ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

6 փետրվարի 2014 թվականի N 110-Ա

1988-1992 ԹՎԱԿԱՆՆԵՐԻՆ ԱԴՐԲԵՋԱՆԻ ՀԱՆՐԱՊԵՏՈՒԹՅՈՒՆԻՑ ԲՌՆԱԳԱՂԹԱԾ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՑԻՈՒԹՅՈՒՆ ՍՏԱՑԱԾ ԱՆՁԱՆՑ ԿՈՂՄԻՑ ԶԲԱՂԵՑՎԱԾ ԲՆԱԿԵԼԻ ՏԱՐԱԾՔՆԵՐԸ ՍԵՓԱԿԱՆԱՇՆՈՐՀԵԼՈՒ ՄԱՍԻՆ

Համաձայն «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածի, «1988-1992 թվականներին Ադրբեջանի Հանրապետությունից բռնագաղթած և Հայաստանի Հանրապետության քաղաքացիություն ստացած անձանց իրավական և սոցիալ-տնտեսական երաշխիքների մասին» Հայաստանի Հանրապետության օրենքի և Հայաստանի Հանրապետության կառավարության 2001 թվականի մայիսի 14-ի N 404 որոշման` Հայաստանի Հանրապետության կառավարությունը որոշում է.

1. «Հայաստանի Հանրապետության կառավարությանն առընթեր պետական գույքի կառավարման վարչության աշխատակազմ» պետական կառավարչական հիմնարկին ամրացված՝ Երևան քաղաքի Շիրակի 2ա հասցեի N 7 և Աբովյան քաղաքի Ճարտարագիտական քոլեջի հանրակացարաններում բնակվող՝ 1988-1992 թվականներին Ադրբեջանի Հանրապետությունից բռնագաղթած և Հայաստանի Հանրապետության քաղաքացիություն ստացած անձանց Հայաստանի Հանրապետության օրենսդրությամբ սահմանված կարգով սեփականաշնորհել իրենց կողմից զբաղեցված բնակելի տարածքները՝ համաձայն հավելվածի, ընդհանուր բաժնային սեփականության իրավունքով՝ հավասար բաժիններով:

2. Սահմանել, որ սույն որոշման 1-ին կետում նշված հանրակացարանների զբաղեցրած և սպասարկման համար հատկացված հողամասերի նկատմամբ ընդհանուր բաժնային սեփականության իրավունքը Հայաստանի Հանրապետության օրենքով սահմանված կարգով անցնում է հանրակացարանների առանձին տարածքների նկատմամբ սեփականության իրավունք ձեռք բերողներին:

3. Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշումն ուժի մեջ մտնելուց և սեփականաշնորհվող բնակելի տարածքները, որպես առանձին գույքային միավոր առանձնացնելուց հետո, վեցամսյա ժամկետում սահմանված կարգով ապահովել սույն որոշման 1-ին կետում նշված բնակելի տարածքների սեփականաշնորհումը և բնակիչների հետ կնքել նվիրատվության պայմանագրեր՝ դրանցում նախատեսելով, որ պայմանագրի և պայմանագրից բխող գույքային իրավունքների պետական գրանցման ծախսերը ենթակա են իրականացման՝ բնակիչների միջոցների հաշվին:

Հայաստանի Հանրապետության վարչապետ	Տ. Սարգսյան
2014 թ. փետրվարի  11 Երևան

Հավելված ՀՀ կառավարության 2014 թվականի փետրվարի 6-ի N 110-Ա որոշման

 

Ց Ա Ն Կ

ԵրԵՎան քաղաքի Շիրակի 2ա հասցեի N 7 ԵՎ Աբովյան քաղաքի Ճարտարագիտական քոլեջի հանրակացարաններում բնակվող` 1988-1992 թվականներին Ադրբեջանի Հանրապետությունից բռնագաղթած ԵՎ Հայաստանի Հանրապետության քաղաքացիություն ստացած անձանց կողմից զբաղեցՎած՝ սեփականաշնորհման ենթակա բնակելի տարածքների

NN ը/կ	Ազգանունը, անունը, հայրանունը	Անձնագրային տվյալները	Սեփականաշնորհման ենթակա բնակարանների գտնվելու վայրը, սենյակների թիվը	Բնակարանի մակերեսը (քառ. մետր)	Սկզբնական արժեքը (դրամ)
1.	Գրիգորյան Գրետա Գրիգորի Ազարյան Իրինա Գեննադիի Ազարյան Ռիմմա Գրիգորի	AM0350875, տրված` 27.06.2011 թ., 003-ի կողմից AE0597199, տրված` 29.06.2000 թ., 003-ի կողմից AK0226343, տրված` 27.01.2009 թ., 003-ի կողմից	քաղ. Երևան, Շիրակի 2ա հասցեի N 7 հանրակացարան, N 203 սենյակ	16.9	69864.6
2.	Թումանյան Ելենա Լևի Շախնազարով Հրանտ Սեմյոնի	AG0569094, տրված` 26.04.2006 թ., 003-ի կողմից AG0668723, տրված` 22.03.2006 թ., 003-ի կողմից	քաղ. Երևան, Շիրակի 2ա հասցեի N 7 հանրակացարան, N 520 սենյակ	16.5	68211
3.	Շախբարյան Արևիկ Սլավիկի Շախբարյան Հովհաննես Կարենի Հովհաննիսյան Գայանե Կարենի Շախբարյան Հռիփսիմե Կարենի	AM0539458, տրված` 30.11.2011 թ., 019-ի կողմից Ծնված` 2003 թ. Ծնված` 2004 թ. Ծնված` 2006 թ.	քաղ. Աբովյան, Ճարտարագիտական քոլեջի հանրակացարան, N 514 սենյակ	35.1	273429
4.	Բադալյան Զարինե Համբարձումի Բադալյան Արամ Համբարձումի Բադալյան Գայանե Համբարձումի Բադալյան Արմեն Համբարձումի	AF0470641, տրված՝ 21.06.2012 թ., 019-ի կողմից AM0483103, տրված՝ 24.10.2011 թ., 019-ի կողմից AG0362015, տրված՝ 01.09.2004 թ., 019-ի կողմից AK0226610, տրված՝ 23.01.2009 թ., 019-ի կողմից	քաղ. Աբովյան, Ճարտարագիտական քոլեջի հանրակացարան,  N 910 սենյակ	34.6	269534

Հայաստանի Հանրապետության կառավարության աշխատակազմի ղեկավար-նախարար

Վ. Գաբրիելյան