ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

Հ Ր Ա Մ Ա Ն Ա Գ Ի Ր Ը

1996 ԹՎԱԿԱՆԻՆ ԵՐԵՎԱՆՈՒՄ ՇԱԽՄԱՏԻ ՀԱՄԱՇԽԱՐՀԱՅԻՆ 32-ՐԴ ՕԼԻՄՊԻԱԴԱՅԻ ԵՎ ՖԻԴԵ-Ի 67-ՐԴ ԿՈՆԳՐԵՍԻ ՆԱԽԱՊԱՏՐԱՍՏՄԱՆ ՄԻՋՈՑԱՌՈՒՄՆԵՐԻ ՄԱՍԻՆ

Հաշվի առնելով շախմատի միջազգային ֆեդերացիայի (ՖԻԴԵ) 65-րդ կոնգրեսի որոշումը շախմատի համաշխարհային 32-րդ օլիմպիադան և ՖԻԴԵ-ի 67-րդ կոնգրեսը 1996 թվականի սեպտեմբեր-հոկտեմբեր ամիսներին Երևանում անցկացնելու մասին, որոշում եմ.

1. 1996 թվականի շախմատի համաշխարհային օլիմպիադայի և ՖԻԴԵ-ի կոնգրեսի պատշաճ մակարդակով անցկացմանն օժանդակելու նպատակով ստեղծել հոգաբարձուների խորհուրդ հետևյալ կազմով.

Ա. Ղազարյան - Հայաստանի Հանրապետության պետական նախարար (նախագահ) Վ. Փափազյան - Հայաստանի Հանրապետության արտաքին գործերի նախարար Վ. Սիրադեղյան - Հայաստանի Հանրապետության ներքին գործերի նախարար Լ.  Բարխուդարյան - Հայաստանի Հանրապետության ֆինանսների նախարար Վ. Խաչատրյան - պատգամավորների Երևանի քաղխորհրդի նախագահ Ս. Գևորգյան - Հայաստանի Հանրապետության նախագահի խորհրդական Հ.  Հակոբյան - Հայաստանի Հանրապետության մշակույթի նախարար Գ. Պողպատյան - Հայաստանի Հանրապետության կապի նախարար Տ.  Հակոբյան - Հայաստանի Հանրապետության հեռուստատեսության և ռադիոհաղորդումների պետական վարչության պետ Ա. Ավետիսյան - Հայաստանի Հանրապետության կառավարությանն առընթեր ֆիզիկական կուլտուրայի, սպորտի և երիտասարդության հարցերի վարչության պետ Ա. Պետրոսյան - Հայաստանի Հանրապետության արտասահմանյան տուրիզմի գլխավոր տնտհաշվարկային վարչության պետ Մ. Պետրոսյան - «Հայաստան» համահայկական հիմնադրամի գործադիր վարչության տնօրեն Վ. Զաքարյան - Հայաստանի շախմատի ֆեդերացիայի նախագահ:

2. Հայաստանի Հանրապետության կառավարությանը` շախմատի համաշխարհային օլիմպիադայի և ՖԻԴԵ-ի կոնգրեսի նախապատրաստման և անցկացման համար ստեղծել կազմակերպական կոմիտե:

Հայաստանի Հանրապետության Նախագահ	Լ. Տեր-Պետրոսյան
Երևան   31 հունվարի 1995 թ. ՆՀ-411