«Գրանցված է»

ՀՀ արդարադատության

նախարարության կողմից

14 մարտի 2014 թ.

Պետական գրանցման թիվ 05014134

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

25 փետրվարի 2014 թ.

թիվ 45-Ն

Ո Ր Ո Շ ՈՒ Մ

«ՀՈՎՀԱՆՆԵՍ ՇԻՐԱԶ-100», «ԷԴՈՒԱՐԴ ԻՍԱԲԵԿՅԱՆ-100», «ՈՍԿԱՆ ԵՐԵՎԱՆՑԻ-400» ՀՈՒՇԱԴՐԱՄՆԵՐԸ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ԵՎ ԴՐԱՆՑ ՆԿԱՐԱԳՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «է» կետը` Հայաստանի Հանրապետության կենտրոնական բանկի խորհուրդը որոշում է.

1. 2014 թվականի ապրիլի 26-ից շրջանառության մեջ դնել «Հովհաննես Շիրազ-100», «Էդուարդ Իսաբեկյան-100» և «Ոսկան Երևանցի-400» հուշադրամները:

2. Հաստատել սույն որոշման 1-ին կետով սահմանված հուշադրամների նկարագրությունը, որոնք հուշադրամների էսքիզների հետ մեկտեղ ներկայացված են Հավելվածում (կցվում է):

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՀՀ կենտրոնական բանկի նախագահ	Ա. Ջավադյան
2014 թ. փետրվարի 27 Երևան

Հավելված Հաստատված է ՀՀ կենտրոնական բանկի խորհրդի 2014 թվականի փետրվարի 25-ի թիվ 45-Ն որոշմամբ

ՆԿԱՐԱԳՐՈՒԹՅՈՒՆ

«ՀՈՎՀԱՆՆԵՍ ՇԻՐԱԶ-100» ՀՈՒՇԱԴՐԱՄԻ

1. Հայաստանի Հանրապետության կենտրոնական բանկը թողարկել է Հովհաննես Շիրազի ծննդյան 100-ամյակին նվիրված հուշադրամ:

Հուշադրամի դիմերեսին պատկերված են Մեծ Մասիսը, Հովհաննես Շիրազի ստորագրությունը և նրա «Կտակ» բանաստեղծությունից տողեր: Ներքևում` «Հայաստանի Հանրապետության կենտրոնական բանկ 2014» և «10000 դրամ» մակագրություններն են:

Հուշադրամի դարձերեսին պատկերված է Հովհաննես Շիրազի դիմաքանդակը, ձախ կողմում եզրագծով «ՇԻՐԱԶ 1914 1984» մակագրություններն են:

Տեխնիկական չափանիշները
Անվանական արժեքը Մետաղը և հարգը Տրամագիծը Քաշը Որակը Դրամաշուրթը Տպաքանակը	10 000 դրամ ոսկի, 9000 22,0 մմ 8,6 գ պրուֆ ատամնավոր 500 հատ

Էսքիզների հեղինակներ` Հարություն Սամուելյան (դիմերես),

Էդուարդ Կուրղինյան (դարձերես):

Հուշադրամը հատվել է Լիտվայի դրամահատարանում:

«ՀՈՎՀԱՆՆԵՍ ՇԻՐԱԶ-100»

ՀՈՒՇԱԴՐԱՄԻ ԴԻՄԵՐԵՍԻ ԵՎ ԴԱՐՁԵՐԵՍԻ ԷՍՔԻԶՆԵՐԸ

ՆԿԱՐԱԳՐՈՒԹՅՈՒՆ

«ՈՍԿԱՆ ԵՐԵՎԱՆՑԻ-400» ՀՈՒՇԱԴՐԱՄԻ

2. Հայաստանի Հանրապետության կենտրոնական բանկը թողարկել է Ոսկան Երևանցու ծննդյան 400-ամյակին նվիրված հուշադրամ:

Հուշադրամի դիմերեսին պատկերված են «Շարակնոցից» մի էջ և հայերեն լեզվով առաջին «Աստվածաշունչը» արծաթյա կազմով: «Աստվածաշնչից» վերև` թողարկման տարեթիվն է՝ «2014»: Ներքևում՝ անվանական արժեքն է` «1000 ԴՐԱՄ», իսկ շրջագծով՝ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ» մակագրությունը:

Հուշադրամի դարձերեսի ձախ մասում պատկերված է Ոսկան Երևանցին` Երվանդ Քոչարի գրաֆիկական աշխատանքը, իսկ աջում` «ՈՍԿԱՆ ԵՐԵՎԱՆՑԻ 400 ամյակ» և «VOSKAN YEREVANTSI» մակագրությունները:

Տեխնիկական չափանիշները
Անվանական արժեքը Մետաղը և հարգը Տրամագիծը Քաշը Որակը Դրամաշուրթը Տպաքանակը	1000 դրամ արծաթ, 9250 40,0 մմ 33,6 գ պրուֆ ատամնավոր 500 հատ

Էսքիզների հեղինակ` Վարդան Վարդանյան:

Հատվել է Լիտվայի դրամահատարանում:

«ՈՍԿԱՆ ԵՐԵՎԱՆՑԻ-400»

ՀՈՒՇԱԴՐԱՄԻ ԴԻՄԵՐԵՍԻ ԵՎ ԴԱՐՁԵՐԵՍԻ ԷՍՔԻԶՆԵՐԸ

ՆԿԱՐԱԳՐՈՒԹՅՈՒՆ

«ԷԴՈՒԱՐԴ ԻՍԱԲԵԿՅԱՆ-100» ՀՈՒՇԱԴՐԱՄԻ

3. Հայաստանի Հանրապետության կենտրոնական բանկը թողարկել է Էդուարդ Իսաբեկյանի ծննդյան 100-ամյակին նվիրված հուշադրամ:

Հուշադրամի դիմերեսին պատկերված է «Պատանի Դավիթը» կտավից դրվագ, ներքևում՝ անվանական արժեքն է` «100 ԴՐԱՄ», իսկ աջ եզրագծով՝ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ 2014» մակագրությունը:

Հուշադրամի դարձերեսին պատկերված է Էդուարդ Իսաբեկյանի ինքնադիմանկարը, ներկապնակի ներկեր, իսկ ներքևում՝ «Eduard Isabekyan», «1914-2007 Էդուարդ Իսաբեկյան» մակագրություններն են:

Տեխնիկական չափանիշները
Անվանական արժեքը Մետաղը և հարգը Քաշը Չափը Որակը Դրամաշուրթը Տպաքանակը	100 դրամ արծաթ, 9250 28,28 գ 28,0x40,0 մմ լավացված հարթ 500 հատ

Էսքիզների հեղինակ` Հարություն Սամուելյան:

Հուշադրամը հատվել է Լիտվայի դրամահատարանում:

«ԷԴՈՒԱՐԴ ԻՍԱԲԵԿՅԱՆ-100»

ՀՈՒՇԱԴՐԱՄԻ ԴԻՄԵՐԵՍԻ ԵՎ ԴԱՐՁԵՐԵՍԻ ԷՍՔԻԶՆԵՐԸ