Basic information
Number
N 905-Ն
Type
Որոշում
Act type
Исходный акт (01.10.2016-по сей день)
Status
Գործում է
Source
ՀՀՊՏ 2016.09.14/68(1248) Հոդ.850
Enactment organisation
ՀՀ կառավարություն
Enactment date
02.09.2016
Signing organisation
ՀՀ վարչապետ
Signing date
06.09.2016
Effective date
01.10.2016

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

2 սեպտեմբերի 2016 թվականի N 905-Ն

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2009 ԹՎԱԿԱՆԻ ՍԵՊՏԵՄԲԵՐԻ 17-Ի N 1135-Ն ԵՎ 2015 ԹՎԱԿԱՆԻ ՀՈՒՆԻՍԻ 4-Ի N 632-Ն ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

 

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2009 թվականի սեպտեմբերի 17-ի «Հայաստանում տեսչական բարեփոխումների հայեցակարգին հավանություն տալու և տեսչական բարեփոխումների իրականացման գործողությունների ծրագիրը հաստատելու, տեսչական բարեփոխումների համակարգման խորհուրդ ստեղծելու, Հայաստանի Հանրապետության կառավարության 2008 թվականի սեպտեմբերի 25-ի N 1096-Ն և 2008 թվականի դեկտեմբերի 25-ի N 1573-Ն որոշումներում փոփոխություններ ու լրացումներ և Հայաստանի Հանրապետության 2009 թվականի պետական բյուջեում վերաբաշխում կատարելու մասին» N 1135-Ն որոշման 5-րդ կետը շարադրել հետևյալ խմբագրությամբ.

«5. Սահմանել, որ տեսչական բարեփոխումների համակարգման խորհրդի գործունեությունն ապահովելու է Հայաստանի Հանրապետության կառավարության աշխատակազմը (խորհրդի քարտուղարություն` տեսչական բարեփոխումների խումբ):»:

2. Հայաստանի Հանրապետության կառավարության 2015 թվականի հունիսի 4-ի «Հայաստանի Հանրապետությունում նոր տեսչական համակարգին անցնելու ծրագիրը հաստատելու մասին» N 632-Ն որոշման հավելվածի «Ստեղծվող տեսչական մարմինների ձևավորման քայլերն ըստ հաջորդականության» բաժնի 3-րդ` «Պատասխանատու մարմիններ» սյունակում «ՀՀ էկոնոմիկայի նախարարության» բառերը փոխարինել «ՀՀ կառավարության աշխատակազմի» բառերով:

3. Հայաստանի Հանրապետության կառավարության աշխատակազմի ղեկավար-նախարարին՝ սույն որոշումն ուժի մեջ մտնելուց հետո երկամսյա ժամկետում Հայաստանի Հանրապետության կառավարության քննարկմանը ներկայացնել սույն որոշումից բխող՝ այլ իրավական ակտերում կատարվելիք անհրաժեշտ փոփոխությունները և լրացումները:

4. Հայաստանի Հանրապետության էկոնոմիկայի նախարարին՝ տեսչական բարեփոխումների համակարգման խորհրդի քարտուղարության (տեսչական բարեփոխումների խումբ) բնականոն գործունեությունն ապահովելու համար անհրաժեշտ նյութատեխնիկական ապահովումն իրականացնել Հայաստանի Հանրապետության էկոնոմիկայի նախարարության աշխատակազմի միջոցներով:

5. Սույն որոշումն ուժի մեջ է մտնում 2016 թվականի հոկտեմբերի 1-ից:

 

Հայաստանի Հանրապետության
վա
րչապետ

Հ. Աբրահամյան

 

2016 թ. սեպտեմբերի 6
Երևան

Change History
Changing Act Corresponding incorporation
Changed acts
Changing Act Corresponding incorporation