ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

22 հունվարի 2015 թվականի N 25-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՀՈՒԼԻՍԻ 14-Ի N 1176-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2005 թվականի հուլիսի 14-ի «Հայաստանի Հանրապետության կառավարությանն առընթեր Հայաստանի Հանրապետության ոստիկանության ստորաբաժանումների կողմից պայմանագրային հիմունքներով պահպանության և անվտանգության ապահովման գծով իրականացվող ծառայությունների դիմաց ստացվող վճարների գումարների օգտագործման ուղղությունները 2005 թվականի տարեկան ծախսերի նախահաշվի ձևով հաստատելու, նախահաշվի կատարման հետ կապված առանձին հարցեր կանոնակարգելու և ծախսերի նորմատիվները հաստատելու մասին» N 1176-Ն որոշման N 2 հավելվածը շարադրել նոր խմբագրությամբ` համաձայն հավելվածի:

2. Սահմանել, որ սույն որոշմամբ հաստատված նորմատիվներին ավելացվում է 8000 դրամի չափով հավելում՝ բարձրլեռնային վայրերում աշխատելու համար:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, և դրա գործողությունը տարածվում է 2014 թվականի հուլիսի 1-ից հետո ծագած հարաբերությունների վրա:

4. Սույն որոշման 3-րդ կետով նախատեսված հետադարձ ուժի դրույթը չի տարածվում Հայաստանի Հանրապետության կառավարությանն առընթեր Հայաստանի Հանրապետության ոստիկանության ստորաբաժանումների կողմից կնքված պահպանության և անվտանգության ծառայությունների մատուցման պայմանագրերից մինչև սույն որոշումն ուժի մեջ մտնելը ծագող հարաբերությունների վրա:

Հայաստանի Հանրապետության վարչապետ	Հ. Աբրահամյան
2015 թ. հունվարի 27 Երևան

Հավելված ՀՀ կառավարության 2015 թվականի հունվարի 22-ի N 25-Ն որոշման

«Հավելված N 2 ՀՀ կառավարության 2005 թվականի հուլիսի 14-ի N 1176-Ն որոշման

Ն Ո Ր Մ Ա Տ Ի Վ Ն Ե Ր

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՍՏՈՐԱԲԱԺԱՆՈՒՄՆԵՐԻ ԿՈՂՄԻՑ ՊԱՅՄԱՆԱԳՐԱՅԻՆ ՀԻՄՈՒՆՔՆԵՐՈՎ ՊԱՀՊԱՆՈՒԹՅԱՆ ԵՎ ԱՆՎՏԱՆԳՈՒԹՅԱՆ ԱՊԱՀՈՎՄԱՆ ԾԱՌԱՅՈՒԹՅՈՒՆՆԵՐԻ ԻՐԱԿԱՆԱՑՄԱՆ ՏԱՐԵԿԱՆ ԾԱԽՍԵՐԻ

(դրամ)

NN ը/կ Պաշտոնների անվանումները Նորմատիվներ` տարեկան Ա ՀՀ կառավարությանն առընթեր ՀՀ ոստիկանության պահպանության ծառայություն 1. Պահպանության ծառայություն իրականացնող միջին խմբի մեկ ծառայողի համար 3268029 2. Պահպանության ծառայություն իրականացնող կրտսեր խմբի մեկ ծառայողի համար 2360424 3. Ռազմականացված ստորաբաժանումների մեկ ծառայողի (հրաձիգ) համար 1178231 Բ ՀՀ կառավարությանն առընթեր ՀՀ ոստիկանության զորքեր 1. Պահպանություն իրականացնող մեկ սպայի համար 3726888 2. Պահպանություն իրականացնող մեկ ենթասպայի համար 2583288 Գ ՀՀ կառավարությանն առընթեր ՀՀ ոստիկանության Երևան քաղաքի վարչության Կարեն Դեմիրճյանի անվան մետրոպոլիտենի պահպանության բաժին 1. Ոստիկանության միջին խմբի պաշտոնի մեկ ծառայողի համար 3874560 2. Ոստիկանության կրտսեր խմբի պաշտոնի մեկ ծառայողի համար 2450316

»:

Հայաստանի Հանրապետության կառավարության աշխատակազմի ղեկավար-նախարարի առաջին տեղակալ

Գ. Դումանյան