ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 դեկտեմբերի 2013 թվականի N 1477-Ա

«ՕՆԻՐԱ ՔԼԱԲ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ԺԱՄԱՆՑԻ ԵՎ ՀԱՆԳՍՏԻ ԿԵՆՏՐՈՆԻ ԿԱՌՈՒՑՄԱՆ ՆԵՐԴՐՈՒՄԱՅԻՆ ԾՐԱԳՐԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ

Հիմք ընդունելով «Շահումով խաղերի և խաղատների մասին» Հայաստանի Հանրապետության օրենքի 6-րդ հոդվածի 3-րդ մասի «գ» կետի պահանջը՝ Հայաստանի Հանրապետության կառավարությունը որոշում է.

Հավանություն տալ «ՕՆԻՐԱ ՔԼԱԲ» սահմանափակ պատասխանատվությամբ ընկերության Հայաստանի Հանրապետության Կոտայքի մարզի Վերին Պտղնի գյուղի Երևան-Աբովյան խճուղի 5 հասցեում ժամանցի և հանգստի կենտրոնի կառուցման ներդրումային ծրագրին` համաձայն հավելվածի, խաղատուն կամ շահումով խաղ կամ անմիջականորեն (խաղասրահի միջոցով) ինտերնետ շահումով խաղ կազմակերպելու համար:

Հայաստանի Հանրապետության վարչապետ	Տ. Սարգսյան
2013 թ. դեկտեմբերի 27 Երևան

Հավելված ՀՀ կառավարության 2013 թվականի դեկտեմբերի 26-ի N 1477-Ա որոշման

«ՕՆԻՐԱ ՔԼԱԲ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ԺԱՄԱՆՑԻ ԵՎ ՀԱՆԳՍՏԻ ԿԵՆՏՐՈՆԻ ՇԻՆԱՐԱՐՈՒԹՅԱՆ ՆԵՐԴՐՈՒՄԱՅԻՆ ԾՐԱԳԻՐ

«ՕՆԻՐԱ ՔԼԱԲ» ՍՊԸ-ն պետական գրանցում է ստացել 2010 թվականի դեկտեմբերի 29-ին։

 Պետական գրանցումից անմիջապես հետո ընկերությունը Հայաստանի Հանրապետության Կոտայքի մարզի Վերին Պտղնի գյուղի Երևան-Աբովյան խճուղի 5 հասցեում նախաձեռնում է ժամանցի և հանգստի ժամանակակից կենտրոնի կառուցում։ Այդ նպատակով բանակցություններ են վարվում բազմաթիվ նախագծային ընկերությունների հետ, ընտրվել է «Հ. Ս. ՊՌՈ» ՍՊԸ-ն և վերջինիս հետ նախագծա-նախահաշվային փաստաթղթերը պատրաստելու համար պայմանագիր կնքելու հանձնարարություն է տրվել։

«Հ. Ս. ՊՌՈ» ՍՊԸ-ի կողմից պատրաստվել է համալիրի նախագծանախահաշվային փաստաթղթերը նշված հասցեի 13,597 հա հողամասի վրա համալիրը կառուցելու համար։

Վայրի աշխարհագրական դիրքը և բոլոր հաշվարկները հավաստում են, որ ներդրումները համալիրում կլինեն արդյունավետ։ Համալիրը ոչ միայն Հայաստանի Հանրապետությունում, այլ նաև տարածաշրջանում կլինի առաջատար դիրքերում, ճարտարապետական ուրույն ոճով, ժամանակակից չափորոշիչների համապատաս-խանությամբ, կնպաստի զբոսաշրջության զարգացմանը։

Ծրագրի իրականացման արդյունքում կմատուցվեն բարձրակարգ ծառայություններ, կապահովի էլ ավելի գրավչություն, հատկապես օտարերկրացիների համար, և արդյունավետ ֆինանսատնտեսական գործունեություն։

Ծրագրի իրականացման արդյունքում կստեղծվեն լրացուցիչ աշխատատեղեր։

Ներդրումային ծրագիրը կաջակցի նաև պետության կողմից որդեգրված մարզերի համաչափ զարգացման, աղքատության և արտագաղթի նվազեցման ռազմավարական ծրագրերին։

Ծրագրի իրականացման համար կպահանջվի 45-50 միլիարդ դրամի ներդրում։

Ծրագրի համառոտ նկարագիրը

Ծրագրի նպատակն է կառուցել ժամանցի և հանգստի ժամանակակից կենտրոն, որը կապահովի գործունեության նախատեսված տեսակները կարգավորող Հայաստանի Հանրապետության օրենսդրության և (կամ) միջազգային պայմանագրերի պահանջները։

Կենտրոնի գույքային համալիրն ըստ նախագծի ներառում է.

1. հյուրանոցի գլխավոր մասնաշենքը,

2. հյուրանոցի մասնաշենքերը,

3. ռեստորանային համալիր,

4. բացօթյա ռեստորանային համալիր և սրճարան,

5. բացօթյա լողավազան,

6. շահումով խաղերի և խաղատան համար նախատեսված մասնաշենք,

7. նպատակային օժանդակ` հարակից շինություններ,

8. բարեկարգված, կանաչապատված և հիմնանորոգված տարածք։

Ներդրումների հիմնական էտապները

Ներդրումների հիմնական էտապներն են.

1. նախագծային աշխատանքների ամբողջ փաթեթի մշակումը և դրանց համաձայնեցումն իշխանության համապատասխան մարմինների հետ, շինարարության թույտվության ձեռքբերումը,

2. հողային աշխատանքները,

3. շենքերի և շինությունների կառուցումը,

4. հարակից տարածքների բարեկարգումը։

Ծրագրի իրականացումը նախատեսվում է ավարտել 2013 թվականին, որի ընդհանուր արժեքը նախտեսվում է 45-50 միլիարդ դրամի սահմաններում։

Ակնկալվող արդյունքները

Ծրագրի իրականացումից ակնկալվող արդյունքներն են.

- մինչև 500 աշխատատեղերի ստեղծումը,

- բարձրորակ ծառայությունների մատուցումը Հայաստանի Հանրապետության բնակչությանը,

- նախադրյալների ստեղծում այլ երկրներից զբոսաշրջիկների ներհոսքի համար։

2010 թվականի դեկտեմբերի 29-ին հրավիրված «ՕՆԻՐԱ ՔԼԱԲ» սամանափակ պատասխանատվությամբ ընկերության մասնակիցների արտահերթ ընդհանուր ժողովի որոշմամբ ներդրումային ծրագիրը կազմելու և արդյունավետ իրականացման գործընթացն ապահովելու նպատակով պատասխանատվությունը վերապահվել է «Մուլտի Գրուպ» Կոնցեռն ՍՊԸ-ի գլխավոր տնօրեն Սեդրակ Առուստամյանին և նույն ընկերության ֆինանսական տնօրեն Գեղամ Թովմասյանին։

ՏԵՂԵԿԱՆՔ

«ՕՆԻՐԱ ՔԼԱԲ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ԺԱՄԱՆՑԻ ԵՎ ՀԱՆԳՍՏԻ ԿԵՆՏՐՈՆԻ ՇԻՆԱՐԱՐՈՒԹՅԱՆ 2013 ԹՎԱԿԱՆԻ ԴԵԿՏԵՄԲԵՐԻ 1-Ի ԴՐՈՒԹՅԱՄԲ ՆԵՐԴՐՈՒՄԱՅԻՆ ԾՐԱԳՐԻ ԻՐԱԿԱՆԱՑՄԱՆ ՎԵՐԱԲԵՐՅԱԼ

Համաձայն ներդրումային ծրագրի` «ՕՆԻՐԱ ՔԼԱԲ» ՍՊԸ-ն 2011 թվականից Հայաստանի Հանրապետության Կոտայքի մարզի Վերին Պտղնի գյուղի Երևան-Աբովյան խճուղի 5 հասցեում` 13,597 հա հողամասի վրա, ձեռնարկել է ժամանցի և հանգստի կենտրոնի կառուցումը։

Շինարարական աշխատանքները 2013 թվականի դեկտեմբերի 1-ի դրությամբ ամբողջովին ավարտվել են և գնահատվել անկախ գնահատող «Էյ Էնդ Էմ ֆայնենշլ Քոնսալթինգ» ՓԲԸ-ի կողմից։

Վերջինիս կողմից, համաձայն հաշվետվության, ընկերության գույքը գնահատվել է 61146139340 դրամ, այդ թվում`

- շենքերը և շինությունները` 59039197608 դրամ,

- հողամասը` 1809665732 դրամ,

- շարժական գույքը` 300276000 դրամ։

Հայաստանի Հանրապետության կառավարության աշխատակազմի ղեկավար-նախարար

Վ. Գաբրիելյան