ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

10 ապրիլի 2014 թվականի N 378-Ա

ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ՏԱՐԱԾՔՆԵՐ ՀԱՆՁՆԵԼՈՒ ՄԱՍԻՆ

Հիմք ընդունելով Հայաստանի Հանրապետության քաղաքացիական օրենսգրքի 685-րդ հոդվածը և Հայաստանի Հանրապետության կառավարության 2011 թվականի փետրվարի 17-ի N 304-Ն որոշմամբ հաստատված կարգի 5-րդ կետով սահմանված դրույթները` Հայաստանի Հանրապետության կառավարությունը որոշում է.

1. «Հայաստանի Հանրապետության կառավարությանն առընթեր պետական գույքի կառավարման վարչության աշխատակազմ» պետական կառավարչական հիմնարկին ամրացված՝ Երևան քաղաքի Արշակունյաց 2ա և Իսահակյան 28 հասցեներում գտնվող շենքերից անհատույց օգտագործման իրավունքով տարածքներ հանձնել սույն որոշման հավելվածում նշված հասարակական կազմակերպություններին (այսուհետ` կազմակերպություններ) իրենց կողմից ներկայացված ծրագրերով նախատեսված աշխատանքների իրականացման նպատակով՝ ծրագրերով սահմանված ժամկետներով:

2. Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշումն ուժի մեջ մտնելուց հետո կազմակերպությունների հետ կնքել սույն որոշման հավելվածում նշված տարածքների անհատույց օգտագործման մասին պայմանագրեր (այսուհետ` պայմանագրեր)` պայմանագրերում նախատեսելով, որ`

1) կազմակերպությունները պարտավոր են իրենց կողմից ներկայացված ծրագրերով նախատեսված աշխատանքների կատարումը հավաստող համապատասխան փաստաթղթերը ներկայացնել Հայաստանի Հանրապետության կառավարությանն առընթեր պետական գույքի կառավարման վարչություն՝ յուրաքանչյուր կիսամյակի ավարտից հետո 15-օրյա ժամկետում.

 2) սույն որոշման 2-րդ կետի 1-ին ենթակետում նշված փաստաթղթերը սահմանված ժամկետում չներկայացնելու դեպքում կազմակերպությունների հետ կնքված անհատույց օգտագործման պայմանագրերը ենթակա են լուծման:

 3. Սահմանել, որ պայմանագրերից ծագող գույքային իրավունքների պետական գրանցման ծախսերը ենթակա են իրականացման՝ կազմակերպությունների միջոցների հաշվին:

Հայաստանի Հանրապետության փոխվարչապետի պաշտոնակատար	Ա. Գևորգյան
2014 թ. ապրիլի 11 Երևան

Հավելված ՀՀ կառավարության 2014 թվականի ապրիլի 10-ի N 378-Ա որոշման

Ց Ա Ն Կ

Հասարակական կազմակերպություններին անհատույց օգտագործման իրավունքով հանձնվող տարածքների

NN ը/կ	Կազմակերպության անվանումը	Հասցեն	Հարկը	Մակերեսը (քառ. մետր)	Գնահատ-ված արժեքը (դրամ)	Օգտագործ-ման տրամա-դրման ժամկետը
1.	«Տնտեսական լրագրողների ակումբ» հասարակական կազմակերպություն	քաղ. Երևան Արշակունյաց 2ա	8-րդ	19.9	5 060 000	5 տարի
2.	«Մամուլի ազգային ակումբ» հասարակական կազմակերպություն	քաղ. Երևան Արշակունյաց 2ա	10-րդ	82.8	20 960 000	5 տարի
3.	«Սեր, ընտանիք» մշակութային հասարակական կազմակերպություն	քաղ. Երևան Արշակունյաց 2ա	11-րդ	77.3	19 600 000	5 տարի
4.	«Ֆեմիդա» իրավական հասարակական կազմակերպություն	քաղ. Երևան Արշակունյաց 2ա	10-րդ	19.3	5 020 000	5 տարի
5.	«Հակաստվեր» իրավական հասարակական կազմակերպություն	քաղ. Երևան Արշակունյաց 2ա	9-րդ	19.8	5 166 000	5 տարի
6.	«Հայաստանի Հանրապետության պատերազմի-զինված ուժերի, աշխատանքի և իրավապահ մարմինների վետերանների միավորում» հասարակական կազմակերպության Կենտրոնի մասնաճյուղ	քաղ. Երևան Իսահակյան 28	1-ին	23.2	8 483 000	5 տարի
7.	«Աջակցություն բարեփոխումներին» հասարակական կազմակերպություն	քաղ. Երևան Իսահակյան 28	2-րդ	23.9	8 050 800	10 տարի
8.	«Հայկական կարմիր խաչի ընկերություն» հասարակական կազմակերպություն	քաղ. Երևան Իսահակյան 28	1-ին	27.2	11 000 000	5 տարի
9.	«Օգոստոսի 23 ազգային դաշինք իրավապաշտպան միություն» հասարակական կազմակերպություն	քաղ. Երևան, Արշակունյաց 2ա	8-րդ	62.1	15736000	5 տարի

(հավելվածը լրաց. 21.08.14 N 866-Ա)

Հայաստանի Հանրապետության կառավարության աշխատակազմի ղեկավար-նախարարի պաշտոնակատար

Վ. Գաբրիելյան