Գլխավոր տեղեկություն
Номер
N 810-Ա
Տիպ
Որոշում
Тип
Ինկորպորացիա (20.08.2014-մինչ օրս)
Статус
Գործում է
Первоисточник
Չի հրապարակվել պաշտոնական պարբերականում
Принят
ՀՀ կառավարություն
Дата принятия
27.03.2014
Подписан
ՀՀ վարչապետ
Дата подписания
19.08.2014
Дата вступления в силу
20.08.2014

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

27 մարտի 2014 թվականի N 810-Ա

 

«ՀԱՅԱՍՏԱՆԻ ԱԶԳԱՅԻՆ ՍԿԱՈՒՏԱԿԱՆ ՇԱՐԺՈՒՄ» ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆՆ ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ՏԱՐԱԾՔ ՏՐԱՄԱԴՐԵԼՈՒ ՄԱՍԻՆ

 

Ղեկավարվելով Հայաստանի Հանրապետության անտառային օրենսգրքի 32-րդ և 34-րդ հոդվածներով և Հայաստանի Հանրապետության հողային օրենսգրքի 75-րդ հոդվածի 1-ին մասի 2-րդ կետով՝ Հայաստանի Հանրապետության կառավարությունը որոշում է.

1. Հետ վերցնել «Հայանտառ» պետական ոչ առևտրային կազմակերպությանն անհատույց և անժամկետ օգտագործման իրավունքով ամրացված՝ Երևանի վարչական սահմաններում գտնվող` «Երևանի անտառտնտեսություն» մասնաճյուղի Երևանի անտառպետության (անտառտնտեսության տարածքային միավոր) 7-րդ քառակուսու 21-րդ և 24-րդ տեղամասերում գտնվող երեք հեկտար անտառային հողը՝ համաձայն հավելվածի:

2. Սույն որոշման 1-ին կետում նշված երեք հեկտար անտառային հողը 10 տարի ժամկետով անհատույց օգտագործման իրավունքով տրամադրել «Հայաստանի ազգային սկաուտական շարժում» հասարակական կազմակերպությանը` մշակութային նպատակով` սկաուտական պարապմունքներ, համահայաստանյան ու միջազգային բանակումներ կազմակերպելու համար:

3. Առաջարկել Երևանի քաղաքապետին սույն որոշումն ուժի մեջ մտնելուց հետո Հայաստանի Հանրապետության օրենսդրությամբ սահմանված կարգով սույն որոշման 1-ին կետում նշված երեք հեկտար անտառային հողն առանձնացնել որպես առանձին գույքային միավոր և մեկամսյա ժամկետում ապահովել այդ անտառային հողի անհատույց օգտագործման մասին պայմանագրի կնքումը «Հայաստանի ազգային սկաուտական շարժում» հասարակական կազմակերպության հետ:

4. Սույն որոշման 2-րդ կետի ուժով ծագած իրավունքի պետական գրանցումը, ինչպես նաև անտառային հողը որպես առանձին գույքային միավոր առանձնացնելու հետ կապված համապատասխան վճարները, իրականացնել «Հայաստանի ազգային սկաուտական շարժում» հասարակական կազմակերպության միջոցների հաշվին:

 

Հայաստանի Հանրապետության
վարչապետ

 Հ. Աբրահամյան

 

2014 թ. օգոստոսի 19

Երևան

  

 

 

Հավելված

ՀՀ կառավարության 2014 թվականի

մարտի 27-ի N 810-Ա որոշման

 

Հ Ա Տ Ա Կ Ա Գ Ի Ծ

 

«ՀԱՅԱՍՏԱՆԻ ԱԶԳԱՅԻՆ ՍԿԱՈՒՏԱԿԱՆ ՇԱՐԺՈՒՄ» «ՀԱՍԿ» ՀԿ-ԻՆ ԵՐԵՎԱՆ ՔԱՂԱՔԻ ԷՐԵԲՈՒՆԻ ՎԱՐՉԱԿԱՆ ՇՐՋԱՆԻ ԱՆՏԱՌԱՅԻՆ ՀՈՂԵՐԻՑ 10 ՏԱՐԻ ԺԱՄԿԵՏՈՎ ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ՏՐԱՄԱԴՐՎՈՂ 3.0 ՀԱ ՏԱՐԱԾՔԻ

 

Ներմուծեք նկարագրությունը_3118

 

Հայաստանի Հանրապետության
կառավարության աշխատակազմի
ղեկավար-նախարար

 Դ. Հարությունյան

 

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան