   2903 99 3824 82 000 0 Հավելված Բ ԴԴՏ (1-1-1 եռաքլոր-2,2-բիս(ո-քլորֆենիլ) էթան) 50-29-3 2903 92 000 0 3808 50 000 9 (հավելվածը լրաց. 29.09.01 N 913, 12.02.04 N 353-Ն, 03.03.05 N 220-Ն, փոփ. 07.03.07 N 373-Ն, 25.04.13 N 438-Ն, լրաց. 03.10.13 N 1079-Ն, փոփ., լրաց. 04.12.14 N 1369-Ն)   Հայաստանի Հանրապետության կառավարության աշխատակազմի ղեկավար-նախարար             Մ. ԹՈՓՈՒԶՅԱՆ